2 Corinthians2
1Chimwecho nalamula sinidakuyendelaninjho ni kukupachani chisoni.2Ine nikakupachani chisoni, yani siwanithile mtima? Chipano ngati nikupachani chisoni sipakhala wandhu wonithila mtima!3Nidakulembelani chimwecho, dala nikajha sinidapachidwa chisoni niwandhu anyiyao adakachita nikondwele. Nijhiwa zenedi kuti nikakondwela, anyiimwe namwenjho mkondwela.4Poyamba nidakulembelani nili muchisoni ni mmadandaulo mumtima ni misozi yambili idanisililika, siidali ndande yakukuchitani mkhale ni chisoni, nambho ndande yakulangiza kuti nikukondani kupunda.5Ikakhala pali mundhu walakwa, siwadanilakwile inepe, nambho wakulakwilani mwaonjhe. Nikamba chimwechi dala nisakhala okalipa kupunda.6Chilango icho wadachipata kuchokela kwa ambili wanu chamkwana.7Icho chakhalila kwanu, mbasa kumlekelela mundhu mmeneyo ni mkumthila mtima, siwadakhala ni chisoni kupunda ni kufelatu mtima.8Chimwecho nikupembhani kupunda mchimikizileninjho chikondi mundhu uyo walakwa.9Nidakulembelani ijha kalata dala nijhiwe ngati muli onivela pa kila kandhu yako nikamba.10Mkamlekelela mundhu, nanenjho namlekelela. Pakuti yapo nilekelela, ngati nili nikandhu kalikonjhe komlekelela, nimlekelela uku Kilisito niwachimikiza,11dala sitidamsiya Mdani wa Mnungu watinyenge, pakuti maganizo yake tiyajhiwa umo yali.12Yapo nidafika mumujhi wa Tiloa kulalikila Uthenga wa Bwino wa Kilisito, Ambuye adanipacha lolezo nichite njhito yake.13Nambho sinidakondwe yapo sinidampheze mbale wanga Tito. Chimwecho nidalailana nao onjhe yawo nidapheza kumujhi wa Tiloa, nikujha pano pa Makedonia.14Nambho wayamikidwe Mnungu uyo watichogoza kukhoza kwa kulunjana ni Kilisito. Iye watichita tieneze uzene wa Kilisito ngati mnunghilo wa bwino kila kumalo.15Pakuti ife tilingati mnunghilo wa bwino wa Kilisito pamaso pa Mnungu, uwo wafikila wandhu wonjhe, yao amkhulupilila Kilisito ni wandhu yawo sadamkhulupilile Kilisito.16Kwaanyiyao amkhulupilila Kilisito, mnunghilo umeneo ni umoyo, nambho kwa anyiyao sadamkhulupilile Kilisito, mnunghilo umeneo ni nyifa. Yani uyo wakhoza kuchita njhito ya mtundu umeneo?17Ife osati ngati wina yao achita malonda ya Uthenga wa Mnungu, nambho tilalikila uzene pamaso pa Mnungu, ngati wandhu yao tatumidwa ni Mnungu uku tili olunjana ni Kilisito.
The Word for the World International