ባብሎነ ጎልእቶ
1ይንፓ ሱባ፥ ዳማ ዎልቃ የዘ መለ ኪታንቾ ሳሎፓ ዎደራ ታ ብእዳ። ኤ ቦንችትፓ ደንዲ ሳአ ፎእዳ።2ቃ ኦራ፥«ዳማ ባብሎነ ጎልእዳ! ጎልእዳ!ቱና አያኑን አቅዘ በሲ ማቅዳ።ኢታ አያኑንስ ኬ ማቅዳ፤ቱናን እጽንትደ ላንዱንስ ሸምፕዘ በሲ ማቅዳ።3ዎርዣ ኡባ እዛ ፋ ኦላለ Ꮉንቆ ዎይነ ኡሽዳ።ሳአ ካቱን ኢራ ኦላልዳ።ኢስ ዎትዳንፓ ደንዲሳአ የዘ ዛልእዙን ዱርዳ»ያጋይዳ።4ይንፓ ሱባ፥ ታ ሳሎፓ Ꮉኒ ጋር ያጋዘ መለ ቃላ ስእዳ።«እ ናጋርቶ ኢራ ኮጻመ ፋናን፥እዛ ኤኮደስ የዘ Ꮉንቆ ይን ኤካመ ፋና፥ታ ዎርዡን እ ካለፓ ከዞተ።5ይኬ፥ እ ናጋርታ ሳሎ የሎደስ ዶርንትዳ።ጾዚ እ ቆህቶ ቆፕዳ።6እዛ እንግዳን ፋና ላምእ ኩሸ ኢስ እንጎተ።እዛ ኦችደ ኦችትስ ላምእ ኩሸ ኢስ ማሆተ።እዛ ጊግዝደ ኡሽትላ አፋ ይን ላምእ ኩሸ ማዘ ኡሽ እ ጹእተ ዎርቆተ።7እዛ ቦንችንትዳን ፋናን ኢስ ጊግዳን ፋና፥እዞ ዋይተን አዛንተ።እዛ ፋ ዎዝንተ፥‹ታኒ ካት ማቂ በቶዳ፤ ታኒ አዝኒ ባይዘ ማቾ ማቆስ፤ታኒ አዛኖን ማህ አዛኖስ› ጋይዳ።8ይኒ ግሾ፥ Ꮉንቆ፥Ꮉርገ፥ አዛኖን ናየ እዞ ፈቲ ቃማር አይኮዳ።ማህ እዛ ታማር ሙእንቶዳ፤አኮስ ጋይኮ፥ ኢላ አፋ ፍርድዘ ላ ጾዘ ምን»ጋይዳ።9«ኢራ ኦላለ Ꮉንትዱንን ኢስ ዎትደ የስተ የዝደ፥ አላመ ካቱን ይና ካታምታ ሙእንትን ከዝዘ ጩግቶ ብእደ ዎደ ኢስ ኡክ ዬኮዳ።10ኡን ይና ካታምት ዋይቶ ብእ ዣሽትደ ግሾ Ꮉኪ ኤቂ፥« ‹Ꮉና ዳማ ካታምተ! ዎልቃራ የዛነ!ባብሎነ፥ ነና ባደ! ባደ!ነና ፈቲ ሳተ ግዳ ፍርዳ የልዳ› ጋዉዳ።11«ኡን ማርካብተ የዘ ጫንቶ ይኬፓ ጎደ ዎንግዘ አስ ባይዘ ግሾ ሳአ የዘ ዛልእዙን ይና ካታምትስ ዬኮዳ አዛኖዳ፤12ኡን ዎርቃ፥ ብራ፥ ቦንቾ ሹች፥ እንቆ ጋዘ አልኦ ሹች፥ ቦንቾ ማኦ፥ ሊኖ ማኦ፥ ሀር ማኦ፥ ዞቆ ማኦ፥ ዱማ ዱማ ሳዎ ምንጻ፥ ዳንጋርስ አች፥ አልኦን ቦንቾ ምንጻ፥ ናሰ፥ መቆን፥ እብነ በረደፓ መንትደ ሚሸ ኡባ፥13ቀረፋ፥ ቅማመ፥ ሳውዘ ምንጻ፥ ካርበ፥ እጻነ፥ ዎይነ፥ ዛይተ፥ ሊቆ ላ፥ ዛርጋ፥ Ꮉር፥ ዱሮ፥ ፋራ፥ ፋራ ጋረ፥ አሮን መለ አሱንን የነ።14«ዛልእዙን፥ ‹ኔኒ አሙደ ሎኦ ባዝ ኡባ ኔፓ አዳ። ነ የስታን ነ ፋልሞ ሚሽታ ኡባ ኔፓ Ꮉክዳ። አሱን ይኬፓ ማህ ይኖ ደንጋማ› ያጋይዳ።15ይኖ ዛልእ ዱርደ ኡባ ዬክተራን አዛንተራ፥16« ‹ሊኖ ማኦ፥ ሌኦ ማኦን ዞቆ ማኦ ማእ፥ዎርቃራ፥ ቦንቾ ሹችንእንቆ ጋዘ አልኦ ሹቻራቦንችንትዳና አ ሎእዳ፥ይና ዳማ ካታምቶ ባደ! ባደ!17Ꮉኒ ፋና ዳማ ዱረተ!›«ፈቲ ሳተ ብዳ ያጋእ Ꮉንቅቶ ዣሽትዳንፓ ደንዲ Ꮉኮ ኤቅዳ። «ማርካብዛ እዥዘ ኡባ፥ ማርካብዘራ ቅትዘ ኡባ፥ ማርካብዘላ አፋ ኦችዘ ኡባ አባላ ዛልእዘ ኡባ Ꮉኪ ኤቅዳ።18ይና ካታምታ ኤጽን ከዝዘ ጩግቶ ብእደ ዎደ ‹Ꮉና ዳማ ካታምቶ አዝዘ መለ ካታማ የነ የሳነ?› ያጋእ ኡክዳ።19ኡን ፋ ኦምተ ቡልአ ጉሲ፥ ዬክተራን ካይተራ፥« ‹አባላ ማርካበ የዘ ኡባ፥ፋ ዱረትትፓ ደንዲ ዱረ ማህደ፥ዳማ ካታምተ ባደ! ባደ!ፈቲ ሳተ ብዳ ያጋእ› ኡክዳ።20ሳልተ፥ጌሹን፥ ሐዋሩን፥ ናቡን፥ጾዚ ይን ግሾ ኢላ አፋ ፍርድደ ግሾ ኡፋይቶተ» ያጋይዳ።21ፈቲ ምን ኪታንቾ ዎጻ አዝዘ ዳማ ሹች ደን አባ ጊ፥ «ዳማ ካታምተ ባብሎነ Ꮉንጋራ ኡርቂንት ጎልኦዳ፤ ይኬፓ ሱባ ሙሎን በንቶስ።22ባጋና ጉድዙንን ማዝሙረ የጽዙን፥ ሱሉንቀን ሞይዘ ኦልዙን፥ ይኬፓ ሱባ ነ ግዳ ሙሎን ስንቶስ። አኮ ባዝን ኩሸ ብላተር ኦችዘ አስን ነ ግዳ በንቶስ። ዎጻ ኦ ይኬፓ ሱባ ነ ግዳ ሙሎን ስንቶስ።23ጾምፐ ፎኦ ማህ ነ ግዳ ፎኦስ። ማቾ ኤክዘን አዝኒ ገልዘ ኡፋይስ ቃላ ይኬፓ ሱባ ነ ግዳ ሙሎን ስንቶስ። ዛልእዙን ሳአ ኤርንትደ ግሾ ነ ብትትራ ካእቱሞ ሙሎ ባልዳ» ጋይዳ።24ናቡን ሱ፥ ጌሹን ሱታን ሳአላ አፋ Ꮉይቂደ አሱን ኡቡን ሱታ እ ግዳ በንትዳ።