Nɔɔneŋ76
Wurubuarɛ ŋon Ɔ be yoodi76:1 Asafe nɔɔneŋ
1Ba gyeŋ Wurubuarɛ Yuda, te ɔ yele kerɛɛ Iserae2Ɔ kanyaŋ deni doo Salemte ɔ dekyae yɛna Siyɔn.3Botɔɔ te ɔ tekerii baŋdaŋ nyeela ŋan ne ŋalakee nɛ,na yoo nyeela pampasaŋse ŋan na yoosilase na yoo abɔɔ.4Kanea ne ŋalakee n man,te n yele te lɛɛ kela bulase te n dii n kɔlara dɔɔ.5Be te kuu yoo abɔɔ lee dekpataakpere ŋon gyaŋ,Te be doowɔ yeŋYoonɔɔtena baŋ man ŋolo te tale fokaa ɔ nyiŋmaa ya.6Yakɔbe Wurubuarɛ, n ke kalana wɔ nɛ,dɛɛkyɔŋ na anebiliŋiŋ yeŋawɔ.7Nyaŋ te kaboena nyi baa yeeNyi akpaa n gyeŋ baŋ na amɔte ne gyaela waa tale seŋ n siaman?8N kolosi n nombiakedi lee adido,te gyakoloŋ gyoo tɛɛle keŋ te be yɛɛwɔ diiŋ9Debaŋ keŋ nyaŋ, Wurubuarɛ n ba koro nyi n ke di nombiana n ke lɛɛ baŋ pou bɔɔ ŋere wɔ do tɛɛle kei man nɛ.10Anokoare, n baŋ nedoŋ na mo yele kalese kɔna neŋ,te baŋ bɔɔ tale seŋ n baŋ man nɛ, baa di n nɔɔkedi keŋ dɔɔ.11Ɛ kaŋ ntam fa Degbeŋgyoo ɛ Wurubuarɛ na ɛ ke di ke dɔɔ,Ɛ yela baŋ bɔɔ kilisi ŋon pou nɛ,ka mo abɔɔ kaa fa ŋon kaboena nyi baa yee e nɛ.12Ŋon ne tekeriina siamantena awoya,te tɛɛle kei dɔɔ gyooneŋ ne yee e.The Seed Company