Mbu'ki'17
1Yav'aga aho Abulamu wafikyaga musimo gwa myaka maku'mi kenda na kenda, Gu'ku' Mulungu wamwifumi'i'laga na ku'yomba, “Ene ni' Gu'ku' Mulungu wa Nguzu, u'londe nzi'la yanne u'v'e mugololoku wa moyo,2ki'gele nanne nki'ndi'ke ilagano lyanne nanho, na nku'wingi'hya wu'v'yalwa wako muno.”3Haho Abulamu wamusukambi'laga Mulungu na ku'muku'v'i'i'la, nawe Mulungu wamuwi'laga,4“I'li' hu' ilagano lyanne nanho, ev'e u'lav'e v'av'a wa makabi'la mingi.5Ku'fuma walelo u'kasye witanwe hangi' Abulamu, sumbwa lina lyako u'ku'v'a Abalahamu, ku'nguno naku'v'ezyaga u'v'e v'av'a wa makabi'la mingi.6Ndaku'v'ezye u'v'e na wu'v'yalwa wingi muno, na ku'fumi'i'la ku' wako galafumi'i'le makabi'la mingi na v'atemi.7Ilagano lyanne nku'li'v'ezya li'v'e lya nhananhana, mugati' yanne nanho na wu'v'yalwa wako haki'mo na wu'v'yalwa u'wo wu'lalonde ku' wav'o, na nku'v'a Mulungu wako na Mulungu wav'o.8Hangi' ndaku'pe ev'e na wu'v'yalwa wako nsi' ya Kanaani yose i'yi' wikalile ki'ti' mugeni mwizi'li'zi, ki'gele muyi'teme nhananhana, nanne ndav'e Mulungu wav'o.”9Haho Mulungu wamuwi'laga Abalahamu, “Ev'e na wu'v'yalwa wako haki'mo na wu'v'yalwa u'wo wu'lalonde ku' wav'o, muli'dime ilagano lyanne.10I'li' hu' ilagano lyanne i'lo muku'li'dima mugati' yanne na inywe, ev'e haki'mo na wu'v'yalwa wako: Ki'la mugosya wa ku' winywe yi'ku'mudima ku'tahiliwa.11Muv'e muli'tahiliwa, na lyeni'li' igambo hu' li'ku'v'a lu'manyi'lo lwa ilagano mugati' yanne na inywe.12Ki'la mwana wa ki'gosya mu wu'v'yalwa wako u'yo alav'yalwe na ku'fikya nsiku' munane, yi'lamudime ku'tahiliwa, av'e mukumba wako u'yo av'yali'lilwe ha wako ninga wa ku'gu'la ku' hela ku'fuma ku' mugeni u'yo akav'ile wa wu'v'yalwa wako.13Wa ku'v'yali'lwa mu lu'go lwako, na wa ku'gu'la ku' hela, nhana yi'lamudime ku'tahiliwa. I'vi hu' vyene ilagano lyanne lya nhananhana li'lav'e ku' miv'i'li' zinywe na lwenu'lo hu' lu'lav'e lu'manyi'lo.14Ki'la mugosya u'yo alav'e akatahiv'ilwe, muntu' mwenu'yo alakomwe ku'le na v'antu' v'akwe ku'nguno alav'e wali'v'i'nza ilagano lyanne”.15Haho Mulungu wamuwi'laga hangi' Abalahamu, “Ku' lwandi' lwa muki' wako Salai, u'leke ku'mwitana lina lyakwe Salai, ku'nguno lina lyakwe aku'v'a Sala.16Nanne nku'mudosya, nawe alaku'v'yali'le mwana wa ki'gosya. Hangi' ndamudosye nawe alav'e mayu' wa makabi'la mingi, na v'atemi v'a makabi'la mingi v'alafumi'i'le ku' wakwe.”17Haho Abalahamu wasukambaga na ku'muku'v'i'i'la, sumbwa wasekaga na wiganikaga mu moyo gwakwe ati' “Yi'ku'kowoleka vihe muntu' wa myaka igana li'mo ku'v'yala mwana? Hangi' Sala ali' na myaka maku'mi kenda alakowole ku'v'yala mwana?”18Hohene Abalahamu wamulombaga Mulungu ati', “Yali' yi'li' visoga u'zumye Isumaili asole lu'v'ango lwako lwenu'lu'.”19Haho Mulungu wasu'v'yaga ati', “Yi'kav'ile vyeni'vyo, ku'nguno muki' wako Sala alaku'v'yali'le mwana wa ki'gosya, nanho u'lamwitane lina lyakwe Isaka. Nanne ndaki'ndi'ke ilagano lyanne ku' wakwe haki'mo na wu'v'yalwa wakwe u'wo wu'lalonde ku' wakwe nhananhana.20“Ku' lwandi' lwamwa Isumaili, nakwigagwa ku'lomba kwako, nawe nku'mudosya, av'e na wu'v'yalwa wingi na nku'mwingi'hya muno. Alav'e sav'o lya v'atemi iku'mi na v'av'i'li'. Nanne ndamuv'ezye ku'v'a nsi' nhanya.21Ali'vi ilagano lyanne i'lo ndaki'ndi'ke ku'mwa Isaka, u'yo alaku'v'yali'le Sala muki' wako mu itungo lya ki'ti' lyeni'li' mwakizo.”22Yav'aga aho Mulungu wamali'laga ku'yomba nawe, wamulekaga Abalahamu.23Nawe Abalahamu mu lu'siku' lwenu'lo, wamuputaga nyu'nzu' mwana wakwe Isumaili na wav'aputaga v'akumba v'akwe v'ose v'a ku'v'yali'lwa mu lu'go lwakwe, na v'ose av'o wav'agu'lile ku' hela, ki'ti' i'vyo Mulungu wamulagi'li'zyaga.24Nawe Abalahamu aho ali'putwa nyu'nzu' yakwe, wasangwa ali' na musimo gwa myaka maku'mi kenda na kenda.25Sumbwa mwana wakwe Isumaili aho ali'putwa nyu'nzu' yakwe wasangwa ali' na musimo gwa myaka iku'mi na idatu'.26Lu'siku' lwene lu'lo Abalahamu na mwane Isumaili v'aputagwa nyu'nzu' zyav'o,27haki'mo na v'agosya v'ose v'a mu lu'go lwakwe, v'ose av'o v'av'yali'lilwe mu lu'go lwakwe na v'a ku'gu'la ku' hela ku'fuma ku' mugeni.
Pioneer Bible Translators