Muguba Ufulu Ulufalu13
1Hausabe salu hano galubumone saii saabia kalugaafia labi, kelebulu wolu uleno salu hano galulu amifia holobagasi na abulu. Efea guni domobabiyo. Aufia, maidemo daabulubabiyo. Maide daabuluba amone saabia, kinine habuga ule uleba saligaba waalelubiyo. Aufia, ene guni domoba amofea wi nokene nokeneba Gode gaidaboba selelu dobiyo.2Kelebulu wolu amo, busi aiyeelu, lebadegulu besabeo. Auluso, ene emomo, kelebulu bea amone emogulubiyo. Aufia, ene mofemo, laeono amone mofegulubiyo. Kelebulu wolu amohe yasiba uluba melesifia, hausabe ehe efea kiwigagalu meso. Aufia, ene kini asefalu ailalu saabia yoba mesesi, ene wabialelo wida solu amoda efea meso.3Kelebulu wolu amone guni uleno amo momonilu olaeyodolu besabeo. Auluso, momonilu amo waiso. Ausi, helefealu idele inolo suniahe amone momoleba bisigia, kelebulu wolu amone kuliba dedaleso.4Idele inolohe hausabefea guluguluso. Mau enebamo, ehe kelebulu wolu amofea wida solu kiwida melubiyo. Aufia, ilihe kelebulu amofeada gulugulusia, selesia, “Kelebulu ewegulu kolebamo, abe koleba miliyobafebi? Edai gisa disia, kaamo miliyobafemo, uleno male koleba.”5Kelebulu wolu amohe, ene wida solu kiwida amo alefasia, bamabamasia, Godefea gaidaboba selaba adeso. Efea auba moloba melesine, fogo waagi gadefafia, efea aube daabuluba binibafia aida (42) meso.6Aube amo aleba ami, kelebulu wolu amohe Godefea gaidaboba selabasu melesi, fogo waagi gadefaso. Aufia, ehe Godene wifeada gaidaboba selesia, aufia Eda labea amofeada, hebene lagi kakainabu ili sunia amofeada, gaidaboba seleso.7Aufia, kelebulu wolu amofea Godene idele inolo galiba gisa disia, ili dufa dafogomesifia fogo waagi mefia gadefaso. Aufia, ehe mosomu suniada, misi nonoba bolo suniada, sulu nonoba sodo suniada, aufia hele nonoba suniada, yasimesine efea waagi fogo gadefafia, wida solu kiwigagalu meso.8Helefealu iwi kakainabu idele inolo sunia, ilihe kelebulu wolu amone wi wabialesia, efea guluguluyobafe. Auluso, idele inolo ine wi Miliyolu Miliyo Bugo selelu dobu, ili amomo, kelebulu wolu amofea guluguluyobafale. Miliyolu Miliyo Bugo amomo, Dofene Sibi Edo amone dobu. Dofene Sibi Edo amo, Godehe helefealuda moloba dafelagoba maugaiyafia, dufa dasigalu labe.9Idele inolo konenida labe gilimo, sulu ewe nafuluba doma.10“Inolo uleno dofafia, dibolo maiyo iminiba ufulunaga, amo e dibolo maiyobafe. Inolo uleno helebesi dumesi iminiba ufulunaga, amo helebesihe e dufelesi, olaeyobafe.”
Aulugulu, Godene muuba kalilu idele inolo gilimo, kiwi sanefia afelesiale, asigi ule ufulumo fedoba sefia melale.11Ausi, nahe kelebulu wolu no helefealufia holobagaba lagosi, abulu. Kelebulu amohe maide kokomolu aida, Dofene Sibi Edo amo gunia gaalo amoguba, ene gunia gaabiyo. Auluso, e hausabe aiyeelu amo sulu sodoguba seleso.12Kelebulu aganebo amohe, kelebulu wolu no, samini holobagalu amone wida solu kiwida sunia difasia, e amone wi alefasia dabalu moloso. Ausimo, ehe idele inolo helefealu kakainabumo, kelebulu wolu samini momonilu olaeyodolu wailu amofea gulugulumesi egedidiso.13Auba ausiamo, ehe momolelu kegele eloba bamesi bule koleba waleba adeso. Idele inolone si saabia, ehe de hebenefia suga milesi moloso.14Kelebulu agele amone wi alefasia, eloba babiyone momolelu kegele waagi molomesine efea gadefasi, ehe idele inolo helefealu alebaibu amo gegesia sigiso. Ausimo, ehe idele inolofea kelebulu wolu agele amone mimisililumo molomaba seleso. Kelebulu wolu agele amo, samini helebesihe e momoniluso, aga waifia aso bebea labe amofea wabialesia wi digiba samesi auso.15Mimisililu molofasiamo, kelebulu wolu aganebomohe, kelebulu wolu agele amone mimisililu mololu amofea hame heemesi fuuba dafogoso. Mimisililu amo sulu samesine auso. Ausi, helefealu idele inolohe kelebulu wolu agele amone mimisililufea gulugulusalenaga, amo ehe ili dufa danemaleyomo kiwida labeo. Mimisililu auba moloba homesine, kelebulu aganebofea waagi fogo meso.16Aufia, ehe idele inolo sunia, buleda, wedinoda, elebeda ufuluda, elebeda ufulualeda, beega adoda, balu dabalu mololoda, ili amo suniafea egedidisia, noolofea ine sone inaloalo saabiada, me ine olegi saabiada, eloba bamesine imini homaleba samesi egedidiso.17Aulugulu, idele inolo abehe imini amo ine domalafea seleba ofelesi dulualenaga, ili amofea kegele elegeba dimabiyoba saeyobafe. Aufia, ili amofea kegele noolofea elegemabiyoba saeyobafe. Imini amomo, kelebulu wolune wi amone, me ene namba alegalo amone dobiyo.18Sulu na selesu ewe, nafuluba osolaba baafia asigima. Inolo abehe asigilo nafulu dobunaga, kelebulu wolu amone alegalumo osolaba babiyone nafuluba alegamale. Namba alegalumo, inolone namba. Ene namba ewe, 666.
Aulugulu, Godene muuba kalilu idele inolo gilimo, kiwi sanefia afelesiale, asigi ule ufulumo fedoba sefia melale.11Ausi, nahe kelebulu wolu no helefealufia holobagaba lagosi, abulu. Kelebulu amohe maide kokomolu aida, Dofene Sibi Edo amo gunia gaalo amoguba, ene gunia gaabiyo. Auluso, e hausabe aiyeelu amo sulu sodoguba seleso.12Kelebulu aganebo amohe, kelebulu wolu no, samini holobagalu amone wida solu kiwida sunia difasia, e amone wi alefasia dabalu moloso. Ausimo, ehe idele inolo helefealu kakainabumo, kelebulu wolu samini momonilu olaeyodolu wailu amofea gulugulumesi egedidiso.13Auba ausiamo, ehe momolelu kegele eloba bamesi bule koleba waleba adeso. Idele inolone si saabia, ehe de hebenefia suga milesi moloso.14Kelebulu agele amone wi alefasia, eloba babiyone momolelu kegele waagi molomesine efea gadefasi, ehe idele inolo helefealu alebaibu amo gegesia sigiso. Ausimo, ehe idele inolofea kelebulu wolu agele amone mimisililumo molomaba seleso. Kelebulu wolu agele amo, samini helebesihe e momoniluso, aga waifia aso bebea labe amofea wabialesia wi digiba samesi auso.15Mimisililu molofasiamo, kelebulu wolu aganebomohe, kelebulu wolu agele amone mimisililu mololu amofea hame heemesi fuuba dafogoso. Mimisililu amo sulu samesine auso. Ausi, helefealu idele inolohe kelebulu wolu agele amone mimisililufea gulugulusalenaga, amo ehe ili dufa danemaleyomo kiwida labeo. Mimisililu auba moloba homesine, kelebulu aganebofea waagi fogo meso.16Aufia, ehe idele inolo sunia, buleda, wedinoda, elebeda ufuluda, elebeda ufulualeda, beega adoda, balu dabalu mololoda, ili amo suniafea egedidisia, noolofea ine sone inaloalo saabiada, me ine olegi saabiada, eloba bamesine imini homaleba samesi egedidiso.17Aulugulu, idele inolo abehe imini amo ine domalafea seleba ofelesi dulualenaga, ili amofea kegele elegeba dimabiyoba saeyobafe. Aufia, ili amofea kegele noolofea elegemabiyoba saeyobafe. Imini amomo, kelebulu wolune wi amone, me ene namba alegalo amone dobiyo.18Sulu na selesu ewe, nafuluba osolaba baafia asigima. Inolo abehe asigilo nafulu dobunaga, kelebulu wolu amone alegalumo osolaba babiyone nafuluba alegamale. Namba alegalumo, inolone namba. Ene namba ewe, 666.
Wycliffe Bible Translators, Inc.