Nɔɔneŋ137
Iseraetena katoroŋ yoogbeŋiri man
1De tisiwɔ kyaa Babilɔn booneŋ gyaŋ, te de wiiwɔdebaŋ keŋ dɔɔ tɔɔse Siyɔn nɛ.2Daase ŋan seŋɛɛ botɔɔ nɛ dɔɔ,te da moo da adolɛɛse wuluŋu.3Nawolo nyi botɔɔ te baŋ bɔɔ kyaŋ daa gyu yoo gbeŋiri man nɛ, bɔɔse daa nɔɔneŋ,baŋ bɔɔ naase daa diyem nɛ bɔɔse daa kenyaŋee nɔɔneŋ,be yako daa nyiaa, <<Ɛ kpee Siyɔn nɔɔneŋ dokoloŋ fa daa.>>4Sena te dɛɛ tale kpee Degbeŋgyoo nɔɔneŋ,keŋ de kyaa ŋɔɔla tɛɛle man?5Yerusalɛm, akpaa me wolee neŋ nɛ,yela me dunoluŋ nyiŋmaa na tale yɛɛ ka tom ya.6Nyi akpaa ma te tɔɔse neŋ ya,nyi akpaa ma te kɛɛ Yerusalɛm nyi,ŋon yɛna ma kenyaŋee kpaakpaate ya nɛ,yela me laakem ke wulu me nɔɔ.7Degbeŋgyoo, tɔɔse keŋ Ɛdomtena be yɛɛ,wee kenaŋ keŋ Yerusalɛm be yale nɛ,be yakowɔ nyiaa, <<Ɛ tekerii ke lɔ,ɛ tekerii ke lɔ kelii ka mokɔɔ kasee man.>>8Babilɔn alebu ŋon baa wɔlɛɛ neŋ korakora,ŋon waa wɔlɛɛ neŋ tɔ kom,ŋgba mena keŋ n be yɛɛ daa nɛ, ŋonna nyeebam.9Walaŋ ŋon waa lɛo n kyokyoose,mo wɔ ŋmereena kpanaŋse nɛ, ŋonna nyeebam.The Seed Company