የሱሳ ሙሴፓ ካታራ
1ይኒ ግሾ፥ ጾዚ ጼግደ ጌሽ እሹን፥ ኑ አማኖራ ላ ጋእ ጼግዘ ሐዋረን ካህኑን Ꮉላቃ የሱሳ ቦኦተ።2ሙሴ ጾዘ ኬ ኡባ አማንንትዳን ፋና የሱሳን ፋና ዶርደ ጾዘስ አማንንትዳያ።3ኬ ኬጽዛይ ኬትፋ አ ቦንችንትዛን ፋና የሱሳ ሙሴፓ አዘ ቦንቾ ኤኮደስ ቤዛነ።4ፈታ ፈታ ኬዛ ኬጽደ አስ የነ፥ የዝን ኡባኖ ጊግዝደ ጾዚ።5ሙሴ ጾዘ ኬ ኡባነ አማንንትደ አሮ ማቂ፥ ጾዚ ቲኖፓ ጋዉደባዝስ ማርካ ማቅዳ።6የዝን ክርስቶሳ ጾዘ ኬተ ናአ ፋና አማንንትዳያ። ኑኒ ኤኮዳ ጋእ ናግዘ ኡፋይስቶ ምን ናግኮ ጾዘ ኬ ማቃነ።ጾዘ አስስ የዘ ሸምፖ
7ይኒ ግሾ፥ ጌሽ አያና ጋዛንፋና፥«Ꮉይኖ ይን ጾዚ ጋዛኖ ስእዘ ዎደ8አኮ ባይዘ ሳአ ፋታንዘ ቃማ፥ይን አዱን ገነ Ꮉንትዳን ፋና፥ይን ዎዝንቶ ምንፐተ።9ይን አዱን ታና ፋታንዳ፤ኦይታም በረ ታ ኦችቶ ብእዳ።10ይኒ ግሾ፥ ታ ይና የለቱንና ካጭ፥‹ኡን ኡባ ዎደ ፋ ዎዝንተ ባላነ፤ታ ኦግቶ ኤርካያ› ያጋይዳ።11ይኒ ግሾ፥ ታኒ ዥሎራ ጫቂ፥‹ታ ሸምፖ በስቶ ሙሎን ገሎስ› ያጋይዳ»ያጋነ።12ታ እሹን፥ ይንታፓ ኦደን፥ ደኦ ጾዘፓ ይንታና ሻክዘ ኢታን አማኖሰ ዎዝና የዛመ ጋር ናግንቶተ።13ይንታፓ ኦደን ናጋራ ባልን፥ ፋ ዎዝንቶ ምንመ ጋር «Ꮉይኖ» ጋእንት ጼግንቶደራ ቃምተ ቃምተ ፈተ ፈተራ ዞርንቶተ።14ኑ ቲኖ አማንቶ ኑኒ ዉርሱ የሎደስ ምን ናግኮ፥ ክርስቶሳራ ዎላ ሻክንትዙንና።15ጌሽ ማጻፍተ፥«Ꮉይኖ ጾዚ ጋዛኖ ይን ስእዘ ዎደየ ዎደ ኡን ጩቦራ Ꮉንዳን ፋና፥ይን ዎዝንቶ ምንፐተ»ያጋይዳ።16ጾዚ ጋዘባዝ ስእ ጩቡዱን ኦደ? ሙሴ ግብጸፓ ካል ኬስደ ኡቡንና።17ጾዚ ኦይታም በረ ኦና ካጭዶ? ናጋራ ኦችዱንናን ኡን አህታ አኮ ባይዘ ሳአ ዎ አትደ አሱንና ባነ?18ማህ ጾዚ፥ «ታ ሸምፖ በስቶ ገሎስ» ያጋእ ጫቂዳና፥ ኤስ ኪትንታንጽደ አሱንና ባነ?19ይኬ፥ ኡን ይና ሸምፖ በስቶ ገላንጽዳና አማንካይዘ ግሾ ማቅዳኖ ኑ በእነ።