Nɔɔneŋ71
Kegyia kefane
1Degbeŋgyoo, nyaŋ te me yeuwɔ kagyoo,na yele desɛŋ kekyaŋ maŋ korakora ya.2Mo n katenee lese maŋ na n ke lɛɛ maŋ,tei maŋ na n ke lɛɛ ma nyee.3Yɛɛ ma keyeu kagyoo kpanaŋ,ŋon gyaŋ maa tale gyu debaŋ kamasɛ,fa mmaraa na baa lɛɛ ma nyee,nawolo nyi nyaŋ yɛna me kpanaŋ na me gyeere.4Me Wurubuarɛ lɛɛ maŋ lee akpanyanyaŋtena nyiŋmaa man,lee nombiakumɛɛ yɛɛra na nyeeman doŋtena nyiŋmaa man.5Nawolo nyi nyaŋ Degbeŋgyoo Doŋ Pou Nyee dɔɔ te me loo gyakaa,n dɔɔ te ma moo ma wose lɔɔ leenaŋ me biatɛɛ.6Leenaŋ be kalola maŋ te ma moo ma wose lɔ n dɔɔ,nyaŋ lesena maŋ lee me naa tɔɔman.Maa lese n yele debaŋ kamasɛ.7Me ta bese balaŋ burum kagyene,nyaŋ yɛna ma keyeu kagyoo doŋte ŋon.8N yele kalese te wulu me nɔɔ,keŋ mɛɛ yako n gyoorobiiri nombia debaŋ kamasɛ.9Akpaa me ŋmɛɛ nɛ, naa mo maŋ leki ya,nyi me doŋ de taŋ nɛ, naa bɛɛ maŋ ya.10Nawolo nyi me kɔlara ne kolosi tia maŋ,baŋ bɛɛ gyae maŋ baa ko nɛ, ne yɛɛ nɔɔ bake ma nyeeman.11Bɛɛ yako nyiaa, <Wurubuarɛ te bɛɛ e,ɛ gegi e na ɛ ke kyaŋ e,nawolo nyi ŋolo be gyae waa lɛɛ e ya.>12Me Wurubuarɛ, na wɔŋ n wose gyu lem lee me gyaŋ ya,Wurubuarɛ, kɔŋ bileŋ na n kaa kyɔ maŋ.13Yela baŋ bɛɛ kɛrɛɛ me nɔɔse nɛ ke munu desɛŋ man,yela baŋ bɛɛ gyae baa yɛɛ maŋ nombiikum nɛ,sia ka yeŋ na desɛŋ ke kyaŋ wɔ.14Mɔna maŋ dɔɔ, maa mo me loo gyakaa n dɔɔ debaŋ kamasɛ,maa lese n yele agbaatee agbaatee.15Maa yako n katenee nombia,na n nyeekelɛɛ nombia wee dibiliŋ pou,keŋ nyi mɔɔ tale kala ŋa gba ya.16Degbeŋgyoo Doŋ Pou Nyee, maa kaa yako n nombia dinaana ŋan n ne yɛɛ,maa yako nyi nyaŋ nyaageŋ ne yɛɛna nombia ŋan doona ŋe gbɛɛ.17Wurubuarɛ, leenaŋ me biatɛɛ te n na wola maŋ nombia,te mɛɛ yako n gyakoloŋ nombia ŋan n ne yɛɛ kaa lii gyɛŋ.18Me Wurubuarɛ, nyi me ta bee te ma nyee ta wolose koraŋ nɛnaa bɛɛ maŋ ya,kelii debaŋ keŋ maa yako n doŋ keŋ nombia fa kalola kegyakaare baŋ baa kɔŋ,na maa yako nombia dinaana ŋan n ne yɛɛ nɛ fa baŋ pou baa kaa lola wɔ nɛ.19Wurubuarɛ, n katenee te lii adido,nyaŋ yɛna ŋon n be yɛɛ nombia dinaana.Wurubuarɛ, amɔte kyaala ŋgba nyaŋ nɛ?20Doo nyi n yelaa ma moowɔ kayeyɛɛ,na kaale burum man koraŋ nɛ,nyaŋ ke yela maa nyiŋ nyeedoŋ bela,lee tɛɛle tɔɔman tɔɔman,nyaŋ ke gate maŋ bela.21Nyaŋ ke yela maa nyiŋ yele nideli,na n ka bese yakodo maŋ.22Me Wurubuarɛ, maa mo adolɛɛ lese n yele,lee nya anokoare kedi dɔɔ.Maa mo akyakaa kpee nɔɔneŋ lese n yele,Iserae fereŋkyeŋte ŋon.23Maa gyuusu me nɔɔ mo kenyaŋee fae yeesa,debaŋ keŋ mee kpee nɔɔneŋ lese n yele nɛ,nawolo nyi nyaŋ lesena maŋ.24Maa yako balaŋ n nombia ŋan tenɛɛ,debaŋ kamasɛ,Nawolo nyi baŋ bɔɔ gyae maŋ baa ko nɛ,desɛŋ te kyaŋ wɔ te kekolosi gyoo wɔ.The Seed Company