प्रगटीकरण6
1तिहीं रोत आंय देख्यो, मेडे तियां हांत सिक्कामेहें रोत एकाहा उगाड़्यु; आन तेहेलाम आंय शार जनवारोमेहें रोत एकाहा गाजेए होस आवाजोम एहें कोत्लाहा उनाअयु, “आव!”2आन माआं डोआअ सामने एक पांडू कोड़ु देखाअयू, जो तियापोअ बोठुतो, तियाआ आथोम बिलखो ओतो; आन तियाहा एक टोपू आप्यू, आन तो जिकीत कोइत फाशोअ बी जिकीइलोअ काजे निहीत पोड़्यू.3जाहां मेडे दुसरु सिक्कु उगाड़्यु, ताहां आंय बिहीरा जनवारोहो एहें कोत्लाहा उनाअयु, “आव!”4आन फाशुउ एक बिहीरु कोड़ु देखाअयू, तो रात्लु ओतु; जो तियापोअ बोठुतो, तियाहा धरतीपोअ रोत होक काडीत लेअलोअ आधिकार आप्यु, जियावाअहीं माअहें एकमेकाआ खुन कोए; आन तियाहा एक वोडी तारवाअ आप्यी.5जेहेलाम मेडे तिसरु सिक्कु उगाड़्यु, ताहां आंय तिसरा जनवारोहो एहें कोत्लाहा उनाअयु, “आव!” आन माआं डोआअ सामने एक काल्लू कोड़ु देखाअयू, आन जो तियापोअ बोठुतो, तियाआ आथोम ताराजू ओतु;6आन शारु जनवारोअ विसमेहें आंय एक आवाज एहें कोत्लाहा उनाअयु, “एका रुप्याअ आठ्यो पोइत गोंवें आन एका रुप्याआ तिन आठ्ये पोइत जव, पोन जेयतुनोअ तेल आन दाराक्शाआ किम्मत मा वादाड़ीही.”7जाहां मेडे शोवथु सिक्कु उगाड़्यु, तांहा आंय शोवथा जनवारोहो एहें कोत्लाहा उनाअयु, “आव!”8आन माआं डोआअ सामने एक पिवलू कोड़ु देखाअयू; जो तियापोअ बोठुतो, तियाआ नाव मोत ओतो; आन तियाआ फाटी फाटी अधोलोक सालतोतो; तियाहा धरतीइ शोवथा भागोपोअ ओ आधिकार आप्यू, मोन्ज्ये तिया आधिकारो वाअहीं तो तारवाअ, काल, महामारी, आन धरतीपोर्याआ रानठ्या जनवारोवाअहीं माअहोंहों माइत सेके.9जाहां मेडे पासवू सिक्कु उगाड़्यु, ताहां आंय देवान्याअ थुड़ी तियां माहुंउं आत्माहां देख्यी, जियांहां देवोअ वसनोअ बाप्तिमेहें साक्शी आपीइलो वाअहीं माइत टाक्येते.10तिये वोडा आवाजोम आअड़ीत कोइत कोयो, “आखाम रोत वोडी ताकतवाला, सोकाम सोका आन खोरा प्रभु; तू कोयों जाआं न्याय ने कोअनारु? आन धरतीपोअ रोनाराहां आमाआं रक्ताआ बोदलू कोयों जाआं ने लेनारु?”11तियांमेर्याअ हारेक जोअहों पांडे आंगड़े आप्ये आन तियांहां एहें कोयो के, तुमाआं हाती सेवक आन तुमाआं पाही तुमाआं होस जिव आपनाराआं बी गणती पुरी ने ओत जाय, ताअहूं जाआं तुमू थोड़ीक वाआ आराम कोआ.12आंय पालतीज रोयु: मेडे साहावू सिक्कु उगाड़्यु, आन जाअखीलोहो वोडो भुकंप ओवो, आन दिही कांबलाआ होस कालु पोड़ीत गोयू, आन सांद रक्ताआ होस रात्लु ओत गोयु.13जुगोमेर्याआ तारा धरतीपोअ वोडा वादुउ वाअहीं अंजिरोअ निल्ले फलवे ओदरीत पोड़तेहे तेहेलाहा टुटीत पोड़्या.14जुग एहेलुहू बिड़ी वोलीत होरकीत गोयु, जेहेलोहो एखु कागल बिड़ी वोलीत जाहे; आन हारेक डोगोअ आन बेट, जिवज्योअ जागापोअ रोत होरकीत गोया.15धरतीपोर्याआ राजा, प्रधान, सेनापती, कुन्बी आन ताकतवान माअहें, आन हारेक नोवकर, आन सोड़ले माहें डोगोमेर्याआ कुपामेहें आन खड़काआ कापड़ाटीमेहें जात निकाअये.16आन तें डोगोहो आन खड़काहा कोने वोल्ये, “आमापोअ ओदरीत पोड़ा; राजगादीपोअ बोहनाराआ नजरेम रोत आन मेडाअ खोतेप रोत आमुहूं निकाड़ीत ल्या!17काहाके तियां बेनुउं खोतेए वोडू दिही आवीत लागुहू, ओमे कोडो टिकीत सेके?”
The Word for the World International