Nɔɔneŋ32
Ketɔlɛɛ na dukum kamo kyɛɛ nɔɔneŋ
1Walaŋ ŋon bɔɔ mo ɔ dukum kyɛɛ e,te bɔɔ wuu ɔ nombiakumɛɛ dɔɔ nɛ, ŋonna nyeebam.2Walaŋ ŋon Degbeŋgyoo bɛɛ mo ɔ dukum tia e ya,te dekara be doo ɔ man ya nɛ, ŋonna nyeebam.3Debaŋ keŋ ma te tɔlɛɛta me nombiakumɛɛ ya nɛ,ma wose na me ŋɔɔ pou yɔkɔse maŋ,te me kakeŋee weeya pou yelaa me nyɔewɔ.4Nawolo nyi nelim na ke tɛɛkena pou na,n ne wɔŋ ma deŋele,me doŋ pou taŋawɔŋgba dugbututɛɛ feliŋ gyɔɔna maŋ nɛ.5Keŋte me tɔlɛɛ me dukum fa neŋ,me te wuu me nombiakumɛɛ dɔɔ ya.Me yakowɔ nyi, <<Maa tɔlɛɛ me nombiakumɛɛ fa Degbeŋgyoo.>>Te n moo me fɔɔkedi kyɛɛ maŋ.6Mena dɔɔ baŋ pou bee di anokoare nɛ baa fane fa neŋ,debaŋ keŋ bɔɔ gyem nyi ba te yɛɛ dukum nɛ.Kenaŋ na booneŋ de wuu koraŋ na,be gyae ka mo wɔ ya.7Nyaŋ yɛna me dayoe.n ke gyee maŋ lee ma wose kekyaŋ man,na n ka mo nyeekelɛɛ nɔɔneŋ kilisi maŋ.8Degbeŋgyoo kpa, <<Maa wola neŋ nombia, na maa wola neŋ gbɛɛ keŋ nyaa mo.Maa fa neŋ nyeempɔ, na me sia ke gyakaa n dɔɔ.9Naa yɛɛ ŋgba dɛɛkyɔŋ yaa kurumɔɔ,ŋon ɔ ba gyeŋ daale ya,te bɛɛ mo ŋmeleŋ na dokɔŋ do ba memɔɔ man wɔŋee wɔ bo,na mena ya na bɔɔ gyae baa benaa neŋ ya nɛ.10Akpanyanyaŋtena kaale boe,mɔna Degbeŋgyoo kegyae keŋ be taŋ ɔto ya nɛ,ne gyee walaŋ ŋon ɔ na mo ɔ wose lɔ ɔ dɔɔ.11Ɛmɛɛ baŋ ɛ tenɛɛ nɛ, ɛ nyaŋee na ke yɛɛ ŋon gyoŋ Degbeŋgyoo man,ɛmɛɛ baŋ ɛ konɔɔse man dei nɛ, ɛ kpee nɔɔneŋ.The Seed Company