LUTA2
Luta atɔngɔnɔ mambo o itia inka Boazi
1Nsande Naomi aliki na moto ɔmɔ ohangemaki na bome o nande Elimɛlɛkɛ. Moto ɔlɔkɔ aliki mobati mpe mwebani, lina inande Boazi.2Boina bɔmɔ, Luta e mohi Moaba aohangela Naomi bɔnɛ: «Ompae epohe natu nɔtɔngɔnɔ maopo makambia baluki . Nakotana moto o boboto okompa epohe na matɔngɔne.» Naomi aomoisenyele bɔnɛ: «Nsɔkɔkɔ, ngana o mi o ngainto.»3Luta ahaki mpe abandaki nɔtɔngɔnɔ maopo makambiaki baluki. Lendaka, lobo loliki bɔlɔti mpiko, itia ilɔkɔ iliki inka Boazi, ohangemaki na Elimɛlɛkɛ.4Ombiha e ngano elaka, Boazi aoyoima o Bɛtɛlɛmɛ. Aobeka baluki ntepela mbɔ: «Tika Nkolo ayale mputa na inyo!» Baomoisenyele bɔnɛ: «Tika Nkolo akotwakwele!»5Boiko Boazi aoyoubola mokendii monka baluki: «Elɛngɛ ɛnɛ e ngainto ale nɔni?»6Mɔkɛndii monka baluki aomoisenyele mbɔ: «Ale ɛlɛngɛ e ngainto e mohi Moaba, oyakaki nde na Naomi nyaima o ehe ɛnɛnɛ e Moaba.7Amboubole epohe mbɔ atɔngɔne maopo makambia baluki. Amboye nko o mpendu mpe aɔlia nko lopwa.»8Na boiko Boazi aohangela Luta: «Ngana o mi o ngainto, olangolaka ilako i mi. Tohake nɔtɔngɔnɔ maopo o itia inkina; yala nko anɛ mpe sala mputa na bahali ba mi ba bainto.9Olendaka bɔlɔti o itia manda elukama maopo mpe oiyelaka bainto batɔngɔnɔ. Eba mbɔ naohangela bahali ba mi bakokambie nyɛ. Kaki oka mpoha nomina mai, ohaka nomina o bikutu bimbotokole balɔkɔ.»10Na boiko Luta akukamaki na elongi ɔ lɔbɔmbi mpe amɔngɔnɔki, aohangela Boazi: «Onyamba na boboto bo lolenge lɔnɛ mpe oyapa na mi mobutu?»11Boazi aomoisenyele ntepela mbɔ: «Bansɛkwela makela wɛ onga na nyango ɛ wɛ e bokilo ima owa bome ɔ wɛ, lolenge lokambia wɛ ihe ɛ wɛ, nyango ɛ wɛ mpe ehe ebotwaki wɛ noya nokiha o ehe enka bato bapa wɛ tweba boho.12Tika Nkolo akoute na liko inkuma ikelaki wɛ. Oho, tika Nkolo, Nyambe enka Isalaele, akoute penda, na itina ele na boili nde oiyaki anɛ o manda e nande e mombami»13Luta aoyoisenye bɔnɛ: «Wɛ ole moto mɔlɔti onga na mi, nkolo! Na itina onomboya mpe otepela na mi na boboto bonkuma, nsande timbe nzɛlɛmɛ nsa na ɔmɔ o bahali ba wɛ ba bainto.»14O elaka e ndei, Boazi aohangela Luta bɔnɛ: «Yaka yɔle mputa na iho; pwa ɛti e ihɔ mpe okehube o bohaka.» Luta aokihi o ntundu enka baluki mpe Boazi aomopa mambo ibɔbwamaki. Aɔlɛ nga bondaki nde mpe aokambia bimɔ.15Oisiaki nde noha nɔtɔngɔnɔ, Boazi atindaki bahali ba nande: «Bomokambie atɔngɔne na ile o iyɔngɔ na iyɔngɔ inka bibimba tabomɔpɛlɛke .16Boumonyaka maopo mankina o bibimba mpe bomakambie ɔ lɔbɔmbi olongi amatɔngɔne. Ya lopenda, nko tabomɔpɛlɛke.»17Na boiko, Luta atongɔnɔki mambo o itia kii oiyaki mpokwa. Ombiha anyongelaki mambo itɔngɔnɔki nde, iliki bɛlɛbɛlɛ na ba kilo ntuku inɛi i ɔlɔzɛ.18Luta aibebaki mpe abɛlɛki na ilɔkɔ o inanga mpe aoywɛnia nyango e nande e bokilo bitɔngɔnɔki nde. Amopaki mpe na biomba bipalemaki ɔlɛkɛki nde mpe aokinda.19Naomi amoubolaki: «Ɔmbɔtɔngɔne binɛ binkuma lɛlɔ o be? O itia ile obe imbosale wɛ? Tika Nkolo atwakwele oiko ombokokanene!»Na boiko, Luta ahangelaki nyango enande e bokilo mɔmɛnɛ itia isalaki nde. Moto ɔlɔkɔ lina i nande Boazi.20Naomi ahangelaki bokilo bo nande bo ngainto bɔnɛ: «Naɛnɛ mbɔ Nkolo ale na boboto na iho bale na bɔmɔi mpe na baiko bawa. Tika atwakwele moto oiko!» Aisiaki notepela bɔnɛ: «Boazi ale ɔmɔ ohangi na iho, ale ɔmɔ o baeloli bayaiho .»21Na boiko, Luta aomoisenyele bɔnɛ: «Ambosangele mbɔ natɔngɔne mputa na bahali ba nande kii o bouku bo malukelo.»22Na boiko, Naomi aohangela Luta, bokilo bo nande bo ngainto: «Ngana o mi o ngainto, ele bɔlɔti wɛ nosala na bahali ba nande ba bainto. Na itina kaki oha o itia inka moto onkina, ɔhɔ nɔnyɔkwama.»23Luta aliki mputa na basali banka Boazi nɔtɔngɔnɔkɔ mambo kii o bouku bo malukelo ma mambo i ɔlɔzɛ mpe na i bule. Mpe akihaki nko nde na nyango nande e bokilo.
The Seed Company