የሱሳ ሳምባታ ባዝ ኦጭንትዳ
1ፈቲ ሳምባታ ዎደ የሱሳ ዛርጋ ጋደ ግዳራ አነ። የሱሳ ታማሩን ትዣ ዛርጋ ዱ ፋ ኩሽተ ሽጪ አነ።2የዝን ፋርሳዉን ግዳፓ ፈተ ፈተ፥ «ሳምባታ ዎደ ህገስ ቤዞሰ ባዝ አኮስ ኦቼ?» ያጋይዳ።3የሱሳ ኡንታጎ ማህ፥ «ዳዉተ ናይደ ዎደ ፋራ የዙንራ ዎላ ኦችዳኖ ናባብካ?4ጾዘ ኬ ገሊ አይሁደ ካህኑን ጻላላስን ጾዝስ ቤዝዘ ዳቡቶ ሙእዳ፤ ፋራ የዙንስን እንግዳ» ያጋይዳ።5ማህ የሱሳ፥ «አስ ናአይ ሳምባታ ላ» ያጋይዳ።6መለ ሳምባታ ቃማ የሱሳ አይሁደ ዎሳ ኬ ገሊ ታማርስዳ። ይና በስተ ምዛቅ ኩሸ ጉንድደ ፈቲ አስ የነ።7ህገ አስታማሩንን ፋርሳዉንን ኤዛ ሞቶደስ ኦገ ኮይ ሳምባታ ዎደ ፋኮ በአዳ ጋእ ካፋነ።8የዝን የሱሳ ኡን ቆፍቶ ኤሪ ኩሸ ጉንድደ አጎ፥ «ደንዲ አሱን ግዳ ኤቆ» ያጋይዳ። አይን ደንዲ ኤቅዳ።9የሱሳ፥ «አነ ታ ይንታና ፈትባዝ ኦጫነ፤ ሳምባታ ቃማ ህግተ ኦቾደስ ቤዝዛና ሎኦ ባዞነ ኢታ ባዞ? ሸምፖ አሸነ ዎይ ብሰ?» ያጋይዳ።10ማህ የሱሳ ኤ ካለ ዉቲ የዘ አሱንና ኡባ ዉቱ ብእ አጎ፥ «ነ ኩሽቶ ፍዲ ዪዞ» ያጋይዳ። አይን ኤ ጋእዳን ጋራ የይዝን ኩሽዘ ፋጽዳ።11የዝን ህገ አስታማሩንን ፋርሳዉንን ጋማ ዥልዳ። የሱሳላ አፋ አኮ ኦቾ ጋእ ፋ ግዳ ዞርንትዳ።የሱሳ ታጶ ላምእ ሐዋሩንና ዶርዳ
12የ ዎደ ይና ቃምትፓ ፈተ ግዳ የሱሳ ዎሶደስ ደረላ አፋ ከዝዳ። ቃማ ኩሙ ጾዝ ዎስተራ አቅዳ።13ዎንትስቶ ፋ ታማሩንና ጼጊ ኡን ግዳፓ ታጶ ላምኡንና ዶሪ፥ ኡንታና፥ «ሐዋሩንና» ጋእ ሱንዳ።14ኡንትን፥ ጴጥሮሳ ጋእ ሱንደ ስሞና፥ ኤ እሸ እንድራሰ፥ ያይቆባ፥ ዋሐንሳ፥ ፍልጶሳ፥ ባርቶሎምዮሳ፥15ማቶሳ፥ ቶማሳ፥ እልፍዮሳ ናአ ያይቆባ፥ ፋ ጋድትስ ቃናእዘ ስሞና፥16ያይቆባ ናአ ይሁዳን የሱሳ አ እንግደ አስቆሮቱ ይሁዳ።የሱሳ ታማርስዳኖን ፋዳኖ
17የሱሳ ሐዋሩንራ ዎላ ደርዘፓ ዎ ጋናስ በሳ ኤቅዳ። ኤ ታማሩንፓ ጋሙን ይና በስተ የነ ይሁዳ ሳአ ኡባፓ የሩሳላመፓ፥ ጢሮሳፓን ስዶና አባ ጋጻፓ ይእደ ጋማ አሱን የነ።18ኡን ይእዳና ኤ ታማርስዘባዝ ስኦደስን ፋ Ꮉርግትፓ ፋጾደስ። ቱና አያናራ ዋይንትዘ አሱንን ፋጽዳ።19ዎልቃ ኤፓ ኬዚ አሱንና ኡባ ፋዘ ግሾ አሱን ኤዛ ቦቾደስ ኮያነ።ኡፋይስን አዛኖን
20ፋ ታማሩንጎ ብእ Ꮉንጋራ ያጋይዳ፦«Ꮉንሶ፥ ዳሁን፥ ይን አንጅንትዱንና፤ጾዘ ካእቱሞ ይንትስ።21ይን Ꮉተ ናይዙን አንጅንትዱንና፥ይን ምሻዳ።ይን Ꮉተ ዬክዙን አንጅንትዱንናይን ሚጮዳ።22አስ ይንታና ታ ግሾእጽዘ ዎደይንታና ሻክዘ ዎደይንታና ኡን ቶችዘ ዎደ፥ኢታ ሱን ኡን ይንትስ እንግዘ ዎደይን አንጅንትዱንና።23«ይኬ፥ ይን አንጅታ ሳሎ ዳማ ማቅደ ግሾ የ ዎደ ኡፋይሳራ ዶሎተ። አኮስ ጋይኮ፥ ዛጋ ኡን አዱን ናቡንላ አፋ ይኒ ጋር ኦችዳ»24«የዝን ዱረ አሱን ይንታና ባደ፤ይን Ꮉተ ሎኦ የስቶ ኤክዳ።25Ꮉተ ምዥዱን ይንታና ባደ፤ይን ናይዳ።Ꮉተ ሚጭዙን ይንታና ባደይን አዛኖዳ ዬኮዳ።26አስ ኡቡን ይን ሎኦትቶ ጻላላ ኦህዘ ዎደ ይንታና ባደ።ኡን አዱን ዛጋ ዎርዶ ናቡንላ አፋ ይኒ ጋር ኦችዳ።ይን ሞርኩንና ካተ
27«የዝን ታና ስእዘ ይንትስ ታ ኦህነ፤ ይን ሞርኩንና ካተ፤ ይንታና እጽዙንስ ሎኦ ባዝ ኦቾተ።28ይንታና ባድዙንና አንጆተ፥ ይንታና ቆህዙንስ ዎሶተ።29ፈቲ ዛላ ኦክዛ ባቂኮ Ꮉንኮ ዛልዛ ቤዞ። ነ ኮትዛ ኤኮዳ ጋዘስ ነ ሻምዛያን ጉጂ እንጎ።30ነና ዎስዘ ኡቡንስ እንጎ፤ ኔፓ ኤክዛ ኦደን ማሆ ጋእ ኦጭፐ።31አሱን ይንትስ ኦቾደ ጋር ይን ኮይዛን ፋና ይንትን አሱንስ ኦቾተ።32«ይን ይንታና ካዽዘ አሱንና ጻላላ ካኮ፥ አኮ ጋላታ ይንትስ የዘ? መለ አቶ የዝን፥ ናጋራንቹንን ፋና ካዽዙንና ካነ።33ይንትስ ሎኦ ባዝ ኦችዙንስ ጻላላ ሎኦ ባዝ ኦችኮ ይንትስ አኮ ጋላታ የዘ? ናጋራንቹንን ይኒ ጋራ ኦቻነ።34ታልኤ ማሆደ አሱንስ ጻላላ ይን ታልእኮ አኮ ዱማ ጋላታ የዘ? ናጋራንቹንን ሱብ ማሆደ አስ ብእ ታልአነ።»35«የዝን ይን ሞርኩንና ካተ፤ ኡንትስ ሎኦ ባዝ ኦቾተ። ሱባ ኤኮደስ ቆፕካይዛራ ታልኦተ። ይነ ይን ኤኮደ አንጅታ ዳማ ማቃዳ። ይን ኡባፓ ካታራ የዘ ጾዘ ናኡንና ማቃዳ። ኤ ፋና ጋላቶሱንስን ኢቱንስን ዳልጋ።36ይን ሳሎ አዳይ ማርዛ ማቅዳን ጋራ ይንትን ማርዙንና ማቆተ።መሉንላ አፋ ፍርድፐተ
37«አሳላ ፍርድፐተ፤ ይንታላ አፋ ፍርድንቶስ። ይን ቦርንታመ ፋና ኦናን ቦርፐተ። አቶ ጋኦተ፤ ጾዚ ይንትስ አቶ ጋኦዳ።38እንጎተ፤ ይንትስ እንግንቶዳ። ይን ማክዳነ ይንትስ ማህ ማክንቶዳ፥ ሎኦ ማክዘ ባዝተ ባቂ፥ ኩሙ፥ ላንቶደ ዎንስ ይንትስ ማክንቲ እንግንቶዳ» ያጋይዳ።39ማህን የሱሳ ያጋእ ኡንትስ አዝዘ ኦህዳ፤ «ቆቅዘ ቆቀ ካልደስ ዳንዳአነ? ካልኮ ላምኡን ዎል ኤኪ ጋጋ ቅቶሳነ?40ታማረ አስታማረፓ አኦስ። ዪኮን ሎይ ታማርደ አ ፋ አስታማርዘ ፋና ይአነ።41«ነ እሸ ኣፍተ የዘ ቡርዛ አኮስ በኤ? ነ ኣፍተ የዘ ቱስ ፋና የዛ አኮስ ቦኦሳ?42ነ ኣፍተ የዘ ቱስ ፋና የዛ ብእካይዛራ ነ እሸጎ፥ ‹ታ እሻዮ ነ ኣፍተ የዘ ቡርዛ ኬሶ› ጋኦደስ ዋይዝ ዳንዳኤ? Ꮉይ ጩቡዛዮ፥ ቲን ነ ኣፍተ የዘ ቱስ ፋና የዛ ኬሶ። ይንፓ ሱባ፥ ነ እሸ ኣፍተ የዘ ቡርዛ ኬሶደስ ጌሽ በአዳ።ምንጻን ኤ አፍዛን
43«ሎኦ ምንጻ ኢታ ኣፈ አፎስ፤ ይኒ ጋራ ኢታ ምንጻ ሎኦ ኣፈ አፎስ።44ኣፈ ኣፍዘ ምንጻ ኡባና ፋ ኣፍተ ኤርንታነ። አንጋፓ በለሰ ምንጻ ኣፈ ማጽንቶስ ማህ Ꮉልሞፓ ዎይነ ኣፈ ማጽንቶስ።45ሎኦ አስ ፋ ዎዝንተ ኩምደ ሎኦ ባዝትፓ ሎኦ ባዝ ከሳነ። ኢታ አስ ፋ ዎዝንተ ኩምደ ኢታ ባዝትፓ ኢታ ባዝ ከሳነ። አስ ፋ ዎዝንተ ኩሚ ትርፍደ ባዛፓ ፋ ዶናራ ኦህነ።ኬ ኬጽዘ ላምእ አሱንና
46«ታ ጋዛኖ ይን ኦቾስ፥ የዛራ ዬዝን አኮስ ታና፥ ‹ላ፥ ላ፥ ጋኤተ?›47ታጎ የእዘን ታ ቃልቶ ስእ ፎልዘ ኡቡን ኦና አዝዛኮ ታ ይንታና ቤሳዳ።48ኤ ኬ ኬጾደስ ዝቂ ዪዚ፥ ኦላ ቦክደ፥ ኦሞራ የዘ ላላላ አፋ ኬ ኤስደ ጭንጫ አ አዛነ። Ꮉሮ ጎጊ የ ኬ ኡርቂዳ፥ የዝን ምን ኬጽደ ግሾ ኤንእሳደስ ዳንዳእካያ።49የዝን ታ ቃልቶ ስእ ኦቾሰ ፋ ኬቶ ሻፈላ አፋ ባስካይዛራ ኬጽደ አ አዛነ። Ꮉሮ ጎጊ የ ኬ ኡርቂደ ዎደ ኤልሲ ጎልእዳ። የ ኬዘ ዳማ ጎልኤ ጎልእዳ» ያጋይዳ።