Nɔɔneŋ50
Asafe nɔɔneŋ
1Degbeŋgyoo Wurubuarɛ Dekpataakpere ŋon,ne kolosi baake balaŋ pou,lee weese dɛɛlee kelii weese dɛɛyalae.2Wurubuarɛ ne ŋalakee,lee Siyɔn donɔɔ keŋ ke dana kyeo nɛ man.3De Wurubuarɛ ne kɔŋ,ɔ be gyae waa yɛɛ yididi ya,boalaŋ degyapaa ne kpaa ɔ siaman,te feliŋ dinaa mɔ te kilisi e.4Ɔ baake adido,na tɛɛle na waa di ɔ balaŋ nombia.5Ɛ yilaa balaŋ fereŋkyeŋ kɛwɔ fa maŋ,baŋ daa na wɔ be tɛɛ kedeesa dɔɔ yɛɛ nɔɔkebakesee nɛ.>6Adido ne gyɔ ɔ nombia ŋan tenɛɛ nɛ dekpeŋkpeŋ,nawolo nyi Wurubuarɛ ne di nombia kegbɛɛ dɔɔ.7Ɛ tei maŋ, me balaŋ, na maa kolosi,mɛɛ gyae ma kolosi tia nyaŋ Iserae.Maŋ yɛna Wurubuarɛ, n Wurubuarɛ.8Na n kedeesase dɔɔ te mee kolosi tia neŋ,yaa n katoo kedeesase ŋan doo me siaman debaŋ kamasɛ nɛ dɔɔ ya.9Mɔɔ ne gyae nunkyue baale lee n dɛɛ,yaa asoose lee n debɔɔlɔɔ man ya,10nawolo nyi laaman wonembia pou yɛɛ me wui,te nunkyuese baŋ be kyaa bulasebia kakpoŋ dɔɔ pou yɛɛ me wui.11Ma gyeŋ gyebuse baŋ be kyaa bulase dɔɔ nɛ,te wonembia baŋ be dɔŋ ŋale man yɛɛ me wui.12Nyi akpaa tanam na ko maŋ nɛ, mɔɔ gyae maa yako neŋ ya,nawolo nyi tɛɛle kei na abɔɔ ŋan doo ke man pou yɛɛ me wui.13Mɛɛ tao nunkyuese naane,yaa mɛɛ nyɔɔ asoose fatabo?14Ɛ mo karaŋ kefa deesi fa Wurubuarɛ,na ɛ ke tɔ ya alaŋaŋ fa Adidote ŋon,15baake maŋ n wose kekyaŋ wee,maa lɛɛ neŋ na n ka mo obuo fa maŋ.16Mɔna Wurubuarɛ yako akpanyanyaŋte nyiaa,<Gbɛɛ woŋti yaa n dana nyi n ke kala maŋ mmaraase,yaa n ka mo n nɔɔ kolosi me nɔɔkebakesee keŋ?17N te bɛɛ nyi n be di ma mmaraase dɔɔ ya,te n moo me nombia nyaana n yii.18Akpaa n naa ŋmɛɛlate na, n na mo e dɔɔre,n na mo n wose dona yale wɔlɛɛra.19N nɔɔ na mo neŋ gyu dukum man,te n na mo n laakem dii akɛrɛɛ.20N ne tisi kyaa kolosi tia n loŋtona,n ne wɔlɛɛ n naa lolobu.21N yɛɛ nombia kɛŋa pou te me yɛɛwɔ yididi,te n gyeŋ nyi me yɛɛ ŋgba nyaŋ nɛ.Mɔ nɛnɛɛ maa kyaŋ neŋ kyaase,na maa kalana neŋ debɔɔ man.22Ɛmɛɛ baŋ ɛ be wolee Wurubuarɛ nɛ ɛ gyoo ke man,na mena ya na maa tirii ŋon kyekpakyekpa, keŋ ŋolo be kyaa waa lɛɛ ŋon ya.23Baŋ bɛɛ mo karaŋ kefa deesi fa maŋ nɛ na mo obuo fa maŋ,maa lɛɛ ŋon ɔ gbɛɛneŋ tenɛɛ nɛ nyee.The Seed Company