ISAAYA6
Mukama okweyoreka Isaaya
1Omu mwaka ogu omugabe Uziya yaafeereiremu, nkareeba Mukama ashutami aha kitebe ky'obukama, kiraingwa, ekitairwe ahaiguru, n'ebijwaro bye ebiragaize biijwire hekalu.2Baaserafi beemereire ahaiguru ye; buri omwe aine amapapa mukaaga, abiri ageekingiize ahamaisho, abiri agashwekire ebigyere, kandi abiri naagagurukisa.3Omwe yayeta mugyenzi we naagira ati: MUKAMA ow'amahe n'Orikwera, n'Orikwera, n'Orikwera; ensi yoona eijwire ekitiinisa kye.4Emisingi y'ebiti by'amarembo yaatengyetsibwa eiraka ry'ogwo owaagambire, enju yaijura omwika.5Bwanyima naagira nti: Ai bambe! Mbwenuho naahitsya, ahakuba ndi omuntu w'eminwa etashemeire, kandi ntuura omu bantu abaine eminwa etashemeire; ahabw'okuba amaisho gangye gaareeba Mukama, MUKAMA ow'amahe.6Ahonaaho omwe ahari baaserafi yaaguruka, yaija ahi ndi aine eikara eririkwotsya omu ngaro, eri yaiha aha itambiro n'oruhana.7Yaarinta aha minwa, yaagira ati: Reeba, eri ryakukora aha minwa, okutahikiira kwawe kwakwihwaho, n'ekibi kyawe kyasaasirwa.8Bwanyima naahurira eiraka rya Mukama naagira ati: Ntume oha, kandi n'oha oraatugyendere? Ntyo naagarukamu nti: Ndi aha; ba niinye waatuma.9Yangira ati: Irooko ogambire abo bantu oti:Okuhurira kwo muhurire, kwonka mutashoborokyerwa;N'okureeba mureebe, kwonka muteetegyereza;10Hindura emitima y'abo bantu ebirite,Oigare amatu gaabo,Kandi ohumye amaisho gaabo,Batakaareebesa amaisho gaabo,N'okuhurira n'amatu gaabo,N'okwetegyereza n'emitima yaabo,N'okuhinduka ngu bakizibwe.11Bwanyima naagira nti: Mukama wangye, ebyo biryahitsya ryari? Yangarukamu ati:Okuhitsya obu endembo ziriba emishaka,Hatakiine otwiremu,N'amaju hatakiine ogarimu,N'ensi ekabeera kimwe amatongo,12MUKAMA akaihayo abantu, akabatwara hare,Omu nsi yoona hakabamu emyanya mingi y'ebifurukwa.13Kandi n'obu haritsigaramu ekicweka kimwe kya ikumi,Nakyo kiryamarwaho, nk'ekiti ky'omwela,Nari omunyinya, ekyatemirwe kikatsigara kiri ekitsintsi.Nikwo n'oruzaaro orurikwera ruriba ekitsintsi kyabo.Bible Society of Uganda