Nɔɔneŋ140
Kefane fa kegyee
1Degbeŋgyoo, lɛɛ maŋ lee balaŋ kumɛɛ nyiŋmaa man,gyee maŋ lee nyeeman doŋtena nyiŋmaa man.2Bɛɛ gyueŋ nombiakumɛɛ be konɔɔse man,wee kamasɛ na bɛɛ gyae nyi yoo dɛɛ yala.3Bɛɛ sara be laakemse ŋgba doma nɛ,be nɔɔwoya yɛɛ ŋgba wurale teekum nɛ.4Degbeŋgyoo, lɛɛ maŋ lee akpanyanyaŋtena nyiŋmaa man,gyee maŋ lee nombiakumɛɛ yɛɛra,baŋ bɛɛ gyae baa do maŋ kenaŋtere lɔ nɛ nyiŋmaa man.5Agaŋtaŋtena te nyɔɔ maŋ kɔta,ba te fɛlɛɛ ba asawuse lɔ,te be nyɔɔ maŋ kɔtase me gbɛɛneŋ man.6Me yako Degbeŋgyoo nyiaa, <<Nyaŋ yɛna me Wurubuarɛ.>>Degbeŋgyoo, nyii me kewii baake.7Degbeŋgyoo Doŋ Pou Nyee, me lɛɛre doŋte,n wuu ma nyee yoo wee keŋ.8Degbeŋgyoo, naa yele akpanyanyaŋtena ke nyiŋ keŋ bɛɛ gyae ya,naa yele ŋan bɛɛ bake nɛ ke de fa wɔ ya.9Baŋ bɔɔ kilisi maŋ nɛ ne gate ba nyeeya agaŋtaŋ man,yela be nɔɔwoya kumɛɛ ke busaana wɔ.10Yela nyewalaŋ ŋɛɛ ke yala be dɔɔ,yela baa fuŋ wɔ do boalaŋ man,do bɔɔ kyilimkyilim keŋ bɔɔ tale lee ya nɛ man.11Naa yele baŋ bɛɛ mo nombia gyakaa balaŋ dɔɔ nɛ ke baŋ lila tɛɛle dɔɔ ya,yela nombiikum ke yala balaŋ kumɛɛ.12Ma gyeŋ nyi Degbeŋgyoo ne di nombia kegbɛɛ dɔɔ fa ayematena,ɔ ne di nombia na kegbɛɛ fa baŋ bɔɔ dana kolo ya.13Ampaŋ baŋ ba tenɛɛ nɛ baa lese n yele,na baŋ ba tenɛɛ nɛ ke kyaa n siaman.The Seed Company