Ku'fuma24
1Hangi' Gu'ku' Mulungu wamuwi'laga Mose ati', “Liini mwize ku' wanne, ev'e, Aloni, Nadabu na Abihu, haki'mo na v'anamala maku'mi mupungati' mugati' na v'anamala v'a Izilaeli. Mwi'me katanalo na ku'nku'v'i'i'la.2Ali'vi ev'e Mose winene du' hu' u'ku'negela bi'hi', sumbwa v'angi' ku'du' v'anegele, ninga V'aizilaeli ku'du' v'aliine haki'mo nanho.”3Hohene Mose wayaga ku'kav'awi'la v'antu' mihayo na milagi' zyose zyamwa Gu'ku' Mulungu. V'antu' v'ose v'asu'v'yaga ku' muzwi gu'mo na ku'yomba ati', “Ki'la muhayo u'go walagi'li'zyaga Gu'ku' Mulungu, ku'ku'v'ezya.”4Haho Mose watonaga ki'la muhayo u'go Gu'ku' Mulungu wamuwi'laga. Hangi' wangalu'ke ndiyu', wipunaga na ku'zyenga ihozezyo ha nsi'li'li' na lu'gu'lu', na ku'ki'ndi'ka nhi'ngi' iku'mi na iv'i'li' zya mawe ku'londana na lu'v'alo lwa magongo iku'mi na av'i'li' ga V'aizilaeli.5Hohene wav'atu'maga v'asu'mbana v'a Ki'izilaeli, ki'gele v'amufumi'zye Gu'ku' Mulungu vitaambo vya ku'zigya na vitaambo vya kwiswanania vya ng'ombe nzagamba.6Nawe Mose wasolaga nusu ya magazi ga vitaambo vyeni'vyo, wagatu'u'laga mu mabakuli, na gangi' wanyanyagi'laga ha ihozezyo.7Hangi' wasolaga Ki'tabu cha Ilagano na waki'somaga ha mbele ya v'antu' v'ose, nav'o v'ayombaga ati', “Mihayo zyose i'zyo wayombaga Gu'ku' Mulungu ku'ku'ziv'ezya, na ku'ku'muku'zya.”8Haho Mose wagasolaga ago magazi, na ku'v'anyanyagi'la v'antu' v'enav'o. Wayombaga, “Genaga hu' magazi ga ilagano i'lo Gu'ku' Mulungu wav'ezyaga na inywe ku'londana na mihayo zyeni'zi zyose.”9Hohene Mose, Aloni, Nadabu na Abihu, haki'mo na v'anamala maku'mi mupungati' mugati' na v'anamala v'a Izilaeli, v'aliinaga ku' lu'gu'lu',10nav'o v'amuwonaga Mulungu wa Izilaeli. Ha nsi'li'li' na magu'lu' gakwe hav'age na ki'ntu' i'cho ki'li' ki'ti' ilole i'lo li'v'eziv'ilwe ku' mawe ga yakuti ya samawati, i'lo li'li' isoso ki'ti' chelela cha ilunde.11Ali'vi Gu'ku' Mulungu akawu'sizye mukono gwakwe ha igu'lya na v'atongelezi v'a V'aizilaeli. Sumbwa v'amuwonaga Mulungu, nav'o v'alyaga na ku'nywa.12Haho Gu'ku' Mulungu wamuwi'laga Mose ati', “Liina ku' igu'lya wize ku'no ku' wanne, wikale ku'no. Nanne nku'ku'pa mav'ale ga mawe ago gatonilwe nhama na nzi'la ya nhana, ki'gele u'kav'ahembeke V'aizilaeli.”13Hohene Mose wawu'kaga haki'mo na Yoswa, mukumba wakwe, nawe Mose walamulaga ku'liina ku' lu'gu'lu' lwamwa Mulungu.14Mose wasangwa wav'awi'laga av'o v'anamala v'a Izilaeli ati', “Ku'lindi'li henanha mpaka aho ku'ku'v'a kwasu'v'a. U'lu' muntu' wav'a na igambo aku'v'a ali'ya ku'mwa Aloni na Huli, ku'nguno v'enav'a v'aku'v'a haki'mo na inywe.”15Hohene Mose wendeleyaga ku'liina ku' lu'gu'lu', na ilunde lyalu'kumbaga lu'gu'lu'.16Lu'kumo lwamwa Gu'ku' Mulungu lwasookaga ha igu'lya na lu'gu'lu' lwa Sinai, na ilunde lyalu'kumbaga lu'gu'lu' nsiku' mukaga. Mu lu'siku' lwa mupungati' Mulungu wamwitanaga Mose ku'fuma mugati' na ilunde lyeni'lo.17Lu'kumo lwamwa Gu'ku' Mulungu lwigelaga ha mbele ya minso ga V'aizilaeli ki'ti' moto gwa ku'zigya kwenu'ko ku' igu'lya na lu'gu'lu'.18Hangi' Mose wafiki'ki'laga na kwingi'la mugati' na ilunde lyeni'lo. Nawe wikalaga kwenu'ko ku' igu'lya na lu'gu'lu' ku' itungo lya nsiku' maku'mi ane, wu'ziku' na lyu'v'a.
Pioneer Bible Translators