Edwɛndolɛ44
Saa ɛkpondɛ Ɛpepɛlielɛ wɔavi Munzule nu a
1O Nana Nyamenle, yɛde ye wɔ yɛdayɛ yɛ nzo nu, yɛ nlenyia mɔ noko ɛha ɛhile yɛ, mɔɔ fale ninyɛne mgbole mɔɔ ɛyɛle ye wɔ bɛ mekɛ zo mekɛ tendenle mɔɔ ɛraze ɛhɔ la.2Wɔmɔ ɛvoanle menli mɔɔ ɛnlie wɔ ɛnli la, na ɛzieziele ɛkɛ ne ɛmaanle wɔ diedima; wɔmɔ ɛdeanle maanle gyɛne gyɛne, na ɛmaanle ɛ sa zo ɛmaanle deɛ ne yɛle kpalɛ.3Ɛ sa zo amra ne mɔ anva konlendeɛ yɛɛ bɛhonle bɛliele bɛ maanle ne a. Tɛ bɛdabɛ bɛ tumi, yɛɛ bɛholale bɛvale bɛlile konim ne a; na emomu ɔlua wɔ tumi nee wɔ anwosesebɛ, ɔboka wɔ ɛwɔkɛ mɔɔ ɛbɔle bɛ la azo. Ɛhye yɛɛ akile kɛ ɛkulo bɛ a.4Ɛle me belemgbunli, O Nana Nyamenle; wɔmɔ yɛɛ ɛmaa wɔ menli di konim a.5Ɔlua wɔ tumi zo, yɛka yɛ kpɔvolɛma aze fɛɛnye; ɔlua wɔ duma nu yɛɛ yɛkomo yɛ kpɔvolɛma anwo zo a.6Menva me rɛle menwula me ɛda mbaka nu; eza noko tɛ me nrɛlande a balie me ngoane a.7Wɔlie yɛ wɔvi yɛ kpɔvolɛma asa anu; na wɔli bɛdabɛ mɔɔ bɛkpɔ yɛ la anwo zo konim.8Dahuu yɛbaye wɔ duma ayɛlɛ; yɛbayɛ wɔ mo wɔ melɛ mɔɔ ɔnlɛ awieleɛ.9Kɛkala wɔbu ɛ nye wɔgua yɛ nwo zo; wɔmaa yɛ kpɔvolɛma asa ɛha yɛ; ɛnɛ ɛngo ɛntia yɛ kpɔvolɛma.10Ɛmaanle yɛnriandinle yɛvile yɛ kpɔvolɛma asa anu; ɔlua zo bɛravenle yɛ nwo ninyɛne.11Ɛmaanle bɛhunle yɛ kɛ mboane; ɛbɔle yɛ asande wɔ maanle zo.12Ɛdɔnenle ɛdawɔ wɔ menli ɛlielɛ ezukoa ekyi bie, kɛ asɛɛ ɛdwenle kɛ bɛ nwo ɛnlɛ nvasoɛ kpole biala la.13Yɛ kpalɛzo amra nwu mɔɔ ɛyɛ ɛmaa yɛ la a, bɛsi yɛ amgbu na eza bɛsele yɛ.14Wɔmaa yɛdo ɛzelekɛ aleɛ wɔ maanle maanle nyunlu; bɛnea yɛ a bɛkɔsɔhɔsɔ bɛ ti bɛsele yɛ.15Alehyenlɛ dahuu anyiemgba ka me; nyiane ala a ku me a;16ɔlua aholoba nee ayɛkayɛkadeɛ mɔɔ kile ɛkpɔlɛ nee atiakunlutane la ati.17Ɛhye mɔ amuala ɛsisi wɔ yɛ nwo zo; noko akee yɛ rɛle ɛtɛfile wɔ. Eza noko yɛtɛbulule ngyehyɛlɛ mɔɔ yɛ nee wɔ ɛyɛ la biala azo.18Yɛtɛkpole kɛ yɛnrɛli nɔhalɛ yɛnrɛmaa wɔ; yɛtɛkpole kɛ yɛnrɛli wɔ mɛla zo.19Noko akee wɔgyakyi yɛ wɔmaa yɛdɔ agye wɔ nane anwo ɛzulolɛ sa nu; wɔgyakyi yɛ wɔ awozinli kabikabi nu.20Saa yɛgyakyile kɛ yɛnrɛzonle yɛ Awulae Nyamenle, na yɛzonlenle bozonle gyɛne biala a,21anrɛɛ kɛ ɔkɛyɛ biala la, ɛbanwu ye, ɔluakɛ ɛze yɛ fealera nu edwɛkɛ biala.22Ɔlua wɔmɔ ti yɛɛ dahuu bɛlɛku yɛ a; wɔmɔ ti yɛɛ bɛyɛ yɛ kɛ asɛɛ mboane mɔɔ bɛbahu yɛ la a.23O Awulae, dwazo ɛ! Duzu ati a wɔlafe a? Maa ɛ nwo zo; mmakpo yɛ wɔ melɛ mɔɔ ɔnlɛ ye awieleɛ la.24Duzu ati a ɛlɛfea ɛ nwo a? Mmamaa ɛ rɛle fi yɛ ɛvɛlɛ nee yɛ amaneɛnwunlɛ.25Yɛ nyunlu ɛbutu azeva nu; yɛ kpɔvolɛma ɛvo yɛ nwo zo.26O Awulae, bɛla baboa yɛ; fa wɔ ɛhulolɛ bedevinli ne die yɛ ngoane.Biblica, Inc.