Nsango Ndɔti nga bɔkɛtɛki Malako7
Ilako itopaliela bankee
1Bapalusi na bamɔ balaki ba mokeko baimaki o Yelusalema baokokana onka Yesu.2Baɔywɛnɛ mbɔ bamɔ baekoli banande balɛkɛke biomba bi balɔkɔ makata bilili, nimbo mbɔ mapokolamake.3Na itina, Bapalusi na Bayuda bankuma bapɔlɛkɛke nkokola makata bɔlɔti: Lama na menketo menka bankee ba balɔkɔ 4mpe oima balɔkɔ o manda i ntɛki, bapɔle kaki nani tapɛtwami na iyohi i mai. Mpe ele na menketo menkina meike menka bankee ba balɔkɔ mebatela balɔkɔ, nga lolenge lɔ lɔlɔti nokola nkɛni, mahaba, masaso [mpe ntange] .5Na boiko, Bapalusi na balaki ba mokeko baoyoubola Yesu bɔnɛ: «Itina be baekoli bawɛ bapoyakɛndiake o lolenge lɔ lɔlɔti nga bole monketo monka bankee, ya balɛkɛke biomba bi ndei bi balɔkɔ makata bilili?»6Aobaisenyele bɔnɛ: «Bato ba lwalia! Isaya atepelaki liima onka Nyambe na boili inyo, na itina lɔkɛtɛmɛ:“Ebumu ɛnɛ eonyangole nko ɔ mbɛbu,ya moloko monande mole iteta na mi.7Baonyangole nko biangolangolana itina malako maolake balɔkɔmale nko menketo menka bato .”8Bokambia mokeko monka Nyambe nolamema na menketo menka bato.»9Yesu abahangelaki: «Botabola nko na hɔlɔ mokeko monka Nyambe olongi bobatele monketo monyainyo!10Na itina Mɔsɛ atepelaki: “Umia ihe na nyango ɛwɛ”, mpe mbɔ “Oiko otakamela ihe enande na mpe nyango enande abɔtɔ nowa .”11Ya inyo, bolakake mbɔ: kaki moto ɔmɔ ahangela ihe na mpe nyango enande: “Bohungi bɔ mbɔbɔte wɛ nobata onka mi bole Koloba ”, nimbo mbɔ “ikapo ile bulɛɛ”,12bomopae epohe noyala nko bakelela.13Na boiko, bɔndɔlɔ Mbo inka Nyambe na boili monketo mopalia inyo. Mpe bokela mbo boike o lolenge loiko.»Mbo ipita moto
14O mbiha, Yesu aisiaki nobeya impinga i bato ndɛmbɔ: «Bonangole inyo bankuma mpe bɔhɔle bɔnɛ:15Tembe na yomba eima o nanda enka moto nzɔtɛlɛ onka nde mpe eomopita. Ya eiko ɛbɛlɛ onka nde, ele eiko emopita. [16Oiko ole na matoi manzoki, aoke !]»17Okambiaki Yesu impinga nɔtwa o itumba, baekoli bamoubolaki na boili ekolongo eiko.18Aobaisenyele bɔnɛ: «Na inyo mpe, bole nko na bohenga bo nzebi? Bopwebe mbɔ tembe na yomba ɛmɔ eima o nanda enka moto ɛɔhɔ nomopita,19na itina ɛlɔkɔ ɛpɔtwe o moloko monande, ya o ikundu inande, mpe eɔhaka o ibela?» Na boiko, atepelaki mbɔ biomba binkuma bi ndei bile pɛtɔ .20Aisiaki notepela: «Eiko ɛbɛlɛ onka moto ele eiko emopita.21Na itina, ele o ntei e moloko monka moto, manda eima bikaneno bi bibe bimotinda o mbo inɛ: ipuka, nziba, momi bato,22mebako, nduli e mɔhɔlɔ, nkeli bobe, lwalia, mpoha imbe, bwala, nyaki, bikelakela, bolema.23Bobe boiko bonkuma bɔbɛlɛ o ntei enka moto mpe bomopita.»Ngainto o mobutu aimenya Yesu
24Okambiaki nde mpiko, Yesu ahaki o mokokolo mo Tile. Aɔtwaki o itumba mpe taonda mbɔ bamwebe, ya taɔhɔ nobomama.25Nko aiko, ngainto ɔmɔ oliki na ngana onande o ngainto otungiamaki na molimo mo bompunda, aokaki batepela na boili Yesu; mpe ayakaki noyauha o makaka ma nde.26Ngainto oiko tayala moyuda, mohi Peniki e Silia e ibotwa. Abɔndɔki Yesu nɔbɛlia molimo mo bompunda onka ngana onande o ngainto.27Ya Yesu amobekwelaki: «Kambia naino bana bakinde na itina tembe bɔlɔti nopwa ɛngwɛlɛ enka bana nokeuha onka maha ma mbwa.»28Amoisenyelaki bɔnɛ: «Ele nko boiko, Nkolo, nsa na maha ma mbwa, onsɛ mesa, balɛkɛke mpuha ikitia bana.»29Na boiko, Yesu ndɛmbɔ: «Na boili ntepeli eiko, nsɔkɔkɔ, molimo mobe mɔbɛlɛ onka ngana ɔwɛ o ngainto.»30Aisiaki onka nde mpe, atanaki ngana abeti o nkengo: molimo mo mobe mohilaki nɔbɛlɛ.Yesu aobikia ebubu
31Yesu akambiaki mokokolo mo Tile mpe aisiaki lo Sidona lokenge lo ibeke i ebale e Galilaya nopendia mokokolo mo Dekapoli.32Baɔmɔbɛkɛle ekinda matoi embotepelake na liale penda, mpe baɔmɔbɔndɔ mbɔ amohatie ikata.33Na boiko, Yesu amotangoyaki na impinga i bato, aɔmɔlɔngɔ mehai o matoi, aomwamamba lolemu na nsɔi inande mɔmɛnɛ.34Mpe, aiyeyaki maiho o liko, aoyaula nobenda ɛpɛli mpe aomwebia bɔnɛ: «Epata!» Nimbo mbɔ «Lipwa!»35Nko o elaka eiko, matoi manande malipwaki, lolemu lonande loutwaki mpe abandaki notepela tɛndɛlɛlɛ.36Yesu abakokomiaki noyala nkwebia moto; ya nsa bobakokomiaki nde, bapuliaki nko nolalola.37Baemwaki penda mpe batepelaki: «Aokela mbo ikuma bɔlɔti! Aokia bikinda matoi mpe atepeya bibubu!»The Seed Company