तितुस2
1पोन तू एहलिही गोठी सिकाड़ जे खोरी शिक्शणोहों होबा देय.2मोन्जे, डाया माटी सांबालीत आन समजदार आन सोताआ ताबाम रोनारा जोवे, आन तियांआं विश्वास आन मेर आन धिर पाक्कू जोवे.3तेहेंज कोइत डायी बोईंइ सोभाव भक्तीमान माहुंउं होस जोवे; ते साड़ग्यी आन होराआ पिनार्यी नाहां, पोन हाजी गोठी सिकाडनार्यी जोवे.4याअकाजे ते जुवान बोईंहीं एहलोहो सिकाड़ती लेअहूं जोवे काहाके ते जिवज्योअ माट्योहों आन पोर्याहां मेर कोइत सेके.5आन मोन ताबाम मिकनारी, सोत्रायीम रोनारी आन हाजी हुतेहे कोअबाआ सांबालनारी, दयालू, आन सोताआ माट्योअ ताबाम रोनारी जोवे; काहाके देवोअ वसनोअ निंदा ने ओवुहूं जोवे.6एहेंज कोइत जुवान माट्योहों बी समजदार बोणुहूं जोवे काजे समजाड़तू ले.7आखी गोठीम सोताहा हाजु नमुनू बोणाव; ताआ शिक्शण खोरो आन समजाअहूं जोगोहो जोवे,8एहलेहे शब्दे वापर के कोडो ताहूं खाराब कोत ने सेके, जिहीं वाअहीं विरोध कोअनाराहां तापोअ आरोप लागाड़ुहूं जोगिही किज गोठ ने जोड़ुहूं जोवे, पोन देखीत ते होरमात जाअहूं जोवे.9नौकरोहों सिकाड़, के ते जिव जिवोअ मालख्योअ ताबाम रोअहूं जोवे, बादी गोठीम ते तियांहां खुस मिकुहूं जोवे, आन उलटो ने गोगुहूं जोवे;10लुसड़ाय, बांडगाय ने कोअहूं जोवे; पोन बादी गोठीम हाजी इमानदारी देखाअहूं जोवे, मोन्ज्ये आखी गोठीम आपाआ तारनारा देवोअ शिक्शणोअ होबा वादुहूं जोवे.11काहाके देवोअ तारणोअ मेरवानी आखा माअहूं पोअ ओवीही.12आन ए मेरवानी आपुहूं सिकाड़ेहे के आपू बिगर भक्ती आन दुन्यादारीइ लालसोअहें रोत मोन फेरवीत यी पिढ़ीमेहें, समजदारी वाअहीं धर्मी आन भक्तीमान जिवन जिवुहूं जोवे.13आन तियी धन्य आशाआ मोन्ज्ये आपाअ वोडा देवोअ आन तारनारा ईसु ख्रिस्ताआ महिमाम प्रगट आविइलाअ वाट जोवते रोअहूं जोवे;14तिये आपुहूं आखी जातीइ पापोम रोत सोड़वीत, हाजे कामे कोइलोम उतवाल्ये बोणे एहेलेहे सोके माहें ओवे तेहें काजे, सोताआ जिवन आपाआ काजेहे आपी देदो.15तु ए आखी गोठी पुरु आधिकार वापरीत सिकाड़ आन समजाड़. कोडोज ताहूं कमी ने समजुहूं जोवे.
The Word for the World International