阅读ZAABURI 78

ZAABURI78

Ebirikwijutsya oku Ruhanga yaayebembeire abantu be omu rugyendo rwabo

Zaaburi ya Asafu eyagunzirwe n'obwengye

¹Imwe bantu bangye 'mwe, nimuhurire okwegyesa kwangye,Mutege amatu ebigambo, ebirikuruga omu kanwa kangye.²Ndyayashamya akanwa kangye, ncwe enfumu;Ngambe ebitarikushobooroka ebya ira,³Ebi twahuriire tukamanya,Ebi baatatenkuriitwe baatugambiire.⁴Tituribishereka baana baabo,Kureka turyagambira ab'obusingye oburiijaEby'ekitiinisa ebi MUKAMA yaakozire n'amaani ge,N'eby'okutangaaza ebi yaakozire.⁵Ahakuba akataho eby'okumuhamya omuri Yakobo,Yaaragiira ekiragiro omuri Israeli,Ebi yaaragiire baatatenkuriitwe kwegyesa abaana baabo,⁶Ngu ab'obusingye oburiija babimanye, nibo baana abarizaarwa,Bakaimuka, bakabigambira abaana baabo;⁷Ngu babone kwesiga Ruhanga, n'okuteebwa mirimo ye,Kureka boorobere ebiragiro bye;⁸Kandi barekye kuba nka baishenkuruboAb'obusingye obugangaire obw'obugomi,Abaabaire baine emitima etahamiire hamwe,Kandi abaagizire omwoyo ogutarikwesigwa ahari Ruhanga.⁹Abefuraimu, abaabaire bahagatiire amata,Bakahunga aha izooba ry'orugamba.¹⁰Tibararinzire ndagaano ya Ruhanga,Bakanga kugyenda nk'oku ebiragiro bye biri.¹¹Baayebwa ebi yaakozire,N'eby'okutangaaza ebi yaaboorekire.¹²Akakora eby'okutangaaza omu maisho ga baishenkurubo,Omu nsi ya Misri n'omu mariisizo ga Zoani.¹³Yaabaganisa enyanja, yaagibarabyamu,Yaayemereza amaizi, gaaba nk'omugongo.¹⁴Nyomushana abeebembeza ekicu,Kandi nyekiro abeebembeza omuriro gurikwaka.¹⁵Akaata enkiri omu ihamba,Yaabanywaisa amaizi maingi nk'agarikuruga aha nshuro z'okuzimu.¹⁶Akaigura enshuro omu rukiri,amaizi gaahimintika nigashuuma nk'emigyera.¹⁷Kwonka baayeyongyera kumucumuraho,Nibagomera Rukira-boona bari omu ihamba.¹⁸Baagyeza Ruhanga omu mitima yaabo,Nibamushaba eby'okurya ebi baayetengire.¹⁹Baagamba nibagaya Ruhanga, nibagira bati:Ebyo Ruhanga naabaasa kutugaburira eby'okurya omu ihamba?²⁰N'eky'amazima akateera orukiri, amaizi gaahimintika, emigyera yaashandaara,Beitu naabaasa kuha abantu be eby'okurya, abahe n'enyama?²¹N'ahabw'ekyo MUKAMA ku yaakihuriire, yaakwatwa ekiniga;Omuriro gwahembwa kwotsya Yakobo,Ekiniga kyacumbuukira Israeli;²²Ahabw'okuba tibaraikiriize Ruhanga, n'obu kwakuba okwesiga okujuna kwe.²³Kwonka yaaragiira ebicu by'omu iguru,Yaigura enyigi z'eiguru,²⁴Yaabagwisiza emaanu ey'okurya,Yaaguma naabaha engano z'eiguru.²⁵Abantu baarya aha mugaati gw'ekinyamaraika,Yaabagaburira, baahaaga.²⁶Yaareeta omuyaga gw'oburugwa-izooba, gwahuuha omu iguru,Ahabw'amaani ge yaahabura omuyaga gw'obukiizi-bwa-buryo;²⁷Yaabagwisiza enyama nyingi nk'omucuucu,Endahi ezirikwingana nk'omusheenyi gw'omu nyanja;²⁸Yaazigwisa ahagati omu nsiisira zaaboEmbaju zoona ez'amahema gaabo;²⁹Batyo baarya, baahaagira kimwe;Ahakuba akabaha eki baayetengire;³⁰Kwonka ku baabaire batakahweire kwetenga,N'enyama zikiri omu kanwa kaabo,³¹Ekiniga kya Ruhanga kyabagwaho,Kyabitamu ab'amaani,Kyahwerekyereza abatsigazi ba Israeli.³²Kwonka ebyo byona n'obu biraabe byabaireho, bakaguma nibashiisha,Tibaikiriza by'okutangaaza ebi yaakozire.³³N'ahabw'ekyo yaafiisa ebiro byabo busha,N'emyaka yaabo baagimara baine obwoba.³⁴Ku yaabaire abaita, bamusherura;Beeteisa, beezirika kusherura Ruhanga.³⁵Kandi baijuka ku Ruhanga ari orukiri rwabo,Ruhanga Rukira-boona ku ari Omucunguzi waabo.³⁶Kwonka bamuha ekitiinisa ky'aha minwa,Nibamubeha n'endimi zaabo;³⁷ahakuba emitima yaabo ekaba etamuhamiireho,Kandi batari beesigwa ha ndagaano ye.³⁸Kwonka We ahabw'embabazi ze nyingiYaabasaasira okutahikiirira kwabo,Tiyaabahwerekyereza;Kaingi akaba ayezibira kubagwerwa kubi,Areka kubamariraho ekiniga kye kyona.³⁹Aijuka ku bari abantu-buntu,Nk'omuyaga oguhingura, gutagarukye.⁴⁰Ka ni kaingi obu baamugomera omu ihamba,Bakamugwisiza kubi ahatatuurwa bantu!⁴¹Bakaguma nibamugyeza,Baakwatsa ekiniga Orikwera wa Israeli.⁴²Tibaijuka bushoboorozi bwe,N'obu ryakuba eizooba eri yaabakiriizeho abazigu baabo,⁴³Obu yaakora obumanyiso omuri Misri,N'eby'okutangaaza omu mariisizo ga Zoani.⁴⁴Akahindura emigyera yaabo eshagama,Tibaabaasa kunywa maizi gaayo.⁴⁵Yaabateeza emizinga y'enshohera, zaabaruma,N'ebikyere ebyabahwerekyereize.⁴⁶Yaariisa emisiri yaabo kanyananga,N'ebi baahingire yaabiriisa enzigye.⁴⁷Yaateeza emizaabubu yaabo orubaare,N'emisikamoori yaabo yaagiitsa embeho y'enyababa.⁴⁸Yaareka ente zaabo, zaateerwa orubaare,N'amasyo gaabo gaateerwa enkuba.⁴⁹Yaabashukaho ekiniga kye kingi,Okuguubwa kubi, okutamwa, n'enaku,Nigwo mutwe gwa baamaraika abarikuhwerekyereza.⁵⁰Akacwera ekiniga kye ekirarai,Tiyaabakiza kufa, kureka yaahayo amagara gaabo kubonabonesibwa.⁵¹Yaita emijigaijo yoona omuri Misri,Abaana b'amaani gaabo ag'okubanza omu mahema ga Haamu.⁵²Kwonka abantu be yaabeebembera nk'entaama, naabashohoza,Yaabahabura, naabarabya omu ihamba nk'amasyo g'entaama.⁵³Yaabeebembera gye, tibaatiina;Kwonak enyanja yaamira abazigu baabo.⁵⁴Yaabahitsya aha mwatano gw'ensi ye erikwera,N'aha kibungo, eki yaakubwire n'omukono gwe gwa buryo.⁵⁵Yaabingamu amahanga, gaabahunga;Yaagibabaganisiza kuba obuhunguzi bwabo,Yaata enganda za Israeli omu mahema gaabo.⁵⁶Kwonka baagyeza Ruhanga Rukira-boona, baamugomera,Tibaata mutima aha bi yaahamize;⁵⁷Kureka baagaruka enyima, baagobya nka baishenkurubo;Baategama nk'obuta obureebya nyinabwo;⁵⁸Ahabw'okuba bakamukwatsa ekiniga n'emyanya yaabo mikuru ey'okuramizamu,Baamwitsya eihari n'ebishushani byabo ebibaizire.⁵⁹Ruhanga ku yaakihuriire, yaagira ekiniga kingi,Yaayangira kimwe Israeli;⁶⁰N'ahabw'ekyo yaatsigaho eihema rye omuri Shiilo,Eri yaabaire atuuramu omu bantu,⁶¹Yaahayo eshanduukye y'amaani ge kunyagwa,Kandi ey'ekitiinisa kye omu mikono y'abazigu.⁶²Yaareka abantu be kwitwa rurara,Yaagirira obuhunguzi bwe ekiniga.⁶³Omuriro gwayokyeza kimwe abatsigazi baabo,N'abaishiki baabo tibaagaruka kweshongorera ha bugyenyi.⁶⁴Abanyamurwa baabo baitwa rurara,N'abafaakzi baabo tibaabacurira.⁶⁵Bwanyima Mukama yaasisiimuka nk'owaaba agwejegyeire,Nk'omushaija ow'amaani orikuyombesibwa viinyo;⁶⁶Yaateera abazigu be, yaabagarura enyima,Yaabataho ekihemu eky'ebiro n'ebiro.⁶⁷Kandi yaayanga eihema rya Yosefu,Tiyaatoorana ruganda rwa Efuraimu;⁶⁸Kureka yaatoorana orwa Yuda,N'ekibungo Saayuuni eki akunda.⁶⁹Yaayombeka Omwanya gwe ogurikwera gwaba nk'enshozi ndaingwa,Kandi gwaguma nk'ensi ei yaahamiize kimwe.⁷⁰Yaatoorana Daudi omwiru we,Yaamwiha omu ntaama,⁷¹Omu kuriisa ebuguma ezirikwontsyaNgu ariise Yakobo abantu be, na Israeli obuhunguzi bwe.⁷²Yaabariisa n'omutima gw'amazima,Yaabeebembeza obwengye bw'emikono ye.

Bible Society of Uganda

https://app.library.bible/content/9bf4c154bb6029f7