Nɔɔneŋ146
Wurubuarɛ nyeelɛɛre yele kalese
1Ɛ lese Degbeŋgyoo yele.Ma woo, lese Degbeŋgyoo yele.2Ma kekyaa man pou maa lese Degbeŋgyoo yele.Me nyiŋaa me kyaa nɛ, maa kpee nɔɔneŋ lese me Wurubuarɛ yele.3Ɛ naa mo ɛ wose lɔ gyoorobia,yaa denibalaŋ baŋ bɔɔ tale lɛɛ walaŋ nyee ya nɛ dɔɔ ya.4Akpaa be kara weesi na, bɛɛ bese gyoo tɛɛle man,mena wee kenaŋ na, ŋan pou bɔɔ bake nyi baa yɛɛ nɛ te kɔŋ ɔto.5Baŋ Yakɔbe Wurubuarɛ ne kyɔ wɔ,baŋ be loo gyakaa Degbeŋgyoo be Wurubuarɛ dɔɔ nɛ, baŋna nyeebam.6Ŋon yɛɛna adido na tɛɛle,ɛpo na abɔɔ ŋan pou doo ŋe man,wa anokoare kedi doo kekpaakekpaa.7Ɔ ne di nombia fa baŋ bɔɔ ŋere wɔ do nɛ,ɔ ne fa baŋ tanam na ko wɔ nɛ weenɛɛ.Degbeŋgyoo na lese baŋ bɔɔ kyaŋ tɔ deni nɛ.8Degbeŋgyoo ne gyuusu siayɛlɛɛsatena sia,Degbeŋgyoo ne gyina baŋ bɔɔ yɔkɔse wɔ nɛ adido,Degbeŋgyoo ne gyae baŋ ba tenɛɛ.9Degbeŋgyoo sia gyakaa ŋɔɔla dɔɔ,ɔ ne kɛɛ yoyolobia na liala dɔɔ,mɔna ɔ ne wɔlɛɛ akpanyanyaŋtena gbɛɛneŋ.10Degbeŋgyoo ne di gyoori kekpaakekpaa,Ao Siyɔn, n Wurubuarɛ ne di gyoori kalola kegyakaarese pou dɔɔ.Ɛ lese Degbeŋgyoo yele.The Seed Company