Edwɛndolɛ118
Konimlilɛ Edwɛndolɛ mɔɔ maa bɛnyia Damɛnlangoate Anwunvɔnezelɛ la
1Bɛva moyɛlɛ bɛmaa Nana Nyamenle, ɔluakɛ ɔle kpalɛ, ye ɛhulolɛ kpundii ne wɔ ɛkɛ ne dahuu.2Bɛmaa Yizilayɛma ɛha kɛ, “Ye ɛhulolɛ kpundii ne wɔ ɛkɛ ne dahuu.”3Bɛmaa Aalɔn azɛlɛvolɛ ɛha kɛ, “Ye ɛhulolɛ kpundii ne wɔ ɛkɛ ne dahuu.”4Bɛmaa bɛdabɛ mɔɔ bɛdi Nana Nyamenle eni la ɛha kɛ, “Ye ɛhulolɛ kpundii ne wɔ ɛkɛ ne dahuu.”5Wɔ me nyanelilɛ nu, menvɛlɛle Awulae; ɔliele me zo, na ɔmaanle me nwo dɔle me.6Mekɛ dodo ala mɔɔ Nana Nyamenle wɔ me afoa la, menrɛzulo. Duzu a sonla dasanli kɛhola kɛva kɛyɛ me a?7Nana Nyamenle wɔ me afoa kɛ ɔkɛboa me, ɛhye ati wɔ konimlilɛ nu, yɛɛ mebanlea bɛdabɛ mɔɔ bɛkyi me la a.8Ɔle kpalɛ kɛ ɛkɛva ɛ rɛle ɛkɛwula Nana Nyamenle anu, tɛla kɛ ɛkɛva wɔ adwenle ɛkɛzɔ sonla dasanli la.9Ɔle kpalɛ kɛ ɛkɛkpondɛ feabelɛ wɔ Nana Nyamenle anu, tɛla kɛ ɛkɛva ɛ rɛle ɛkɛwula arelemgbunli nu la.10Bɔbɔ kpɔvolɛma ɛbɔ ɛyia me ɛdeɛ, noko akee melua Nana Nyamenle duma nu, mebapɛ bɛ muala meagua bɛ lɔ.11Nɔhalɛ nu, bɛbɔ bɛyia me foa nee foa; noko akee melua Nana Nyamenle tumi nu, mebazɛkye bɛ muala.12Bɛbɔ bɛyia me fii kɛ wolɛ, bɛsɔ wulenyi wulenyi kɛ ɛyɛzinli dɛba senle la; noko akee ɔlua Nana Nyamenle asa ɛnlomboɛ ne tumi zo, mebabɔ bɛ muala bɛ bo zo bɔkɔɔ.13Bɛtetale me atisesebɛ nu ala, na bɛhulole kɛ bɛkɛli me nwo zo konim, noko akee Nana Nyamenle boale me.14Awulae maa menyia tumi nee anwosesebɛ wɔ konle nu; yelie me ngoane.15Bɛdie anyelielɛ edwɛne wɔ konimlilɛ nu wɔ Nana Nyamenle ye menli bɛ kpɔda ne mɔ abo; “Awulae nwanwane tumi ne di gyima ne bɔkɔɔ!16Ye tumi, ye nwanwane tumi wɔ konle nu, ɛva konimlilɛ ɛrɛlɛ yɛ!”17Menrɛwu; emomu mebadɛnla ngoane nu, na meadia Awulae nyele mɔɔ yeyɛ yemaa me la.18Awulae ɛhwi me nyunlu kpole kpalɛ, noko akee ɔtɛyele me ɔtɛmaanle ewule.19Bɛbukebuke tenlenema nlenkɛ ne mɔ bɛmaa me; mebava nuhua meadoa bɛ, na meava moyɛlɛ meamaa Awulae!20Nana Nyamenle anlenkɛ ne ɛne; tenlenema angomekye yɛɛ bava nu ahɔ a.21Meyɛ wɔ mo kɛ ɛdiele me, O Awulae, na wɔrayɛ me ngoanedievolɛ a.22Bolɛ ne mɔɔ suasivolɛma ne mɔ ambu ye bie la, yemɔ yɛɛ ɛrayɛ bolɛ ne mɔɔ sua ne gyi zo la a!23Ɛhye le Nana Nyamenle nyɛleɛ; na ɔle nwanwanedeɛ wɔ yɛ nye zo!24Ɛhye a le kenle ne mɔɔ Nana Nyamenle ɛhyehyɛ la; bɛmaa yɛli fɛlɛko, na yɛ nye ɛlie wɔ nuhua!25Die yɛ ngoane; Nana Nyamenle, die yɛ ngoane! Maa yɛ konimlilɛ, O Nana Nyamenle!26Nyilalɛ ɛha ahenle ne mɔɔ lua Nana Nyamenle duma nu ɛlɛba la! Yɛyila wɔ yɛfi Awulae Asɔne Sua Kpole ne anu.27Nana Nyamenle le Nyamenle; yemaa yɛ wienyi. Bɛva mrɛlakɛ bɛdedɛ bɛ sa nu, bɛbɔ ɛvoyialilɛ ne abo, na bɛva anyelielɛ bɛbɔ azukponle ne anwo mgbɔlɛka.28Wɔmɔ yɛɛ ɛle me Nyamenle a, mebava moyɛlɛ meamaa wɔ; wɔmɔ yɛɛ ɛle me Nyamenle a, mebakpogya wɔ zo.29Bɛva moyɛlɛ bɛmaa Nana Nyamenle, ɔluakɛ ɔle kpalɛ; ye ɛhulolɛ kpundii ne wɔ ɛkɛ dahuu.Biblica, Inc.