Hibulu5
1Helefealu iwi, soba melone guni inolo labe amo, e idele inolo aleba amifia molobebelefia gadefalu labe. E-mo, idele inolo ili amo adoguba, ine hele fogomo disia, Godedai, ilidai, olea kalugaamesi gadefalu labe. Soba melone guni inolo ligiamo, ehe ene dabalu molosiamo, wolu heeba dafalimesine, ulu kegele Godefea soba meba yaalo. Soba melone guni inolo2Idele inolo ili babeasia, heleba aasimo, soba melo inolo ehe, ili amo yagunagasia, esebalo ado. Maumo, ene eda kiwi sanelu hamagulu labe.3E auba kiwi sanelu labemone, ehe idele inolone wolu amosu heemesifia mololale. Aubale. Ehe ene wolu mololu amoda heemesisia, Godefea soba meyo dobu.4Inolo soba melone guni inolo gadefasi adefe amo, e wida bule ado. Auluso, inolo ulenohe wabialelo dabalu amo, ene hamefeguba dilale. Aubale. Godehe inolo welumo, dabalu amo e diyobafe. Godehe samini Alonoda aubasu welu.5Eno amogubasu, Keliso Eda soba melone guni inolone wabialelo dabalu amo, Ene hamefeguba duluale. Aubale. Gode Efea selesia,
“Ga-mo, Ne Naalo. Aga Na-mo, Ge Gao adesu.”6Aufia, sulu selelu nomo, Gode eweguba solu dobu.
“Ga-mo, Melekisedekene eno kuliba inigia mulumo, Ga soba melo inolo alefalu labe.”7Yesu E helefealu iwi, huuda inolo aloiya fogo ami, E Godedai sulu kiwigaaba selaba ado. Godehe E olaeyalene gasiba dafelagoba dimesiba hilisesia, E Godedai sulu selesiamo, susiba, si hanodaiba yeeba ligia, koleba selaba alolu. E, Ene hame dufa dafogofia, Gode sisa ligia selesi, Godehe E selefemo dubulu.8Yesu E-mo, Godene faibe aloluso, naga E difeiya amifia, Gode sisa ligia, Ene sulu dobelesia kuliba maiyo mana amone fadaba dawalolo dulu.9Mana E auba mololu amo alefasia, Godehe E ililiba isoba moloba samodolu. E auba moloba ofasia ligia, E-mo idele inolo gasiba dafelagoba diyo amone alefalu maumo, E labe. Idele inolo Ene sulu dofasia, kuliba dedalefe ili amomo, Ehe gasiba dafelagoba dife.10Aulugulu, Godehe Yesu E-mo, soba melone guni inolo Melekisedeke e dabalu mololo amoguba, molomesi iminiba ufulu.11Nini alefasia, sulu ewenemo, gilifea wedinale saeyo dobuso, ulufaba fadaba saeyomo kolefe. Mau enebamo, gili sulu selefemo dofasia, alebale difale.12Gili keliso idele inolo samini alebailubasi. Gili keliso miliyo maugaiya amifia, inigia, hilia aga goasi, fogo alegasenaga, gilimo walelo waagi isoba miliyodolu alebaiyo. Auluso, gilimo asigi difalene, Godene sulu mana hili maugaba dubulumo, aso asigiba diyodoluale adesi, noolohe gilifea haiba saabia no waleyodolu adefe. Gili faibe subobogulu adesia, naiyo kolelu nabiale, bu hanosu aso naba labe.13Idele inolo abehe busu naba labe ili amo, faibe subobogulu aso ligia, isolu moloba walelu amo, ili aso babealu labe.14Auluso, naiyo kolelumo, inolo bulelu nolo. Inolo auba bulelu amogulumo, ilihe wolu ewebu, nafulu ewebuba, dawaloba eloba bisigia, ine asigimo sawalu miliyobafe. Enebamo, ili hilia sunia, auba babiyone ine meleba dedeba moloba ado.
“Ga-mo, Ne Naalo. Aga Na-mo, Ge Gao adesu.”6Aufia, sulu selelu nomo, Gode eweguba solu dobu.
“Ga-mo, Melekisedekene eno kuliba inigia mulumo, Ga soba melo inolo alefalu labe.”7Yesu E helefealu iwi, huuda inolo aloiya fogo ami, E Godedai sulu kiwigaaba selaba ado. Godehe E olaeyalene gasiba dafelagoba dimesiba hilisesia, E Godedai sulu selesiamo, susiba, si hanodaiba yeeba ligia, koleba selaba alolu. E, Ene hame dufa dafogofia, Gode sisa ligia selesi, Godehe E selefemo dubulu.8Yesu E-mo, Godene faibe aloluso, naga E difeiya amifia, Gode sisa ligia, Ene sulu dobelesia kuliba maiyo mana amone fadaba dawalolo dulu.9Mana E auba mololu amo alefasia, Godehe E ililiba isoba moloba samodolu. E auba moloba ofasia ligia, E-mo idele inolo gasiba dafelagoba diyo amone alefalu maumo, E labe. Idele inolo Ene sulu dofasia, kuliba dedalefe ili amomo, Ehe gasiba dafelagoba dife.10Aulugulu, Godehe Yesu E-mo, soba melone guni inolo Melekisedeke e dabalu mololo amoguba, molomesi iminiba ufulu.11Nini alefasia, sulu ewenemo, gilifea wedinale saeyo dobuso, ulufaba fadaba saeyomo kolefe. Mau enebamo, gili sulu selefemo dofasia, alebale difale.12Gili keliso idele inolo samini alebailubasi. Gili keliso miliyo maugaiya amifia, inigia, hilia aga goasi, fogo alegasenaga, gilimo walelo waagi isoba miliyodolu alebaiyo. Auluso, gilimo asigi difalene, Godene sulu mana hili maugaba dubulumo, aso asigiba diyodoluale adesi, noolohe gilifea haiba saabia no waleyodolu adefe. Gili faibe subobogulu adesia, naiyo kolelu nabiale, bu hanosu aso naba labe.13Idele inolo abehe busu naba labe ili amo, faibe subobogulu aso ligia, isolu moloba walelu amo, ili aso babealu labe.14Auluso, naiyo kolelumo, inolo bulelu nolo. Inolo auba bulelu amogulumo, ilihe wolu ewebu, nafulu ewebuba, dawaloba eloba bisigia, ine asigimo sawalu miliyobafe. Enebamo, ili hilia sunia, auba babiyone ine meleba dedeba moloba ado.
Wycliffe Bible Translators, Inc.