Hibulu7
1Melekisedeke ewe, hele Salemene kini. Aufia, sunia sunialu Gode amone soba melo inolo, e labe. Abalahama e-mo, kini noolodai belagulumo kaamo alefasia, obegeba labi, Melekisedeke ehe e wakalisia, efea ediliba ufulu.2Aufia, Abalahamahe belagufia kegele sunia dulumo, osolafia, daabulu ulenomo Melekisedekefea melu. Melekisedekeba wi selefemone sisamo ewe, “mana isolu koleba amone kini”. Aufia Salemene kiniba selefe amone sisamo ewe, “aealone kini”.3Melekisedeke e enae enaoda male. Aufia, e ene enauwane saladegelu amoda male. Aufia, e seba dulu hiliada male. Aufia, e olalu hilia amoda male. E Godene faibegulu ligia, e soba melo inolo alefalu labe.4Melekisedeke e koleba, ana wi bule dulu alolumo, gili amo asigima. Nine nauwa maugaba alolumo Abalahama, eda Melekisedeke wida aloluba walelu. Enebamo, e kaamo adesia, kegele dulu amo osolafia, daabulu ulenomo Melekisedekefea melu. Auba melu amo alefasia, Abalahama walesia, Melekisedeke ehe e-mo wasoluba walelu.5Fogo aalu auba moloiya ami, Lifai aso male alolu. Aufia dufia, Lifai e Abalahamane saladegelufia holobagalu. Mosesehe elo ufulumo kuliba abia, Lifai mosomu aleba ami, inolo noolomo soba melo melesi gadefalu. Soba meyone auba iminilu ili amohe, ine elebemo ine elewodalimofeafia daabulu mesi dilo. Ine elewodalimo, ilida Abalahamane saladegelu ligiaso, ilihe ine elewo Lifaifea daabulu melo alolu.6Melekisedeke e-mo, Lifai mosomuale. Auluso, ehe Abalahamafeafia daabulu kegele dulu. Aulune, nini asigisia, Melekisedeke e Abalahama wasoluba asigisu. Aufia, Abalahamamo, e Godene saaba ufulu sulu dulu labi, Melekisedeke ehe Abalahama amo nafulu mesesi ediliba ufulu. Aulune, nini asigisia, Melekisedeke ewemo, anane ana koleba labe.7Enebamo, idele inolo sunia eweguba asigibu. Inolo abehe inolo nofea ediliba ofa selefe amo, e inolo bule koleba labe. Aufia, ehe ediliba saaba ofelesi, edililo dife inolo amo e sisa labe.8Lifai mosomu ilihe, Isolaelene daabulu kegele haisi dilo, ili amo olalo inolo alebaibu. Auluso, Melekisedekehe Abalahamane daabulu haisi dulu amo, bebea labe. Godene bugo auba selelu dobiyo.9Nini alefasia, eweguba saeyo dobu. Daabulu kegele dilo mosomu Lifai amo, ilihe ine daabulu kegele Melekisedekefea melu. Maumo, Melekisedekehe Abalahama wakaliya fogo amimo, Lifai e-mo ene enauwane ibifea aso labi, aulu. Aulugulu, Abalahamahe daabulu mesimo, Lifai e ene ibifea ligia, eda Melekisedekefea daabulu melu.11Saminimo, Godehe Isolaele idele inolofea molomalelu sulu saaba ufulu. Auba molomalesiamo, Lifai ili soba meyone dabalu ami molomesiba, elo saaba ufulu. Dabalu Lifai ili molofe amohe, wolu heeyomo sunia ililiba samodolubiaga, soba melo inolo hili no miyomo alebaiyale. Auluso, inolo hili mulu amo, Alonone saladegelufia muluale. Aubale. Melekisedeke muluguba, eno amo kuliba inigia, inolo hili holobagalu.12Aulugulu, Melekisedeke soba melone eno holobagasia, Alono soba melone eno alibiasenaga, amo molomalelu sulu samini ufulu amoda alibiayobafe.13Soba melo inolo Melekisedekene eno amo kuliba inigia, holobagaluba selesu amo, nine Saminilo Yesu E. E Lifai mosomufia holobagaluale. Aubale. E Yuda mosomufia mulu. Auluso, Yuda mosomu ilihe soba melone dabalu mololale. Maumo, Mosesehe molomalelu sulu ofelesiamo, Yuda ili soba meyone dabalu ami molomesiba elo saaba ufuluale.15Aulune, Lifai mosomune molomalelu sulu ufulu amo kuliba abiamo, Yuda mosomu inolo Yesuhe, E soba meyone dabalu moloyodoluale. Auluso, aga Melekisedekene eno kuliba inigiamo, Yesuhe soba melone dabalu molofe.16E dabalu amo dulumo, mosomu amofea alefasia diyone sulu solumo, kuliba abia duluale. Aubale. Ene miliyolu amone kiwigagalu alefasia, Yesuhe dabalu amo dulu. Ene miliyolumo woba dafolale.17Enebamo, Godene bugo Efea selesia,
Ga-mo, Melekisedekene eno kuliba inigia mulumo, Ga soba melo inolo alefalu labe.18Sulu ewe ninifea eweguba walefe. Godehe molomalelu sulu samini ufulumo, diba dafelesia afolu. Maumo, sulu amo ele male, kiwidale adesia, nini sagoba ufiyodoluale alolu.19Muguli mana alefasia, inolo ulenofeada, kegele ulenofeada, nafulu moloba dafelagolualebiyo. Ausi, Godehe eno no sogoba ufulu. Amo alefasia, hame ninida aga diba ofolagofia yasisu amo, nafulu koleba ligia, hame nooloda wasolu dobu. Amo alefasia, nini Gode aniba hagoaleba miliyo maiyodolu dobu.20Aufia, Godehe eno amo sogoba ofelesia, Ehe ene sulu kiwigaaba ofelesia aiilu. Yesu E soba melo inolo melesi aiifia gadefalu. Auluso, E Lifai inolo soba melo inolo melesi gadefasiamo, E auba aiiluale.21Auluso, Gode E aiisi, Yesuhe soba melone dabalu dulu. Godene bugo selesia,
“Saminilo E koleba eweguba aiiba solu.
‘Ga-mo, soba melo inolo alefalu labe.’
Ene aiiba sulu solu amo, E ulumaluda malene obegeyobafale koleba.”22Aga Godehe ninidai oloba huliale dabalu hili nafulu yogolelu moloba ufulu. Dabalu hili ewehe, dabalu amakelelu mololumo wasolu. Godene aiiba sulu solu amo alefasia, Yesu E-mo sealeba moloba dafelagosia walelu.23Lifai inolo ilimo, olalo inolo alebaibu. Aulugulu, inolo wedinale soba melo dabalu moloba yaalu. Maumo, olalohe ili kaasi, ili soba meyone dabalumo molobasu adale.24Auluso, Yesu E alefalu bebea labe. E soba melo dabalu molosia, alefalu moloba labe. Aufia, Eda alibiaba miliyone inolo no male.25Aulune, idele inolo Ene wifea alefasia, Gode labea hagoale saabemo, Ehe ine miliyolu gasiba dafelagoba disia, moloba samodolo. Mau enebamo, E alefalu bebea labe amo alefasia, E hilia sunia olea ligia, Godehe idele inolo uluba melesi, Efea sulu selabasu ado.26Soba melo guni inolo amogulumo, ninidai muuba kalilu koleba labe. Enebamo, E Noekene labe. Aufia, Efea heleba daaluda male. Aufia, E Godene si saabiamo galagololu labe. Aufia, wolu mololo idele inolo aleba ami adesiale, hebene lagi ana ofolagolu labe.27Yesu E-mo, soba melone guni inolo noolo amoguluale. Enebamo, ilihe hilia ule uleba, maugabamo ine wolumodale diba damesisia, soba melo. Aufasia, ilihe idele inolone wolumo heeba damesisia, ulu soba melo. Auluso, Yesuhe dabalu auba mololale. Aubale. Ehe idele inolone wolumo heeba damesisia, Godefea soba mesiamo, Ehe fogo ule hamagisu, Ene meleba Godefea ulu soba melu.28Mosese molomalelu sulu ufulu amofea alefasia, kiwi sanelu inolomo, soba melone guni inolo melesi gadefaba ado. Auluso, molomalelu sulu amo ofasia labi, aiiba sulu Gode dufia solu amohe, Ene Faibemo Soba Melone Guni Inolo melesi gadefalu. E kiwi saneluale. Aubale. E ililiba moloba samodolu alefalu ligia, soba meyone dabalu moloyone muuba kalilu koleba ilililu labe.
Ga-mo, Melekisedekene eno kuliba inigia mulumo, Ga soba melo inolo alefalu labe.18Sulu ewe ninifea eweguba walefe. Godehe molomalelu sulu samini ufulumo, diba dafelesia afolu. Maumo, sulu amo ele male, kiwidale adesia, nini sagoba ufiyodoluale alolu.19Muguli mana alefasia, inolo ulenofeada, kegele ulenofeada, nafulu moloba dafelagolualebiyo. Ausi, Godehe eno no sogoba ufulu. Amo alefasia, hame ninida aga diba ofolagofia yasisu amo, nafulu koleba ligia, hame nooloda wasolu dobu. Amo alefasia, nini Gode aniba hagoaleba miliyo maiyodolu dobu.20Aufia, Godehe eno amo sogoba ofelesia, Ehe ene sulu kiwigaaba ofelesia aiilu. Yesu E soba melo inolo melesi aiifia gadefalu. Auluso, E Lifai inolo soba melo inolo melesi gadefasiamo, E auba aiiluale.21Auluso, Gode E aiisi, Yesuhe soba melone dabalu dulu. Godene bugo selesia,
“Saminilo E koleba eweguba aiiba solu.
‘Ga-mo, soba melo inolo alefalu labe.’
Ene aiiba sulu solu amo, E ulumaluda malene obegeyobafale koleba.”22Aga Godehe ninidai oloba huliale dabalu hili nafulu yogolelu moloba ufulu. Dabalu hili ewehe, dabalu amakelelu mololumo wasolu. Godene aiiba sulu solu amo alefasia, Yesu E-mo sealeba moloba dafelagosia walelu.23Lifai inolo ilimo, olalo inolo alebaibu. Aulugulu, inolo wedinale soba melo dabalu moloba yaalu. Maumo, olalohe ili kaasi, ili soba meyone dabalumo molobasu adale.24Auluso, Yesu E alefalu bebea labe. E soba melo dabalu molosia, alefalu moloba labe. Aufia, Eda alibiaba miliyone inolo no male.25Aulune, idele inolo Ene wifea alefasia, Gode labea hagoale saabemo, Ehe ine miliyolu gasiba dafelagoba disia, moloba samodolo. Mau enebamo, E alefalu bebea labe amo alefasia, E hilia sunia olea ligia, Godehe idele inolo uluba melesi, Efea sulu selabasu ado.26Soba melo guni inolo amogulumo, ninidai muuba kalilu koleba labe. Enebamo, E Noekene labe. Aufia, Efea heleba daaluda male. Aufia, E Godene si saabiamo galagololu labe. Aufia, wolu mololo idele inolo aleba ami adesiale, hebene lagi ana ofolagolu labe.27Yesu E-mo, soba melone guni inolo noolo amoguluale. Enebamo, ilihe hilia ule uleba, maugabamo ine wolumodale diba damesisia, soba melo. Aufasia, ilihe idele inolone wolumo heeba damesisia, ulu soba melo. Auluso, Yesuhe dabalu auba mololale. Aubale. Ehe idele inolone wolumo heeba damesisia, Godefea soba mesiamo, Ehe fogo ule hamagisu, Ene meleba Godefea ulu soba melu.28Mosese molomalelu sulu ufulu amofea alefasia, kiwi sanelu inolomo, soba melone guni inolo melesi gadefaba ado. Auluso, molomalelu sulu amo ofasia labi, aiiba sulu Gode dufia solu amohe, Ene Faibemo Soba Melone Guni Inolo melesi gadefalu. E kiwi saneluale. Aubale. E ililiba moloba samodolu alefalu ligia, soba meyone dabalu moloyone muuba kalilu koleba ilililu labe.
Wycliffe Bible Translators, Inc.