2 Corinthians6
1Tikakhala ochita njhito pamojhi ni Mnungu, tikupembhani kupunda msadavomela ujha ubwino uwo mwalandila kuchoka kwa Mnungu utaike chajhe.2Mnungu wakamba chimwechi, “Ndhawi yokwana nakuvechela, ndhawi ya uomboli nakuthangatila.”
Chimwecho, ino nde ndhawi yofunika kulandila uomboli wa Mnungu!3Sitifuna kumuchekeleza mundhu waliyonjhe, dala utumiki wathu usadakhala wodandaulicha.4Mmalo mwake, kwakila kandhu tijhilangize kuti ife atumiki a Mnungu, kwa kila kandhu, kwa kulimba mtima kupunda kwa mavuto, machaucho ni kulaga,5tidabulidwa ni kumangidwa mndende ni kwa kukuwidwa pa ndhandala pakuchita njhito zolimba zolemecha, tachezelela ni kukhala popande kudya.6Tijhilangiza kukhala atumiki a Mnungu kwa mtima woyela, kwa malango, kwa kulimba mtima ni kwa ubwino, kwa Mzimu wa Mnungu ni kwa chikondi chopande ugunghuli,7kwa mau la uzene ni kwa mbhavu ya Mnungu. Kuvomelezeka ni Mnungu nde chida chathu cha kukengelela ni kuhundukila.8Ife timtumikila Mnungu wandhu akati lemekeza kapina kutudelela, tilaumidwa ni kutielekela. Tionekana amthila kumbe tikamba zene,9ngati osajhiwika kumbe tijhiwika kupunda, tioneka ngati omwalila kumbe ife amoyo.10Ingakhale talangidwa, sitidaphedwe, ingakhale tionekana tali ni chisoni, tikondwa, ingakhale tili osauka nambho tachita ambili kukhala opata, tioneka wandhu opande kandhu, kumbe tili ni kila kandhu.11Achabale Akolinso takamba namwe padanga, kwa kuku kondani kupunda.12Ngati kuli ni chindhu chalichonjhe chichekeleza kukukondani anyiimwe, ife sitidasiye kukukondani anyiimwe nambho anyiimwe nde mwasiya kutikonda ife.13Chipano nikamba namwe ngati wana wanga. Mkondane ngati umo ife takukondani anyiimwe.14Msada gwilizana ni wandhu osakhulupilile Mnungu. Bwanji ubwino ni kuipa vikoza kukhala pamojhi? Dangalila ni mdima vikhoza bwanji kukhala pamojhi?15Bwanji Kilisito wakhoza kugwilizana ni Satana? Okhulupilila Mnungu wagwilizana bwanji ni osakhulupilila Mnungu?16Nyumba ya Mnungu igwilizana bwanji ni viboliboli va unami? Ife ni nyumba ya Mnungu wa moyo. Ngati Mnungu mwene umo wadakambila, “Sinikhale pamojhi ni anyiiwo, ni kukhala pakati pao, Sinikhale Mnungu wao, nao sakhale wandhu wanga.”17Chimwecho, Ambuye Ambhavu akambanjho, “Chokani pakati pao, mkajhipatule nao, msadaghafya chindhu choipa, Nane sinikulandileni.18Ine sinikhale Tate wanu, namwe simukhale wanawanga wachimuna ni wachikazi, ine Ambuye Mnungu uyo nili nimbhavu nakamba.”
Chimwecho, ino nde ndhawi yofunika kulandila uomboli wa Mnungu!3Sitifuna kumuchekeleza mundhu waliyonjhe, dala utumiki wathu usadakhala wodandaulicha.4Mmalo mwake, kwakila kandhu tijhilangize kuti ife atumiki a Mnungu, kwa kila kandhu, kwa kulimba mtima kupunda kwa mavuto, machaucho ni kulaga,5tidabulidwa ni kumangidwa mndende ni kwa kukuwidwa pa ndhandala pakuchita njhito zolimba zolemecha, tachezelela ni kukhala popande kudya.6Tijhilangiza kukhala atumiki a Mnungu kwa mtima woyela, kwa malango, kwa kulimba mtima ni kwa ubwino, kwa Mzimu wa Mnungu ni kwa chikondi chopande ugunghuli,7kwa mau la uzene ni kwa mbhavu ya Mnungu. Kuvomelezeka ni Mnungu nde chida chathu cha kukengelela ni kuhundukila.8Ife timtumikila Mnungu wandhu akati lemekeza kapina kutudelela, tilaumidwa ni kutielekela. Tionekana amthila kumbe tikamba zene,9ngati osajhiwika kumbe tijhiwika kupunda, tioneka ngati omwalila kumbe ife amoyo.10Ingakhale talangidwa, sitidaphedwe, ingakhale tionekana tali ni chisoni, tikondwa, ingakhale tili osauka nambho tachita ambili kukhala opata, tioneka wandhu opande kandhu, kumbe tili ni kila kandhu.11Achabale Akolinso takamba namwe padanga, kwa kuku kondani kupunda.12Ngati kuli ni chindhu chalichonjhe chichekeleza kukukondani anyiimwe, ife sitidasiye kukukondani anyiimwe nambho anyiimwe nde mwasiya kutikonda ife.13Chipano nikamba namwe ngati wana wanga. Mkondane ngati umo ife takukondani anyiimwe.14Msada gwilizana ni wandhu osakhulupilile Mnungu. Bwanji ubwino ni kuipa vikoza kukhala pamojhi? Dangalila ni mdima vikhoza bwanji kukhala pamojhi?15Bwanji Kilisito wakhoza kugwilizana ni Satana? Okhulupilila Mnungu wagwilizana bwanji ni osakhulupilila Mnungu?16Nyumba ya Mnungu igwilizana bwanji ni viboliboli va unami? Ife ni nyumba ya Mnungu wa moyo. Ngati Mnungu mwene umo wadakambila, “Sinikhale pamojhi ni anyiiwo, ni kukhala pakati pao, Sinikhale Mnungu wao, nao sakhale wandhu wanga.”17Chimwecho, Ambuye Ambhavu akambanjho, “Chokani pakati pao, mkajhipatule nao, msadaghafya chindhu choipa, Nane sinikulandileni.18Ine sinikhale Tate wanu, namwe simukhale wanawanga wachimuna ni wachikazi, ine Ambuye Mnungu uyo nili nimbhavu nakamba.”
The Word for the World International