Mbu'ki'21
1Aho lyafikaga itungo i'lo Gu'ku' Mulungu ndi' wamuwi'la Sala, wamwizi'i'laga na ku'mugelani'zi'zya ilagano ki'ti' i'vyo ndi' wayomba.2Haho Sala wav'aga na mwitungo. Aho lyafikaga itungo lya ku'v'yala wamuv'yali'laga Abalahamu mwana wa ki'gosya mu wu'kiku'lu' wakwe, mu itungo lyeni'lo ki'ti' i'vyo ndi' wawi'lwa na Mulungu.3Abalahamu wamupaga lina Isaka , mwana u'yo wamuv'yali'laga Sala.4Isaka aho wafikyaga musimo gwa nsiku' munane, Abalahamu wamuputaga nyu'nzu' yakwe ki'ti' i'vyo Mulungu wamupile ilagi'li'zyo.5Itungo lya ku'v'yalwa ku'mwa Isaka, Abalahamu ise wasangwa ali' na musimo gwa myaka igana li'mo.6Nawe Sala wayombaga, “Mulungu wambezyaga ntogwe na ku'seka, na ki'la muntu' u'yo akwigwa muhayo gwenu'gu' aku'seka haki'mo nanne.”7Hangi' walambaga ku'yomba, “Nde wali' alamuwi'le Abalahamu ati' Sala muki' wakwe alonsye mwana? Ali'vi gi'si' namuv'yali'laga mwana wa ki'gosya mu wu'kiku'lu' wakwe.”8Isaka waku'laga, na Sala wamupeezyaga iv'ele. Mu lu'siku' lwenu'lo Abalahamu wav'ezyaga mwanya muhanya.9Ali'vi Sala wamuwonaga Isumaili mwana wamwa Abalahamu u'yo wamuv'yali'lile Hajili, Mumisili, ali'muv'ezezya mansyente Isaka mwana wakwe.10Ku'nguno yeni'yo, Sala wamuwi'laga Abalahamu, “U'musage muzya mwenu'yu' haki'mo na mwane, ku'nguno yi'kakowoleka mwana wa muzya ku'saala haki'mo na mwana wanne Isaka.”11Muhayo gwenu'go gwav'aga muv'i muno ku'mwa Abalahamu ku'nguno ya mwane Isumaili.12Ali'vi Mulungu wamuwi'laga Abalahamu, “Muhayo gwenu'go waku'wi'laga Sala gu'leke ku'v'a muv'i ku' wako, ku'nguno ya muzya wako na mwana wakwe Isumaili. Degelekaga i'cho aku'ku'wi'la, ku'nguno wu'v'yalwa wako wu'ligele ku'fumi'i'la ku' mwana wako Isaka.13Sumbwa mwana wa muzya wako, mwene ndamuv'ezye av'e v'av'a wa kabi'la ku'nguno mwenu'yu' nawe ali' mwana wako du'.”14Wangalu'ke ndiyu' Abalahamu wasolaga viliwa na ki'kondo cha minzi', na wamuv'agali'ki'zyaga Hajili na ku'musinia haki'mo na mwane. Nav'o v'awu'kaga na v'alondaga ku' ibalangu' lya Beeli-sheba na kwenu'ko wayegayegaga.15Yav'aga aho gamalaga minzi' ga mu ki'kondo, Hajili wamulekaga mwane Isumaili ha nsi'li'li' na isaka.16Nawe wayaga ha mpelo, wu'lihu wa ki'ti' ntambo igana li'mo, na wayombaga mu moyo gwakwe, “Yi'kav'ile visoga mmuwone mwana wanne aho ali'fwa.” Yav'aga aho wikalaga kwenu'ko, wali'laga ku' muzwi muhanya.17Mwana nawe wali'laga, na Mulungu wigagwa ku'li'la kwakwe. Haho malaika wamwa Mulungu ku'fuma ku' ilunde wamwitanaga Hajili na wamuwu'zyaga, “Hajili ku'li' na ki'? Ku'du' wogohe, ku'nguno Mulungu wigagwa ki'li'lo cha mwana wako kwenu'ko ali'.18Wu'kaga u'ye ku' mwana wako u'kamuwu'sye, na u'mudime mukono, ku'nguno ndamuv'ezye av'e v'av'a wa kabi'la nhanya.”19Haho Gu'ku' Mulungu wamufumbu'laga minso gakwe Hajili, nawe walu'wonaga lwinzi', wayaga ku'kadaha mu ki'kondo, wokazyaga minzi' na wamunywisyaga mwana wakwe.20Mulungu wav'aga haki'mo na mwana mwenu'yo, nawe wendeleyaga ku'ku'la, wav'aga mwikazi wa mu ibalangu', na wav'aga mulasi wa masonga.21Itungo lyeni'lo lya wikalo wakwe mu ibalangu' lya Palani, nnina wamukoov'elaga muki'ma wa Ki'misili na wamutozyaga.22Nawe mutemi Abimeleki na Fikoli, muhanya wa v'asilikale, v'ayaga ku'mwa Abalahamu na v'amuwi'laga ati', “Mulungu ali' haki'mo nanho ku' ki'la igambo i'lo u'li'v'ezya.23Ku'nguno yeni'yo u'lahi'le ku' lina lyamwa Mulungu, ku'v'a u'kasye u'mbezezye wu'yengani, ene, v'ana v'anne, na wu'v'yalwa wanne. Ki'ti' i'vi ene naku'v'ezezizye chelu', nanho u'mbezezye chelu' cheni'cho, ene na nsi' yeni'yi' i'yo wikalile ki'ti' mugeni mwizi'li'zi.”24Nawe Abalahamu wasu'v'yaga, “Nu'lahi'la.”25Ali'vi Abalahamu wasayaga ku'mwa Abimeleki ku'nguno ya lwinzi' lwa minzi' u'lo v'akumba v'amwa Abimeleki ndi' v'amupuzya Abalahamu.26Nawe Abimeleki wayombaga, “Ene nkamanya nde wav'ezizye vyeni'vyo, ninga nanho u'kambwi'lile, na muhayo gwenu'gu' hu' nu'gwigwa walelo.”27Haho Abalahamu wasolaga madale ga ng'ombe, nkolo na mbu'li, na wamupaga Abimeleki, nav'o v'enav'a v'av'i'li' v'av'ezyaga ilagano lyav'o.28Hangi' Abalahamu wakomaga tu'di'lana tu'ki'ma mupungati' twa nkolo, na watu'tu'u'laga twinene.29Nawe Abimeleki wamuwu'zyaga Abalahamu ati', “ku' ki' watu'koma twenu'tu' tu'di'lana mupungati'?”30Abalahamu wasu'v'yaga ati', “Nu'ku'pa twenu'tu' tu'di'lana mupungati', u'tu'sole ku'fuma mu makono ganne ki'gele wu'v'e wu'sangi'lwa wa ene nanho ku'v'a lwinzi' lwenu'lu' ene hu' ndu'si'mbile.”31Haho lwinzi' lwenu'lo v'alu'paga lina “Beeli-sheba ,” ku'nguno v'ilahi'li'zyaga henanho v'ose v'av'i'li'.32Aho v'amali'laga ku'v'ezya ilagano lyav'o kwenu'ko ku' lwandi' lwa Beeli-sheba, Abimeleki na Fikoli, muhanya wa v'asilikale, v'awu'kaga kwenu'ko, na v'asu'v'aga ku' nsi' ya V'afilisiti.33Abalahamu muti' gwa mutaka kwenu'ko ku' Beeli-sheba, na wamwisengaga Gu'ku' Mulungu, Mulungu wa nhananhana.34Nawe wikalaga kwenu'ko ku' lwandi' lwa V'afilisiti ki'ti' mugeni mwizi'li'zi ku' itungo ilihu.
Pioneer Bible Translators