Efesa5
1Gili Godene hameselu faibe koleba alebaibu. Aulugulu, gili koleba, Ene mimisililu melale.2Auba ligiamo, eweguba hilisemale. Keliso E koleba, gilifea hamesesia, Ene miliyolu weasesia, Godefea ulu melumo kasineda nafulu meba lagolu. Ehe gilifea auba hameseluguba, gilida no anogofea aubasu hameselabia dedaleba melale.3Susuguda, mana nugumaluda, balaliloda, mana amone wedideno ulenoda, gilidai melesi waagi gadefamabiyo. Enebamo, Godene muuba kalilu idele inolo ilihe, mana amogulu mololale.4Aufia, soaneba sulu sododa, diba galiba sulu sododa, dedailu sulu sododa, yuasiale sulu sodo mana amo, gilidai melesi waagi gadefamabiyo. Enebamo, sulu amogulu sodomo, muuba kaliluale koleba dobolo. Auluso, sulu amogulu selesiale, gili koleba Godefea henelu sulu saamale.5Gili koleba ewene eweguba fadaba hilisemale. Susugu mololoda, aufia mana nugumalu mololo amoda, balaliba adoda ili amogulu molofe damenemo ulenoda, Kelisodai, Godedai, yasifia luba ligia, Saminilo ada amone daalo diyobafale. Balalilo inolo e, masega godefea gulugululo inolo amone labe.6Gili koleba nafuluba yasimale. Ulenohe gilifea sulu eleda male selesia, gegefia, luba dibia anosi. Enebamo, mana saabia lagi solu amo molosi, Godene gadilo nokenemo, sulu saidafelefe mosomu amofeamo holobagafe.7Aulugulu, gili idele inolo amogulumodai, gegoaba ua melabiyo.8Saminimo, gili nigiligagalu aloluso, aga Saminilofea alefasia, gilimo yane alebaibu. Aulugulu, gili yanene faibili daaba adoguba, dedaleba melale.9Yane amohe, sebe nafulu helesiamo, nafulu manada, isolu manada, seale sodo manada, helelelo.10Gili koleba, mana Saminilohe hamefe amone osolaba beaba melale.11Gilimo nigiligagalu mana molofe amodai, sesamaba melabiyo. Aubale. Gilihe mana amogulumo ulufaba homale. Mana amogulumohe sebe heleleba dafelagolale.12Mana ili muguba mololo amone, nini saeyale. Aubale. Nini mana amogulu saeyomo yuafe.13Auluso, kegele sunia yane ulufaba waalesimo, idele inolo sunia ulufa babiyobafe. Enebamo, kegele sunia ulufaba bamesi moloba ofolo amomo, yane.14Aulugulu, sulu ewe dobu.
Aga hanefia labe ga, si kolafia mela. Ga daneba yaalu dobiafia, degema! Ausi, Kelisohe gafea neeba doweyobafe.15Aulugulu, gili koleba, gilida aafea ugi abiamo, nafuluba luba adabia malale. Gili inolo asigida male amogulu daaba melabiyo. Aubale. Gili koleba inolo asigida ufulugulu daaba melale.16Agamo, Gode ene mana moloyone, gili fogo dobu. Auluso, fogo aga ninida lolu ewe, fogo wolu. Aulugulu, gili nafuluba yasiba melale. Fogo amo balu weaselosi.17Aulugulu, gili koleba asigida male melabiyo. Aubale. Gili koleba Saminilone hame amo ewebuba fadaba asigimale.18Gili liboda degelo ibololo hano wolu nafasia, kagoamabiyo. Ausiale, gili koleba Godene Asubane gilifea wasigamesi, fogo memale.19Auba Godene Asubane wasigafia ligiamo, gili koleba, gasa noolo Gasa bugo dobu amoda, aufia gulugulusia sodo amoda, aufia Asubane Noekenehe gine asigifea gagaseba olaboba melu amoda, gine gasa sodofea homale. Aulugulu, gine libo usu, Saminilofea henesia heafuba ligia, gasa selabia dedaleba melale.20Aufia, hilia sunia, kegele suniane, gilihe Nao Godefea henelu sulu selesiamo, nine Saminilo Yesu Kelisone wi saabia ligia selaba melale.21Gili koleba, Kelisomo gine Saminilo bulebuba hilisefia, gili gine geleba sisa melale.22Idele gili, doma. Gilihe Saminilo sisa adoguba, gainodali sisa melale.23Enebamo, Keliso E-mo, sesene guni labeguba, inolomo, idone guni labe. Sesemo, Kelisohe gasiba dafelagoba dulu. Amo Ene domala labe.24Sese e-mo Keliso sisa labe. Aubasu, kegele suniafealomo, idele gilida, gine gaino sisa melale.25Inolo gili, doma. Gili koleba, gine ido hamesemale. Kelisohe sese hamesefia, Ene miliyolumo efea sagoba ofelesia weaseluguba, gilida gine geamono aubasu hamesemale.26Kelisohe sese muuba kalilu melesi aulu. Hanodai, Ene suludai amo alefasia, Ehe sese nuguma heelu.27E alefasia, sesemo Ene si saabia, olegi yafalaga melesi gadefalumo, nuguma baalu ulenoda male, agogolelu ulenoda male, goga baaluda male koleba, elalelu ligia, heleba daaluda male, Ene olegia muuba kalilu degeba melesi aulu.28Aubasu, inolo gili koleba, gine domala hameseloguba, gine geamonomo hamesemale. Inolohe ene ido koleba hamesefemo, seale, ene meleba hamesefe.29Inolo ulenohe, ene domala ene meleba habolale. Aubale. Ehe ene domalafea naiyo mesia, nafuluba luba ado. Kelisohe Ene sesefea aubasu mololo.30Ninimo, Kelisone domala haisi haisiba lolu.31Godene bugohe eweguba solu dobu. “Aulune, inolohe enaedai enaodai gadefia daafia, ene eamonodai kulisi, aalu domala ule adefe.”32Ewene mugusilumo, olaibo bule koleba. Nene na hilisesumo, amo Kelisodai ene sesedai amone iminife.33Sulu na selabia mulu amone obegesiamo, gili inolo ule ulebamo, gine geamonofea hamesesiamo, gene meleba hameseloguba hamesemale. Aufia, idele gili koleba, gine gaino bulebuba hilisefia, e baaba momoleba melale.
Aga hanefia labe ga, si kolafia mela. Ga daneba yaalu dobiafia, degema! Ausi, Kelisohe gafea neeba doweyobafe.15Aulugulu, gili koleba, gilida aafea ugi abiamo, nafuluba luba adabia malale. Gili inolo asigida male amogulu daaba melabiyo. Aubale. Gili koleba inolo asigida ufulugulu daaba melale.16Agamo, Gode ene mana moloyone, gili fogo dobu. Auluso, fogo aga ninida lolu ewe, fogo wolu. Aulugulu, gili nafuluba yasiba melale. Fogo amo balu weaselosi.17Aulugulu, gili koleba asigida male melabiyo. Aubale. Gili koleba Saminilone hame amo ewebuba fadaba asigimale.18Gili liboda degelo ibololo hano wolu nafasia, kagoamabiyo. Ausiale, gili koleba Godene Asubane gilifea wasigamesi, fogo memale.19Auba Godene Asubane wasigafia ligiamo, gili koleba, gasa noolo Gasa bugo dobu amoda, aufia gulugulusia sodo amoda, aufia Asubane Noekenehe gine asigifea gagaseba olaboba melu amoda, gine gasa sodofea homale. Aulugulu, gine libo usu, Saminilofea henesia heafuba ligia, gasa selabia dedaleba melale.20Aufia, hilia sunia, kegele suniane, gilihe Nao Godefea henelu sulu selesiamo, nine Saminilo Yesu Kelisone wi saabia ligia selaba melale.21Gili koleba, Kelisomo gine Saminilo bulebuba hilisefia, gili gine geleba sisa melale.22Idele gili, doma. Gilihe Saminilo sisa adoguba, gainodali sisa melale.23Enebamo, Keliso E-mo, sesene guni labeguba, inolomo, idone guni labe. Sesemo, Kelisohe gasiba dafelagoba dulu. Amo Ene domala labe.24Sese e-mo Keliso sisa labe. Aubasu, kegele suniafealomo, idele gilida, gine gaino sisa melale.25Inolo gili, doma. Gili koleba, gine ido hamesemale. Kelisohe sese hamesefia, Ene miliyolumo efea sagoba ofelesia weaseluguba, gilida gine geamono aubasu hamesemale.26Kelisohe sese muuba kalilu melesi aulu. Hanodai, Ene suludai amo alefasia, Ehe sese nuguma heelu.27E alefasia, sesemo Ene si saabia, olegi yafalaga melesi gadefalumo, nuguma baalu ulenoda male, agogolelu ulenoda male, goga baaluda male koleba, elalelu ligia, heleba daaluda male, Ene olegia muuba kalilu degeba melesi aulu.28Aubasu, inolo gili koleba, gine domala hameseloguba, gine geamonomo hamesemale. Inolohe ene ido koleba hamesefemo, seale, ene meleba hamesefe.29Inolo ulenohe, ene domala ene meleba habolale. Aubale. Ehe ene domalafea naiyo mesia, nafuluba luba ado. Kelisohe Ene sesefea aubasu mololo.30Ninimo, Kelisone domala haisi haisiba lolu.31Godene bugohe eweguba solu dobu. “Aulune, inolohe enaedai enaodai gadefia daafia, ene eamonodai kulisi, aalu domala ule adefe.”32Ewene mugusilumo, olaibo bule koleba. Nene na hilisesumo, amo Kelisodai ene sesedai amone iminife.33Sulu na selabia mulu amone obegesiamo, gili inolo ule ulebamo, gine geamonofea hamesesiamo, gene meleba hameseloguba hamesemale. Aufia, idele gili koleba, gine gaino bulebuba hilisefia, e baaba momoleba melale.
Wycliffe Bible Translators, Inc.