Nɔɔneŋ132
Ɔsom deni keŋ yele kalese
1Degbeŋgyoo, tɔɔse Dawide,na ɔ kaale wa anaŋ laŋ pou.2Ɔ kaŋa ntam fa Degbeŋgyoo,ɔ sɛɛ kom fa Yakɔbe Wurubuarɛ Dekpataakpere ŋon nyiaa,3<<Mɔɔ gyae maa gyu me dɛɛ,yaa maa doo ma dofoŋoŋ dɔɔ ya.,4Mɔɔ gyae maa yela me sia ke wuu,yaa me sibii kegyɔ ya,5kaboena maa nyiŋ dekyae fa Degbeŋgyoo,dekyae fa Yakɔbe Wurubuarɛ Dekpataakpere ŋon.>>6De nyii ke lee Ɛferata,de naa ke Yaare tɛɛle man.7Ɛ yela dee gyu ɔ dekyae man,ke buŋ som ɔ nae dɛɛbetee siaman nyiaa,8Degbeŋgyoo koro, gyu n dɛɛfɛɛfoe keŋ,ɛmɛɛ na n doŋ nɔɔkebakesee adakaa keŋ.9Yela n saese ka mo n katenee wuu,yela n balaŋ baŋ bee di anokoare ke nyaŋee kpee nɔɔneŋ.>>>10Lee n tobaale Dawide dɔɔ,naa bɛɛ n walaŋ ŋon n be tiu e nuŋ nɛ ya.11Degbeŋgyoo kaŋa ntam fa Dawide,ntam keŋ ɔ be gyae waa lee kewɔle ya nyiaa,<<N duuluŋ man walaŋ,te maa mo see n gyooro gbeli dɔɔ.12Nyi akpaa n bia tewulɛɛ de di me nɔɔkebakeseena kawolase ŋan maa wola wɔ dɔɔ nɛ,kenaŋ na be bia tewulɛɛ baa kyaa,n gyooro gbeli dɔɔ kekpaakekpaa.>>13Nawolo nyi Degbeŋgyoo ta lese Siyɔn,ɔ ne gyae nyi botɔɔ ke yɛɛ ɔ dekyae,14Ɔ kpa nyiaa, <<Kɛbo yɛna ma defɛɛfoe kekpaakekpaa,kɛbo te maa kyaa di gyoori, nawolo nyi kɛbo te mɛɛ gyae.15Maa mo weenɛɛ burum hiraa e,maa fa wa ayematena weenɛɛ baa di baa.16Maa mo nyeekelɛɛ wuu ɔ saese,na ɔ balaŋ baŋ bee di anokoare nɛ ke kpee kenyaŋee nɔɔneŋ kekpaakekpaa.17Kɛbo te maa yela Dawide ke baŋ lila,na maa desina kanea see fa ŋon mɔɔ tiu e nuŋ nɛ.18Maa mo desɛŋ wuu ɔ kɔlara,mɔna maa yela ɔ gyooro kotɔtɔɔ ke ŋalakee ɔ nyee dɔɔ.>>The Seed Company