Edwɛndolɛ101
Belemgbunli ne mɔɔ evinli ɛnle ye Maamulɛ nwo la
1Me edwɛne ne fale nɔhalɛlilɛ nee pɛpɛlilɛ nwo, na wɔmɔ Nana Nyamenle, yɛɛ mebado edwɛne ne meamaa wɔ a.2Mebaye tieyɛ meamaa ngyehyɛleɛ mɔɔ di munli a. Kenle nzu yɛɛ ɛbara me ɛkɛ a? Mebabɔ tenlene ɛbɛla wɔ me ahonle nu wɔ me tɛnlabelɛ nu.3Menrɛva debie biala mɔɔ fa anyunluguase ba la menrɛzie me nyunlu; mekyi bɛdabɛ mɔɔ bɛkakyi bɛ nzi bɛsi Awulae la nyɛleɛ; me nee bɛ ɛnrɛdu ɛlɛ.4Menrɛsisi awie mɔ, menrɛbɛlɛbɛla me gɔnwo mɔ; yɛɛ bɛdabɛ noko mɔɔ bɛyɛ ɛhye mɔ la, me nee bɛ ɛnlɛ debie biala ɛnyɛ.5Me nee bɛdabɛ mɔɔ bɛtɛ ɛtane bɛgua bɛ gɔnwo mɔ anzo nu la ɛnrɛli; mgbanyizonleyɛvoma ɔ nee bɛdabɛ mɔɔ bɛka mgbole wɔ bɛ ahonle nu la, me nee bɛ ɛnrɛdu.6Bɛdabɛ mɔɔ bɛdi nɔhalɛ bɛmaa Nyamenle, na bɛse anwunvɔne wɔ maanle ne anu la, yɛɛ mebakpondɛ bɛ me nee bɛ adɛnla a. Bɛdabɛ mɔɔ bɛ nyɛleɛ le fɔɔnwo la yɛɛ me nee bɛ balua a.7Awie biala mɔɔ ɛnli nɔhalɛ la ɛnrɛdɛnla me aako nu; yɛɛ adalɛ nabalabanli biala ɛnrɛhola ɛnrɛgyinla me nyunlu.8Alehyenlɛ kɔkpula alehyenlɛ muala, mebazɛkye amumuyɛvoma mɔɔ wɔ azɛlɛ ne azo la; mebavoa ɛtanevolɛma kpokpoti meavi Nana Nyamenle suakpole ne azo.Biblica, Inc.