Nɔɔneŋ28
Kefane fa kekyɔ
1Degbeŋgyoo, nyaŋ yaa mɛɛ baake,nyaŋ yɛna me Kpanaŋ,naa tɔ n deŋele nyi n be tei maŋ ya.Nawolo nyi akpaa n te kpa maŋ ya nɛ,maa yɛɛ ŋgba baŋ bɔɔ tisi gyoo yebɔɔ man nɛ.2Akpaa me wii baake neŋ nyi nyaa wii me waraŋase,te me gyina me nyiŋmaase,tee n dekyae fereŋkyeŋ keŋ nɛ,nyii maŋ.3Naa wɔŋee maŋ kpuna balaŋ kumɛɛ,baŋ bɛɛ yɛɛ nombiakumɛɛ nɛ ya.Bee kolosi wosefɛɛreŋ nombia fa be tebia,mɔna nombiakumɛɛ doola be konɔɔse man.4Tɔ wɔ kom lee ba ayɛɛsa,na be nombiakumɛɛ dɔɔ.Tɔ wɔ kom lee keŋ bɔɔ mo be nyiŋmaase yɛɛ nɛ dɔɔ,na n ke tɔ wɔ kom ŋgba mena keŋ kaboena wɔ nɛ.5Nawolo nyi bɔɔ na mo Degbeŋgyoo abɔɔ ayɛŋ,na keŋ ɔ ba mo ɔ nyiŋmaase yɛɛ nɛ yɛɛ kolo ya.waa wɔlɛɛ wɔ,ɔ be gyae waa gate wɔ seŋ bela ya.6Ɛ lese Degbeŋgyoo yele,nawolo nyi me wiiwɔ baake e na ɔ wii me waraŋase.7Degbeŋgyoo yɛna me doŋ na me yoo nyeele pampasaŋ,Ma moo me loo gyakaa ɔ dɔɔ, te ɔ kyɔɔ maŋ.Mɛɛ nyaŋee me konɔɔ man,ma moo me nɔɔneŋ lese ɔ yele.8Degbeŋgyoo na doona ɔ balaŋ doŋ,ŋon ne lɛɛna ŋon ɔ be tiu e nuŋ nɛ nyee.9Lɛɛ n balaŋ na n ke hiraa n dedii,yɛɛ be kɛɛre, na n ke kɛɛ be dɔɔ kekpaakekpaa.The Seed Company