रोमन4
1ताहां आमू कि कोजे, आपाआ पारवाडीइ डायु अब्राहामोहो कि जोड़्यो?2काहाके जर अब्राहाम कामोवाअहीं धर्मी ठरतु, ताहां तियाहा वोडाय कोअहूं जागू रोतु, पोन देवोअ नजरेमेहें नाहां.3वसन कि कोहे के, “अब्राहामे देवोपोअ विश्वास कोअयू, आन तियाआ विश्वासोवाअहीं देवे तियाहा धर्मी कोत गोण्यु.”4काम कोअनाराहा मोजरी आपीइलोअ दान नाहां, पोन तियाआ हक्क बोणेहे.5जों सोताआ कामोवाईं नाहां, पोन विणभक्त्याहा धर्मी ठरिवनारापोअ विश्वास कोअहे, तों तियाआ विश्वासोवाईं धर्मी गोणाअहे.6देव जियाहा बिगर काम कोअयेज बी धर्मी गोणेहे, तियाहा दाविद बी आशिर्वादवालो एहें कोहे:7“तो माहुंउं आशिर्वादवालो होय,जियाआ सुकी माफ ओवीही, आन जियाआ पाप टापी देदाहा.8तो माहुंउं आशिर्वादवालो होय, जियाआ पापोअ प्रभु ईसाब ने लेय.”9ताहां ओ आशिर्वाद जो दाविदे कोयु, तो खतनावालाआं काजे एतुज होय के, बिगर खतनावालाआं काजे बी? पाला, आमू कोताहा, “अब्राहामे देवोपोअ विश्वास कोअयू, तिहीं वाईं देवे तियाआ विश्वासो वाईं तियाहा धर्मी कोत गोण्यु.”10ताहरुउ तो केहें कोइत धर्मी गोणाअयू? खतनाआ वेले के बिगर खतनाआ वेले? खतनाआ वेले नाहां, पोन बिगर खतनाआ वेले.11खतना नाहां ओवू तेहेलाम विश्वासो वाईं धर्मी ठऱ्यू कोत सिक्कु लागीत जाअहूं जोवे, तिहीं वाईं खतनाआ निशाणी लागाड़्यी. एहें कोइत अब्राहाम तियां आखाआ आत्मिक आब्हू बोणीत सेके, जें विण खतनाआ बी देवोपोअ विश्वास कोअतेहे;12आन तियां खतना ओवल्या वालाआं बी आब्हू बोणीत सेके, जें फक्त खतना एतेज ओवले नाहां, पोन आपाआ आब्हा अब्राहामोअ होस विश्वास बी मिकीत सालतेहें, जो विश्वास तियांहां विण खतनाआ दशाम जोड़्युतो.13काहाके ओं वायदो के तो दुन्याआ वारीस ओवे, ने अब्राहामोहो ने तियाआ पारवाड़ीही कायदावाअहीं आपाअयो तो, पोन विश्वासोअ सतीपणो वाअहीं मिल्यू.14काहाके जर कायदावाले वारीस ओय, ताहां विश्वास रिकामू आन देवोअ वायदो बेकार होय.15कायदाआ फल तोम देवोअ खोत होय; आन जिहीं कायदु कायनाहां तिहीं तियाआ तोड़नारे बी कायनाहां.16याआज कोअते ओं वायदो विश्वासोअ आदारोपोअ मेरवानी वाईं आप्योहो, काहाके तों तियाआ आक्खी पारवाड़ीइ काजे मजबुत ओत सेके, निस्तो तियां कायदावालाआ काजे एतोज नाहां, पोन तियां आखाआ काजे बी जें अब्राहामोअ होस विश्वासवाले होय; तोज तोम आपाअ आखाआ आत्मिक आब्हू होय,17जेहलोहो वसन कोहे, “आंय ताहूं वारुज जातीइ आब्हू ठरव्युहू.” तिया देवोअ होस जियापोअ तिये विश्वास कोअयू, आन जो मोल्याहां जिवाड़ेहे, आन जे गोठी होयज नाहां तियींइं नाव एहलोहो लेहे के समजा ते होय.18तिये बिगर आशामेहें बी आशा मिकीत विश्वास कोअयू, याअकाजे के तिया वसनोअ अनुसार “ताआ पारवाड़ एहलिही रोय,” तो जाअखीली जातीइ माअहोंअ आब्हू बोणे.19तो जो एक होव वोरह्योंअ ओतू, तियाआ मोल्याआ हारको डिल आन साराआ वांज्यी दशा ओलखीत कोइत बी विश्वासोमेहें कमजोर ने ओवू,20आन ने अविश्वासी ओत कोइत देवोअ वायदापोअ सौंसु कोअयू, पोन विश्वासोम मजबुत ओत कोइत देवोअ महिमा कोअयी.21आन तिये खोरीज जाअयों के जियी गोठीइ देवे वायदो कोअयोहो, तो तियाहा पुरो कोइलामेहें बी ताकतवान होय.22तियाहा काजे अब्राहामोहों तियाआ विश्वास पालित देवे तियाहा धर्मी गोण्यु.23आन ओं वसन, “विश्वास तियाआ काजे सतीपण गोणाअयु,” निस्त तियाआ काजे एतोज नाहां लेखाअयो.24पोन आपाअ काजे बी जियांआं काजे विश्वास सती गोणाय, मोन्ज्ये आपाअ काजे जे तिया पोअ विश्वास कोअतेहे, जिये आपाआ प्रभु ईसुहू मोल्यामेहें रोत जिवाड़्यु.25तो आपाआ पापोअ काजे तोइत आपाअयू, आन आपुहूं धर्मी ठरवीइलोअ काजे जिवीत बी उठ्यू.
The Word for the World International