Nɔɔneŋ48
Siyɔn, Degbeŋgyoo donɔɔ
1Degbeŋgyoo boe, ɔ kaboena nyi baa lese ɔ yele nideli,de Wurubuarɛ donɔɔ dinaa keŋ, na ɔ bula fereŋkyeŋ keŋ dɔɔ.2Ke yɛɛ dekyae keŋ ke dana kyeo,tɛɛle kei balaŋ pou ne nyaŋee lee ke dɔɔ,Siyɔn bula keŋ kyaa adogbɛɛ nɛ,yɛna gyoo dinaa ŋon donɔɔ dinaa.3Wurubuarɛ kyaa ɔ dekagya keŋ man botɔɔ,ɔ ta lese wola nyi ŋon yɛna ŋon ɔ ne gyee donɔɔ keŋ.4Kɛɛ, gyooneŋ te kaa gyaŋee,ba te bake gbegyase bee gyu,5be naa e te ba wose gbirisi wɔ,gyakoloŋ gyoo wɔ te be yekiiwɔ.6Gyakoloŋ gyoo wɔ botɔɔ,te be nyii weeleŋ ŋgba alo kadoŋee nɛ.7N wɔlɛɛ wɔ pou,ŋgba mena keŋ ado yenaŋ feliŋ ne gyɔ Taresisi pantuuse wɔlɛɛ ŋa nɛ.8Mena keŋ dɔɔ nyii nɛ,mena ke te de naawɔDegbeŋgyoo Dekpataakpere ŋon donɔɔ dinaa keŋ man,Wurubuarɛ donɔɔ dinaa keŋ man,Wurubuarɛ ne yele ɔ ne kyaa gbeli nideli.9Wurubuarɛ, dɛɛ tɔɔse n kegyae keŋ taŋ ɔto ya nɛ,nyɔ ɔsom deni dinaa keŋ man.10Oo Wurubuarɛ, mena keŋ n yele be lɛɛ tɛɛle pou nɛ,mena te baa lese n yele tɛɛle pou dɔɔ,katenee te wulu n nyiŋmaa dunoluŋ man.11Baŋ be kyaa Siyɔn bula dɔɔ nɛ ne nyaŋee,yela ke yɛɛ baŋ be kyaa Yuda nɛ gyoŋ,lee n nombia kedi keŋ doona ke gbɛɛ nɛ dɔɔ.12Ɛ ta kilisi Siyɔn,ɛ kala wa akagyase.13ɛ mo ɛ sia kɛɛ wa akyaŋse ŋan nideli,ɛ gyene wa akagyase ŋan,na ɛ ka mo yako ɛ kalola kegyakaare man bia baŋ baa kɔŋ nɛ.14Nawolo nyi Wurubuarɛ kei yɛna de Wurubuarɛ kekpaakekpaa,waa yɛɛ de gyeere da kekyaabii man pou.The Seed Company