Nɔɔneŋ135
Wurubuarɛ yele kalese nɔɔneŋ
1Ɛ lese Degbeŋgyoo yele.Ɛ lese Degbeŋgyoo yele keŋ yele,Ɛmɛɛ Degbeŋgyoo tewulɛɛ, ɛ lese ɔ yele.2Ɛmɛɛ baŋ ɛ na som Degbeŋgyoo dekpaŋalaŋ man,de Wurubuarɛ ɔsom deni dinaa keŋ dekpaŋalaŋ man.3Ɛ lese Degbeŋgyoo yele, nawolo nyi Degbeŋgyoo dei,Ɛ kpee nɔɔneŋ lese ɔ yele, nawolo nyi keŋ kaboela.4Nawolo nyi Degbeŋgyoo ta lese Yakɔbe fa ɔ wose,ɔ ta lese Iserae mo yɛɛ ŋon gbagba wui.5Ma gyeŋ nyi Degbeŋgyoo boe,Degbeŋgyoo boe kela wurubuarɛse pou.6Kpene kamasɛ keŋ na gyoo Degbeŋgyoo sia nɛ, keŋ te ɔ ne yɛɛ,adido na tɛɛle dɔɔ pou,ɛpose na ŋe siiliŋ man pou.7Ŋon ne yelela debuŋta na koro lee tɛɛle ɔto,ɔ yɛɛ ɔga keŋmaale fa ɔga keŋɛɛ,te ɔ na lese feliŋ lee wa abɔɔ dɛɛsee man kɔŋ.8Ɔ koe Igyipite bia gyaŋgba nyibaŋ,denibalaŋ na wonembia bia gyaŋgba nyibaŋ.9Ɔ kpila ɔ gyakoloŋ nombia na ɔ wɔɔle dinaana kɔŋ nyaŋ Igyipite nsana,kɔŋ Faaro na ɔ tewulɛɛ pou dɔɔ.10Ɔ wɔlɛɛ tɛɛlese burum balaŋ,te ɔ koe gyooneŋ doŋ nyibaŋ,11ŋgba Amoritena gyoo Sihɔn,na Basan gyoo Ogi,na Kaana gyooneŋ pou.12te ɔ moo ke fa ɔ balaŋ Iseraetena ŋgba dedii nɛ,ɔ moo ke yɛɛ dedii fa ɔ balaŋ Iserae.13Degbeŋgyoo, n yele doo kekpaakekpaa,Degbeŋgyoo, baa tɔɔse n yele kelɛɛ kalola kegyakaarese pou man.14Nawolo nyi Degbeŋgyoo waa fa ɔ balaŋ deŋele kedi,na waa wii ɔ tewulɛɛ waraŋase.15Tɛɛlese bɛɛneŋ yɛɛ kɔba wolom na kɔba yayam,denibalaŋ nyiŋmaase yɛɛna ŋa.16Be dana nɔɔse, mɔna bɔɔ ne tale kolosi ya,be dana sia, mɔna bɔɔ ne naa ya.17Be dana deŋela, mɔna bɔɔ ne nyii ya,te weesɛɛ mɔ be doo be nɔɔse man ya.18Baŋ bɔɔ yɛɛ wɔ nɛ, baa yɛɛ ŋgba baŋ nɛ,mena mɔ te baŋ pou bɛɛ mo be loo gyakaa be dɔɔ nɛ baa yɛɛ.19Ɛmɛɛ Iseraetena pou, ɛ lese Degbeŋgyoo yele,Aarɔn dekpaŋalaŋmantena, ɛ lese Degbeŋgyoo yele,20Lewi dekpaŋalaŋmantena, ɛ lese Degbeŋgyoo yele,ɛmɛɛ baŋ ɛ ne yee e, ɛ lese Degbeŋgyoo yele.21Ɛ lese Degbeŋgyoo yele lee Siyɔn,ŋon ɔ kyaa Yerusalɛm nɛ.Ɛ lese Degbeŋgyoo yele.The Seed Company