Edwɛndolɛ63
Ɛkɛla ne mɔɔ Nzuhɔne ku ye la ye Nzɛlɛlɛ
1O Nana Nyamenle, wɔmɔ mɔɔ ɛle me Nyamenle a, mekpondɛ wɔ; me ɛkɛla ɛlɛsu avɛlɛ wɔ; me sonlabaka mumua ne ɛhete kɛ azɛlɛ mɔɔ ɛyɛ ketekete ɛlɛkpondɛ nzule la.2Zɔhane ati memkpondɛle wɔ, wɔ asɔne sua ne anu nwuanzanwuanzaleka ne; na menwunle wɔ tumi ɔ nee wɔ anyunlunyia ne.3Ɔluakɛ wɔ ɛhulolɛ kpundii ne sonle bolɛ tɛla ngoane la ati, mebaye wɔ ayɛlɛ.4Sumunli kenle ala mɔɔ mede aze la, mebayɛ wɔ mo dahuu; mebakpogya me sa zo anwuma na meabɔ wɔ duma.5Me ɛkɛla bali ɔ ko ayi, na me nloa ado fɛlɛko nee ayɛlɛyelɛ edwɛne amaa wɔ.6Saa mekakye wɔ wɔ me nla nu a, medwenle ɛ nwo wɔ aledwolɛ ne amuala.7Ɔluakɛ wɔmɔ yɛɛ dahuu ɛyɛ me boavolɛ a; na wɔ ɛ ndɛba alubo ne abo yɛɛ meto anyelielɛ edwɛne a.8Me ɛkɛla kisa wɔ; na ɛ sa fema ne sɔ me nu dwaa.9Bɛdabɛ mɔɔ kpondɛ me azɛkye me la bahɔ ɛbolɔ sua zo.10Bɛbawu wɔ konle nu, na mbedi ali bɛ avunli ne mɔ.11Akee belemgbunli ne anye balie wɔ Nana Nyamenle anu; na bɛdabɛ mɔɔ bɛka belemgbunli ne ndane ne la ɛdeɛ, bɛbaye ye ayɛlɛ; na adalɛma anloa anu edwɛkɛ bawie.Biblica, Inc.