Nɔɔneŋ81
Weekedi nɔɔneŋ
1Ɛ mo kenyaŋee kpee nɔɔneŋ fa Wurubuarɛ de doŋ ŋon,ɛ fae yeesa keŋkeŋ fa Yakɔbe Wurubuarɛ.2Ɛ lɔ nɔɔneŋ, ɛ wosi akyakaase,ɛ gyɔ adolɛɛ na ɛ ke wosi akyakaase.3Ɛ wola nam baale woi gyaalaŋ wɔle weekedi keŋ,na gyaalaŋ kaseŋ dɛɛ, keŋ dee di da weekedi keŋ.4Kei yɛna kawola keŋ doo fa Iserae,na Yakɔbe Wurubuarɛ ŋon mmaraa.5Wurubuarɛ kakoro seŋ tia Igyipite nɛ,ɔ moo ke yɛɛ mmaraa fa Yosɛfo.Me nyii woya ŋan mɔɔ gyeŋ ŋa ya nɛ yakowɔ nyiaa,6ma lese kasolɔse ŋan lee ba nyeeya dɔɔ,ma lese be nyiŋmaase lee doŋa keŋ man.7N wose kekyaŋ man n baake maŋ te ma lese neŋ,me kpaa neŋ lee ɔgakefae man,me kɛɛse neŋ kɛɛ Meriba boo gyaŋ.8Me balaŋ, ɛ tei maŋ na maa faree ŋon,Iserae, ma kegyaebii yɛna nyi yaa nyii maŋ.9Ɛ naa nyiŋ wurubuarɛ wɔle ŋolo ɛ man ya,ɛ naa som wurubuarɛ ŋolo kpuna maŋ ya.10Maŋ yɛna Degbeŋgyoo ɛ Wurubuarɛ,ŋon mɔɔ lese ŋon lee Igyipite tɛɛle man.Ɛ wola ɛ nɔɔ, na maa mo abɔɔ do wulu.11Mɔna me balaŋ bee nyii maŋ ya,Iserae te bɛɛ ɔ be nyii me dei ya.12Mena dɔɔ me tinaa wɔ yela lee be konɔɔyuŋ dɔɔ,nyi baa yɛɛ baŋ gbagba kegyaebii.13Ao, ma kegyaebii yɛna nyi me balaŋ baa nyii me dei,nyi Iserae waa sila me gbɛɛ na,14nafɔ maa yɛɛ bileŋ yɔkɔse be kɔlara,na maa besena me nyiŋmaa tia be kɔlara.15Baŋ bɛɛ kɔla Degbeŋgyoo nɛ baa yɔkɔse ba wose ɔ siaman,na maa wɔŋ ba deŋele kekpaakekpaa.16Maa mo aboŋ kpaakpaate weenɛɛ fa ŋon,maa mo teebɔɔ kpaakpaate lee kpanaŋ man fa ŋon ɛ ke di baa.The Seed Company