Efesa1
1Na Folo. Gode Ene hame alefasia na iminilugulu, Keliso Yesune hilibaisi daalu inolo ulenomo, na lolu. Nahe,
Sowi ewe, sigidubulu idele inolo Efesa dauno alebaibu gili amofea seleba mesu. Gili Keliso Yesufea kulifia, Efea asigi ule ofelesia, Godene muuba kalilu idele inolo alebaibu.2Nine Nao Godedai, Saminilo Yesu Kelisodaihe, gilifea kanuluba ofelesia, gine asigine libo esebalo gadaeaba melesi moloyobafe.3Ninihe Nao Gode wi digiyoba. E nine Saminilo Yesu Kelisone Enao ligia, Gode labe. Ehe Kelisofea alefasia, hebenene kiwigagalu usu ami, edililo sunia ninifea melumo, nine asubane sagoba ofelesia aulu.4Maumo, helefealuda aso molobale ligia, Gode alefasia nini molobebelelu. Ninimo, Efea kulifia ligia, Edai muuba kalilu ligia, nini Ene si saabia heleba daaluda male melesi, Ehe auba aulu.
Amakele waagifia, Ehe nini bule koleba hamesefia, Yesu Keliso alefasia, ninimo, Ene fofoba dulu faibili uluba diyone daiyasia, molobebelelu. Ene hame alefasia, Godehe auba heafuba mololu.6Ehe Ene Hameselu Faibe alefasia, ninifea auba kanululu. Ausi, nini Ene fofoba dulu faibili ligia, ninihe Ene elalelu kanululo mana ewe hilisesia, Ene wi wabialeba digima.7Godene kanululomo, Efea wasiga sauulu. Aulune, Ene Faibene ibi alefasia, Ehe nine wolumo hamasia heesia galisia, nini sububa dafelagolu.8Godehe Ene kanululomo bule koleba galebaisasia, ninifea sagaba selu. Ausiamo, Ehe dawalolodai, asigi nafuludai, ninifea melu.9Amakele waagifia, Godehe dabalu, E Kelisofea alefasia moloyo hamefemo, daiyaba ufulu. Aufia, Ehe Ene hame amone mugusilu ufulumo, aga heafusia, ninifea ulufaba walelu.10E moloyo daiyalumo ewe. Hebenene kegeleda, helefealune kegeleda, sunia gagaiyofia, ua ule melesi gegoaba ufiyobafe. Aufia, kegele amo sunia Kelisofea kuliba ofelesi, E suniane guni adesia, yasilo miliyobafe. Fogo Ene iminiba ufulumo wakaliba sugasi, daiyalu amo moloba dafelagoyobafe.11Gode ehe Ene hamedai, asigidai, kuliba abia, kegele sunia moloba dafelagolo.
Amakele waagifia, Ehe nini molobebelelumo, nini Kelisofea kulifia adesi, Ene daalo diyone idele inolo alebaimesi iminiba ufulu.12Ehe nini Ene elalelu amofea wabialesia, Ene wi digiba samesi aulu. Hameda Kelisofea maugaba diba ofogofia yasiba alolu amo, nini lolu.13Aufia, gasiba dafelagoyone awalu sulu nafulu, sulu seale amo dobelesia, gilida Kelisofea asigi ule ufulu.
Asigi ule ufulu amo alefasia, Godehe Ene oloba huliale sulu saaba ufulumo kuliba abia, Asubane Noekene amo gilifea meyoba solu. Ehe gilifea Asubane amo mesiamo, gili Ene koleba iminisia, Ene-ba enaoba ufulu.14Asubane Noekene ninifea ama enaosia mefia labe ewemo, nine Naone daalo kegele sunia seale diyobasuba, nini fadaba asigifia lolu.
Asubane amo alefasia, nini hilisesia, Godehe nini gasiba dafelagoba dulune, nini Ene faibili alebaisuba asigibu. Ausia, ninihe Ene elalelu amofea wabialesia, Ene wi digiba saeyoba.15Gilihe Saminilo Yesufea asigi ule ufuluba solumoda, aufia, gilihe Gode Ene muuba kalilu idele inolo ili amo suniafea hamesefia alebaibuba solumoda, na dubulu.16Aulugulu, fogo na Godedai sulu selesiamo, hilia sunia na gili asigisia, Godefea henelu sulu saeyone kalugaabale selabasu ado.17Na auba Godedai selesiamo, Ehe Asubane Noekene alefasia, gilifea dawalolo mesia, kegele muguba ufulu amo ulufaba homesi, na Efea sodo. Ausihe, gili E fadaba asigifiasu miliyobafe. E nine Saminilo Yesu Kelisone Gode ligia, nine Nao elalelu labe.18Aufia, na Efea haalisiamo, gine asigi sawaba bamesine, Ehe gine si enaeda moloba homesi, na haaliba lolu. Ausi, gili diyo kegele babiyobafe. Godehe gili welumo, kegele amo dimesifia welu. Kegele ewe, gili diyone gine hame diba ofogofia yasifia alebaibu amo. Ausi, auba dawalosia, gilihe Ene daalo meyoba saaba ufulu kegele, elalelu wasiga sauulumo babiyobafe. Daalo kegele amo, Godehe ene muuba kalilu idele inolo ili amosu dimesi iminiba ufulu.19Aufia, gili Ene kiwigagalu momolelu bule iminiyodoluale halagulubiba hiliseyobafe. Kiwigagalu alefasia, Godehe, Keliso amo daneba yaalu dobiafia degeba ifofia, hebenene kiwigagalu usu ami, Ene sone lilibefealo yoba mesesi gadefalu. Aufia, gili eweguba hiliseyobafe. Ene kiwigagalu ule hamaga alefasia, Ehe asigi ule ufulu ninifea dabalu kolelu moloba labeba hiliseyobafe.21Ana lagi yoba sigiamo, Keliso Ehe, yasilo suniada, kiwigagalu suniada, guni inolo suniada, kiwida dobu kegele suniada, wida solu suniada, ine mana wasolu koleba ligia, sunia gasiagufia yasibu. Agasuale. Dufiada aubasu moloyobafe.22Aulune, Godehe kegele sunia amo Ene emo sisa ofasia, E kegele suniane guni melesi gadefalu. Mana amo alefasia, E sesene guni labe.23Sese amo Ene domala. Ehe sese wasigaaba ofelefe. Aubasu, Ehe kegele suniada wasiga sauuba yaeyobafe.
Sowi ewe, sigidubulu idele inolo Efesa dauno alebaibu gili amofea seleba mesu. Gili Keliso Yesufea kulifia, Efea asigi ule ofelesia, Godene muuba kalilu idele inolo alebaibu.2Nine Nao Godedai, Saminilo Yesu Kelisodaihe, gilifea kanuluba ofelesia, gine asigine libo esebalo gadaeaba melesi moloyobafe.3Ninihe Nao Gode wi digiyoba. E nine Saminilo Yesu Kelisone Enao ligia, Gode labe. Ehe Kelisofea alefasia, hebenene kiwigagalu usu ami, edililo sunia ninifea melumo, nine asubane sagoba ofelesia aulu.4Maumo, helefealuda aso molobale ligia, Gode alefasia nini molobebelelu. Ninimo, Efea kulifia ligia, Edai muuba kalilu ligia, nini Ene si saabia heleba daaluda male melesi, Ehe auba aulu.
Amakele waagifia, Ehe nini bule koleba hamesefia, Yesu Keliso alefasia, ninimo, Ene fofoba dulu faibili uluba diyone daiyasia, molobebelelu. Ene hame alefasia, Godehe auba heafuba mololu.6Ehe Ene Hameselu Faibe alefasia, ninifea auba kanululu. Ausi, nini Ene fofoba dulu faibili ligia, ninihe Ene elalelu kanululo mana ewe hilisesia, Ene wi wabialeba digima.7Godene kanululomo, Efea wasiga sauulu. Aulune, Ene Faibene ibi alefasia, Ehe nine wolumo hamasia heesia galisia, nini sububa dafelagolu.8Godehe Ene kanululomo bule koleba galebaisasia, ninifea sagaba selu. Ausiamo, Ehe dawalolodai, asigi nafuludai, ninifea melu.9Amakele waagifia, Godehe dabalu, E Kelisofea alefasia moloyo hamefemo, daiyaba ufulu. Aufia, Ehe Ene hame amone mugusilu ufulumo, aga heafusia, ninifea ulufaba walelu.10E moloyo daiyalumo ewe. Hebenene kegeleda, helefealune kegeleda, sunia gagaiyofia, ua ule melesi gegoaba ufiyobafe. Aufia, kegele amo sunia Kelisofea kuliba ofelesi, E suniane guni adesia, yasilo miliyobafe. Fogo Ene iminiba ufulumo wakaliba sugasi, daiyalu amo moloba dafelagoyobafe.11Gode ehe Ene hamedai, asigidai, kuliba abia, kegele sunia moloba dafelagolo.
Amakele waagifia, Ehe nini molobebelelumo, nini Kelisofea kulifia adesi, Ene daalo diyone idele inolo alebaimesi iminiba ufulu.12Ehe nini Ene elalelu amofea wabialesia, Ene wi digiba samesi aulu. Hameda Kelisofea maugaba diba ofogofia yasiba alolu amo, nini lolu.13Aufia, gasiba dafelagoyone awalu sulu nafulu, sulu seale amo dobelesia, gilida Kelisofea asigi ule ufulu.
Asigi ule ufulu amo alefasia, Godehe Ene oloba huliale sulu saaba ufulumo kuliba abia, Asubane Noekene amo gilifea meyoba solu. Ehe gilifea Asubane amo mesiamo, gili Ene koleba iminisia, Ene-ba enaoba ufulu.14Asubane Noekene ninifea ama enaosia mefia labe ewemo, nine Naone daalo kegele sunia seale diyobasuba, nini fadaba asigifia lolu.
Asubane amo alefasia, nini hilisesia, Godehe nini gasiba dafelagoba dulune, nini Ene faibili alebaisuba asigibu. Ausia, ninihe Ene elalelu amofea wabialesia, Ene wi digiba saeyoba.15Gilihe Saminilo Yesufea asigi ule ufuluba solumoda, aufia, gilihe Gode Ene muuba kalilu idele inolo ili amo suniafea hamesefia alebaibuba solumoda, na dubulu.16Aulugulu, fogo na Godedai sulu selesiamo, hilia sunia na gili asigisia, Godefea henelu sulu saeyone kalugaabale selabasu ado.17Na auba Godedai selesiamo, Ehe Asubane Noekene alefasia, gilifea dawalolo mesia, kegele muguba ufulu amo ulufaba homesi, na Efea sodo. Ausihe, gili E fadaba asigifiasu miliyobafe. E nine Saminilo Yesu Kelisone Gode ligia, nine Nao elalelu labe.18Aufia, na Efea haalisiamo, gine asigi sawaba bamesine, Ehe gine si enaeda moloba homesi, na haaliba lolu. Ausi, gili diyo kegele babiyobafe. Godehe gili welumo, kegele amo dimesifia welu. Kegele ewe, gili diyone gine hame diba ofogofia yasifia alebaibu amo. Ausi, auba dawalosia, gilihe Ene daalo meyoba saaba ufulu kegele, elalelu wasiga sauulumo babiyobafe. Daalo kegele amo, Godehe ene muuba kalilu idele inolo ili amosu dimesi iminiba ufulu.19Aufia, gili Ene kiwigagalu momolelu bule iminiyodoluale halagulubiba hiliseyobafe. Kiwigagalu alefasia, Godehe, Keliso amo daneba yaalu dobiafia degeba ifofia, hebenene kiwigagalu usu ami, Ene sone lilibefealo yoba mesesi gadefalu. Aufia, gili eweguba hiliseyobafe. Ene kiwigagalu ule hamaga alefasia, Ehe asigi ule ufulu ninifea dabalu kolelu moloba labeba hiliseyobafe.21Ana lagi yoba sigiamo, Keliso Ehe, yasilo suniada, kiwigagalu suniada, guni inolo suniada, kiwida dobu kegele suniada, wida solu suniada, ine mana wasolu koleba ligia, sunia gasiagufia yasibu. Agasuale. Dufiada aubasu moloyobafe.22Aulune, Godehe kegele sunia amo Ene emo sisa ofasia, E kegele suniane guni melesi gadefalu. Mana amo alefasia, E sesene guni labe.23Sese amo Ene domala. Ehe sese wasigaaba ofelefe. Aubasu, Ehe kegele suniada wasiga sauuba yaeyobafe.
Wycliffe Bible Translators, Inc.