Edwɛndolɛ92
Ɛnwomenlelielɛ Kenle ne Edwɛne
1Ɔle kpalɛ kɛ menwɔva moyɛlɛ menwɔmaa Awulae, na menwɔdo ayɛlɛyelɛ edwɛne menwɔmaa wɔ duma ne, O Anwuma Nyamenle Bedevinli;2na menwɔbɔ wɔ ɛhulolɛ nwanwane ne anwo nolo wɔ alehyenlɛ nu, ɔ nee wɔ diedi kpundii ne noko wɔ aledwolɛ nu.3Mebava getae, ɔ nee bɛ sa nu sanwunle nee ahenle, meaye wɔ ayɛlɛ wɔ edwɛnedolɛ nu.4Ɔluakɛ wɔmɔ; O Nana Nyamenle, yɛɛ wɔmaa me nye ɛlie wɔ wɔ nyɛleɛ nwo a; ɔlua ɛ sa anloa gyima ne mɔ ati meto edwɛne na medi fɛlɛko.5Nea kɛ ɛ sa anloa gyima yɛ nwanwane bie a, O Nana Nyamenle! Nea kɛ wɔ adwenle nu pi bie a!6Sonla mɔɔ le gyigyilii la ɛnnwu bolɛ mɔɔ ɛhye sonle a; koasea ɛngola ɛnde ɛhye abo:7kɛ, bɔbɔ saa amumuyɛvoma nyi yɛ dwoloonwu kɛ ndile, na ɛtanevolɛma amuala bɛ ɛbɛla kɔ ye boɛ maa bɛ bɔbɔ a, bɛ muala bɛbahɔ ɛzɛkyelɛ mɔɔ ɔnlɛ awieleɛ la anu.8Na wɔmɔ, O Nana Nyamenle, ɛwɔ ɛkɛ ne wɔ mekɛ mɔɔ ɔnlɛ awieleɛ.9Nea wɔ kpɔvolɛma, O Nana Nyamenle; nea, wɔ kpɔvolɛma bapɛ nu aze; na bɛbabɔ ɛtanevolɛma amuala asande.10Noko akee wɔmɔ wɔkpogya me zo, wɔmaa me nwo ɛyɛ se kɛ ɛnlankɛ nyinli; wɔva fɛlɛkolilɛ ngome wɔyila me.11Menwu me kpɔvolɛma bɛ azedɔlɛ, na mede atisesebɛvoma bɛ ɛzunlɛ.12Tenlenema kɔ zolɛ boɛ kɛ arɛlɛ mbaka la; na bɛnyi ndendenle ndendenle kɛ Lɛbanɔn sida mbaka la.13Ɔluakɛ bɛle kɛ mbaka mɔɔ bɛlua bɛ wɔ Awulae aako nu, na bɛso ma kposekpose wɔ ye Awulae Nana Nyamenle Asɔne Sua Kpole ne anu la.14Bɛ mrelera mekɛ nu bɔbɔ ɛnee bɛtɛso ma; dahuu nzule kpalɛ vi bɛ nu kpu ba.15Ɛhye ɛla ye ali kɛ Nana Nyamenle le tenlene; ɔle me bodane, na ɛtane biala ɛnle ɔ nwo.Biblica, Inc.