Muguba Ufulu Ulufalu16
1Ausi, sulu uleno Godene sebele moloafia sulu dia ano domoba ilifea koleba eweguba selesi, na dubulu. “Godene gadilo disi domoba amofea fofalu waalebumo, gili difasia, helefealu saabia guguba dafogoyo mala!”2Auba selesi, sulu dia ano agelehe, ene disimo dibia abia, helefealu saabia guguba dafogoso. Guguba dafogosi, idele inolo kelebulu wolu amone mimisililufea gulugulusia, amone imini inefea seleba waalebu ili amofea, aiye wolu kolelu kakainasia, naga bule diaba yaaso.3Ausi, sulu dia ano aganebohe, ene disimo salu hano galulu amofea guguba dafogoso. Guguba dafogosi, salu hano ami inolo olalune bole hugugulu adeso. Auba ausimo, hano usu ami bebeada kakainabumo sunia daneba yaaso.4Ausi, sulu dia ano osolohe, ene disimo hano dedalefea amida, hano sugulo dugulefea amida, guguba dafogoso. Guguba dafogosi, hano amo sunia ibisu adeso.5Auba ausimo, hanoda yasilo sulu dia ano amohe eweguba selesi, na dubulu.
“Noekene kolebamo, Ga labe-eee! Labe amo, Ga. Alolu amo, Ga. Isoba Osolalomo, Ga labe-eee! Osolasia sabefemo, Ga isolu koleba labe-eee!6Inolo ili ewehe, Ge idele inoloda, Ge saaba ofolo inoloda, dufelesia, ine ibi sagaba yaalu. Aulugulu, aga, Gode, Gahe ili osolasia, ilifea ibi amo namenesisia sabe mefemo, Ga isoba osolafe.”7Auba selesi, sulu no soba meyone defene olaboiya amifia eweguba gegoaba selesi dubulu.
“Seale, Saminilo Gode, Kiwigagaluda suniane wasolumo, Ga koleba labe! Ga mau fadaasiamo, seale fadaalo. Ga osolasiamo, isoba koleba osolalo.”8Auba selesi, sulu dia ano binibohe, ene disimo halofea guguba dafogoso. Guguba dafogosi, Godehe halofea idele inolo haloba de waagi dasimesi gadefaso.9Idele inolomo halo amone nee halo kolelu alefasia, dasilesia waalesi, ilihe higinilu gi amo holobagagamesi kiwimo Godefea dobusia, Godene wi soaneba seleso. Ilihe nolofia asigi besibale ligia, Godene wi digiba selesale.10Ausi, sulu dia ano bi amohe, ene disimo kelebulu wolu amone asefalu ailaiya ami guguba dafogoso. Guguba dafogosi, eda yasifia ada amo nigiligagalu gasiaguso. Idele inolo ami kakainalumo, naga disiamo, ine eanemo agasia nabaiso.11Ili naga dife amodai, aiye kakainafe amodai, bisigia, hebenene Godefea soaneba seleso. Ili moloba alolumo, nolofia asigi besisale.12Ausi, sulu dia ano kaabehe, ene disimo hano bule Yufuledisi amofea guguba dafogoso. Guguba dafogosi, halo holobagalofealofia kini milibaimesine eno madeneba ofelesia, hano amo usuba diso.13Aufia, na ami sidafia labimo, asubane nugumalu, hagamegulu, osoloa holobagagasi abulu. Ili amo ulenomo, hausabe amone mofeyofiada, aufia ulenomo kelebulu wolu amone mofeyofiada, aufia ulenomo masega saaba ofolo amone mofeyofiada holobagagaso.14Asubane nugumalu osoloa amo gamodone asubane ligia, momolelu kegele eloba bamesi moloba labeo. Ili amohe helefealu suniane kini alebaibia ami abia, ine wafe dulu gagaiyoyone dedaleba yaaso. Kiwigagaluda suniane wasolu Gode amone hilia bule amo adesi, yoboyo amone ili osoloahe kini sunia wafe diaba yaaso.15Yesu selesia, “Doma, Na inigiamo, fadilo inolo hidigiba dafa anoguba, Nada hidigiba dafa miyobasu. Aulugulu, abagudoa hanefia labi, yuaba bolosi, si kolafia, hanesiale, fagulo kakafia melale. Ausenaga, Na saabe hilia amo, ga henelo wasigaeyobafe.”16Ausi, asubane nugumalu ili amohe kinine wafe dulu amo sunia Hibulu sulubamo hele Amagedonoba soda ami gagaiyoba ofeleso.17Ausi, sulu dia ano domohe, ene disimo hisufea guguba dafogoso. Guguba dafogosi, sebele molosufia, Godene asefalu ailaiya amifia, sulu uleno koleba selesia, “Elofe-eee!”18Auba selesi, yabagelesia sigiba dedalesia, galamo galasia, hagana gudusia, heleli bule sigiso. Heleli amo bule koleba sigife amo, idele inolo helefealu maugaba aloiya amifia inigia, heleli bule amoguba sigisi abulualebiyo.19Ausi, heleli bule sigilu amohe, sidi bulemo osoloaba, osolaba dafalisi, mosomu suniane sidi noolomoda woba dafaliso. Godehe sidi bule Babilonone mana mololumo asigi galisiale, efea waini hano gaabu wasulu amo naba samodomaso. Waini hano amomo Godene libo degesia gadilo amone iminife.20Ausi, saidudu sunia fisaba dedalesi, hele gale ulenoda ami kalugaasi besabale.21Ausi, hele hugasia, hele kano badilu sodolo anakiwifia helefealu iwi hodobaisasia hugaso. Ausi, hele-kano badilu amone higinilu ule ulebamo kilo daabuluba bia (50) alegalu amoguba ufulubiyo. Hele-kano badilu amo idele inolo saabia hodobaisasimo, ili naga bule disia, Godefea soaneba seleso.
“Noekene kolebamo, Ga labe-eee! Labe amo, Ga. Alolu amo, Ga. Isoba Osolalomo, Ga labe-eee! Osolasia sabefemo, Ga isolu koleba labe-eee!6Inolo ili ewehe, Ge idele inoloda, Ge saaba ofolo inoloda, dufelesia, ine ibi sagaba yaalu. Aulugulu, aga, Gode, Gahe ili osolasia, ilifea ibi amo namenesisia sabe mefemo, Ga isoba osolafe.”7Auba selesi, sulu no soba meyone defene olaboiya amifia eweguba gegoaba selesi dubulu.
“Seale, Saminilo Gode, Kiwigagaluda suniane wasolumo, Ga koleba labe! Ga mau fadaasiamo, seale fadaalo. Ga osolasiamo, isoba koleba osolalo.”8Auba selesi, sulu dia ano binibohe, ene disimo halofea guguba dafogoso. Guguba dafogosi, Godehe halofea idele inolo haloba de waagi dasimesi gadefaso.9Idele inolomo halo amone nee halo kolelu alefasia, dasilesia waalesi, ilihe higinilu gi amo holobagagamesi kiwimo Godefea dobusia, Godene wi soaneba seleso. Ilihe nolofia asigi besibale ligia, Godene wi digiba selesale.10Ausi, sulu dia ano bi amohe, ene disimo kelebulu wolu amone asefalu ailaiya ami guguba dafogoso. Guguba dafogosi, eda yasifia ada amo nigiligagalu gasiaguso. Idele inolo ami kakainalumo, naga disiamo, ine eanemo agasia nabaiso.11Ili naga dife amodai, aiye kakainafe amodai, bisigia, hebenene Godefea soaneba seleso. Ili moloba alolumo, nolofia asigi besisale.12Ausi, sulu dia ano kaabehe, ene disimo hano bule Yufuledisi amofea guguba dafogoso. Guguba dafogosi, halo holobagalofealofia kini milibaimesine eno madeneba ofelesia, hano amo usuba diso.13Aufia, na ami sidafia labimo, asubane nugumalu, hagamegulu, osoloa holobagagasi abulu. Ili amo ulenomo, hausabe amone mofeyofiada, aufia ulenomo kelebulu wolu amone mofeyofiada, aufia ulenomo masega saaba ofolo amone mofeyofiada holobagagaso.14Asubane nugumalu osoloa amo gamodone asubane ligia, momolelu kegele eloba bamesi moloba labeo. Ili amohe helefealu suniane kini alebaibia ami abia, ine wafe dulu gagaiyoyone dedaleba yaaso. Kiwigagaluda suniane wasolu Gode amone hilia bule amo adesi, yoboyo amone ili osoloahe kini sunia wafe diaba yaaso.15Yesu selesia, “Doma, Na inigiamo, fadilo inolo hidigiba dafa anoguba, Nada hidigiba dafa miyobasu. Aulugulu, abagudoa hanefia labi, yuaba bolosi, si kolafia, hanesiale, fagulo kakafia melale. Ausenaga, Na saabe hilia amo, ga henelo wasigaeyobafe.”16Ausi, asubane nugumalu ili amohe kinine wafe dulu amo sunia Hibulu sulubamo hele Amagedonoba soda ami gagaiyoba ofeleso.17Ausi, sulu dia ano domohe, ene disimo hisufea guguba dafogoso. Guguba dafogosi, sebele molosufia, Godene asefalu ailaiya amifia, sulu uleno koleba selesia, “Elofe-eee!”18Auba selesi, yabagelesia sigiba dedalesia, galamo galasia, hagana gudusia, heleli bule sigiso. Heleli amo bule koleba sigife amo, idele inolo helefealu maugaba aloiya amifia inigia, heleli bule amoguba sigisi abulualebiyo.19Ausi, heleli bule sigilu amohe, sidi bulemo osoloaba, osolaba dafalisi, mosomu suniane sidi noolomoda woba dafaliso. Godehe sidi bule Babilonone mana mololumo asigi galisiale, efea waini hano gaabu wasulu amo naba samodomaso. Waini hano amomo Godene libo degesia gadilo amone iminife.20Ausi, saidudu sunia fisaba dedalesi, hele gale ulenoda ami kalugaasi besabale.21Ausi, hele hugasia, hele kano badilu sodolo anakiwifia helefealu iwi hodobaisasia hugaso. Ausi, hele-kano badilu amone higinilu ule ulebamo kilo daabuluba bia (50) alegalu amoguba ufulubiyo. Hele-kano badilu amo idele inolo saabia hodobaisasimo, ili naga bule disia, Godefea soaneba seleso.
Wycliffe Bible Translators, Inc.