Nɔɔneŋ52
Wurubuarɛ nombia kedi na ɔ bɛrɛɛ
1Nyaŋ baalebu, weera n ne gate n wose lee dukum dɔɔ?Weera n ne gate n wose debaŋ kamasɛ,nyaŋ ŋon n yɛɛ desɛŋ ke Wurubuarɛ siaman?2Nyaŋ ŋon n na beo balaŋ,n laakem ne bake nombiakumɛɛ,kɛɛ bee ŋgba hiresa nɛ.3N ne gyae nombiakumɛɛ kela nombia kpaakpaa,dekara kedi kela anokoare ke kolosi.4Nyaŋ dekarate,n ne gyae balaŋ kewɔlɛɛ.5Ampaŋ, Wurubuarɛ waa mo neŋ lɔ kewɔlɛɛ kekpaakekpaa man,waa kulu neŋ na waa lese neŋ lee n kanyaŋ deni man,waa kulu neŋ lee deni balaŋ tɛɛle kei dɔɔ.6Baŋ ba tenɛɛ nɛ baa naa na baa yee,baa boŋo neŋ na baa yako nyiaa,7<Ɛ kɛɛ baale ŋon,ɔ ta mo Wurubuarɛ yɛɛ ɔ keyeu kagyoo ya,mɔna ɔ moo ɔ wose lɔ ŋon gbagba abɔɔ burum kenyiŋ dɔɔ,te ɔ nyiŋa ɔ wose lee ɔ tebia kewɔlɛɛ man.>8Mɔna maŋ yɛɛ ŋgba oliifi daŋ,keŋ be nyiŋ ka wose Wurubuarɛ dɛɛ nɛ,mɛɛ mo ma wose lɔ Wurubuarɛ kegyae keŋ taŋ ɔto ya nɛ dɔɔ,kekpaakekpaa.9Lee nya ayɛŋ dɔɔ maa lese n yele debaŋ kamasɛ,n balaŋ baŋ bee di anokoare nɛ siaman.Maa mo me loo gyakaa n yele dɔɔ,nawolo nyi n yele dei.The Seed Company