Kesikpɛkpɛ36
Esawu Yɛ Kihui Nɔ
1Esawu Yɛishu Ebuiɛ Naalɛ (gɛenu, Edɔm).2Esawu agbana yɛedzini alɛ odenɔ Kana badzɛ nɛishi: Elɔn Ada Xitieyiɛ yɛeyiadzɛ Elɔn, nɛ̀ Oholibama gɛenu Ana yɛeyiadzɛ pɛenu eshui tsyɛ akɔ Zibeon gɛenu Hivieyiɛ-3ɔplɛnɔ Bɔsmat, Ishmael yɛeyiadzɛ gɛenu Nebaiot yɛada.4Ada amɔ́ Elipãz akɔ Esawu, kɛlɛ Bɔsmat amɔ́ Rauɛl,5kɛlɛ Oholibama amɔ́ Yerus, Yalam nɛ̀ Kora. Banɔ alɛ balɛedzi beyianyɛ akɔ Esawu, gɛ bamɔ̃ akɔ yɛ nɛ Kana.6Esawu alɔkɔ yɛedzinì alɛ, yɛ beyianyɛ nɛ̀ beyiadzɛ nɛ̀ banɔnɔ petee gɛalɛ yɛɔpãmɛ, yɛ bɔpãmɛ bagãa nɛ̀ baagã bhlatɔ nɛ̀ bɔdɔ̃ petee gɛ amɔ̃ nɛ Kana, kɛlɛ avɛ kesiakpa tieli abha gɛazã odzololo ɔkɔ nɛ yɛadza Yakɔb ɔbhà.7Balɛ bɔdɔ̃ gɛ bamɔ̃ɔ kpe faanɔ ɔsɛ tɛ bazã bagɔlɔ ɔbhà; kesiakpa gɛ kalɛ abha bazã atɛ balà balɛ taabhà nabhà eɖi nɛ balɛ bɔpãmɛ bagãa shu so.8Kliso Esawu (gɛenu Eɖom) edi bhui kazã nɛ Sɛya ketukpɔ kesiakpa nabha.9Esawu gɛedzi akaa akɔ Eɖomanɛ nɛ Sɛya ketukpɔ kesiakpa nabha yɛishu ebuiɛ nalɛ.10Esawu yɛ beyianyɛ nɛinye naalɛ: Elipãz, Esawu yɛedzini Ada yɛeyianyɛ, nɛ̀ Rauɛl, Esawu yɛedzini Bɔsmat yɛeyianyɛ.11Elifat yɛ beyianyɛ: Teman, Omaɖ, Zepo, Gatam nɛ̀ Kɛnaz.12Agɔlɔ teli tsyɛ azã Esawu yɛeyianyɛ Elipãz ahɔɛ gɛ bezekulu asɛ Timna, gɛ amɔ̃ Amalɛk akɔɛ. Banɔ alɛ balɛedzì beshui akɔ Esawu yɛedzinì Ada.13Rauɛl yɛ beyianyɛ: Naxat, Zera, Sama nɛ̀ Mizza. Banɔ alɛ balɛedzi beshui akɔ Esawu yɛedzini Bɔsmat.14Esawu yɛedzinì Oholibama gɛenu Ana yɛeyiadzɛɛ yɛeyianyɛɛ naalɛ, Ana yɛeyiadzɛ pɛenu eshui akɔ Zibeɔn gɛ amɔ̃ akɔ Esawu. Yeus, Yalam nɛ̀ Kora.15Bagɛ edzì beekusi nɛ Esawu yɛeshopo alɛ nɛishi naalɛ: Elipãz yɛ beyianyɛ gɛedzi beyiɛ gɛ Esawu eputɔ amɔ̃. Beekusi Teman, Omaɖ, Zepo, Kɛnaz,16Kora, Gatam, nɛ̀ Amalɛk. Banɔ alɛ balɛ edekoeyì nɛ Elipãz nɛ Eɖom mɛ; balɛedzi beshui akɔ Aɖa.17Esawu yɛeyianyɛ Rauɛl yɛ beyianyɛ naalɛ: Beekusi Naxat, Zera, Sama nɛ̀ Mizza. Banɔ alɛ balɛedzì beekusi gɛede koeyi nɛ Rauɛl nɛ Eɖom mɛ: balɛedzì beshui akɔ Esawu yɛedzinì Bɔsmat.18Esawu yɛedzinì Oholibama yɛeyianyɛ naalɛ: Beekusi Yerus, Yalam, nɛ̀ Kora. Banɔ alɛ balɛedzì bekusiɛ gɛede koeyì nɛ Esawu yɛedzinì Oholibama gɛedzì Ana yɛeyiadzɛ mɛ.19Banɔ alɛ balɛedzì Esawu (gɛedzì Eɖom), kɛlɛ banɔ alɛ balɛ edzì bekusiɛ kɔalɛ.20Sɛya gɛedzì Horieyiɛ pɛ bazã kesiakpa mɛ yɛ beyianyɛ naalɛ: Lɔtan, Sobal, Zibeɔn, Ana,21Ɖishɔn, Eza nɛ̀ Ɖishan. Sɛya beyianyɛ alɛ nɛ Eɖom balɛedzì Horianɛ bekusiɛ.22Lotan yɛ beyianyɛ: Hori nɛ̀ Hemam. Timna edzi Lotan yɛada.23Sobal yɛ beyianyɛ: Alvan, Manahat, Ebal, Shepo nɛ̀ Onam.24Zibeɔn yɛ beyianyɛ: Aiah nɛ̀ Ana. Ana alɛ yɛenu anunɔ gɛ adɛmɔ̃ bulĩɛ gɛ buvũ kifúɔ nɛ oxuiɛ mɛ nɛ kibeɛ gɛ aakɔ yɛaka Zibeɔn badiku nɔŋaŋãa.25Ana yɛeyialɛ: Ɖisɔn nɛ̀ Oholibama gɛenu Ana yɛeyiadzɛ.26Ɖisɔn yɛ beyianyɛ: Hemɖan, Eshban, Yitran nɛ̀ Karan.27Eza yɛ beyianyɛ: Bilxan, Zaawan nɛ̀ Ákan.28Ɖisan yɛ beyianyɛ: Uz nɛ̀ Aran.29Banɔ alɛ balɛedzì Horianɛ bekusiɛ: Lotan, Shobal, Zibeɔn, Ana,30Ɖishon, Eza nɛ̀ Ɖishan. Banɔ alɛ balɛedzì Horianɛ bekusiɛ, nɛ balɛ egbogbo mɛ nɛ Sɛya kesiakpa nabha.Eɖom Beekusiɛ
31Banɔ alɛ balɛ edzì bekusiɛ gɛaŋã bukusi nɛ Edɔm flogo pɛ Israɛlanɛ ekusi kanyiaka abaŋã bukusi:32Bela gɛedzì Bayɔ yɛeyianyɛ ebedzì ekusi nɛ Edɔm. Bakɔ yɛ ɔmã gbagbla nɛinye ɔsɛ Ɖinhaba.33Kibeɛ gɛ Bɛla etsíɛ, Yɔbab gɛedzì Zera yɛeyianyɛ pɛ ede Bɔzra ayɛkɛ yɛɔzãkɔ asɛ ekusi.34Kibeɛ gɛ Yɔbab etsíɛ, Xusham gɛede Temananɛ kesiakpa nabha ayɛkɛ ɔzãkɔ asɛ ekusi.35Kibeɛ gɛ Xusham etsíɛ, Haɖaɖ gɛedzì Beɖaɖ, gɛ eté Medianɛ nɛ Moab kesiakpa nabha ayɛkɛ yɛɔzãkɔ asɛ ekusi. Bakɔ yɛɔmã gbagbla nɛinye ɔsɛ Avit.36Kibeɛ gɛ Haɖaɖ etsíɛ, Samla gɛede Masreka ayɛkɛ ɔzãkɔ asɛ ekusi nɛ yɛede.37Kibeɛ gɛ Samla etsíɛ, Shaol gɛede Raxobot nɛ keliɛ shuɔ ayɛkɛ yɛɔzãkɔ asɛ ekusi nɛ yɛede.38Kibeɛ gɛ Shaul etsíɛ, Baal-Xana gɛedzì eyianyɛ akɔ Akbɔ ayɛkɛ ɔzãkɔ nɛ yɛede asɛ ekusi.39Kibeɛ gɛ Baal-Hana gɛedzì eyianyɛ akɔ Akbɔ etsíɛ, Haɖaɖ ayɛkɛ yɛɔzãkɔ asɛ ekusi nɛ yɛede. Bekulu ɔmã gbagbala nɛinye ɔsɛ Pau, kɛlɛ yɛedzinì nɛinye kɛlɛ idzì Mehetabɛl gɛedzì eyiadzɛ akɔ Matrɛɖ, gɛ yɛtsyɛ edzì eyiadzɛ akɔ Mezaxab.40Banɔ alɛ balɛedzì bekusiɛ gɛede ekoyì nɛ Esawu mɛ, nɛ balɛ enye nɛ̀ balɛ egbogbo nɛ̀ kɛma mɛ gɛ bazãa: Timna, Alva, Yetɛt,41Oholibama, Ela, Pinɔn,42Kanaz, Teman, Mibza,43Magdiɛl nɛ̀ Airam. Banɔ alɛ balɛedzì bekusiɛ nɛ Eɖom, nɛ kana gɛ bebhui bɔzã nulũ nɛ busiakpa mɛ gɛ bazãa.Esawu naalɛ gɛedzi akaa akɔ Eɖomanɛ.
The Seed Company