मत्तय8
1जेहेलाम ईसु तिया डोगोपोअ रोत निसे उतर्यू, ताहां गोवारान गोवारा माअहें तियाआ फासाड़ी जाने वोल्ये.2आन पाला, वोडा दुखोवालो माहुंउं तियाआ जागे आवयो, तियाहा पागे पोड़ीत कोनो वोल्यो के, “प्रभु, ताआ इश्शा ओय, ताहां तु माहूं सोकू कोइत सेकेहे.”3ताहां ईसु तियाहा आथ लागाड़ीत कोइत कोयो, “माआं मोर्जी होय, तु सोकू ओत जा!” आन तों माहुंउं ताअहांज तिया वोडो दुखोम रोत हुदरीत गोयो.4फाशोअ ईसु तियाहा कोयो, “पाल, ओं कोडाहाज मा कोही, पोन तु जात कोइत सोताहा पुंजाराहा देखाड़ आन आखाहा तु हुदरीइल्याआ पुरावू देखाअहूं जोवे काजे, जे गाराहा मोशे ठरव्यीही ते तू आपी देजी.”5जेहेलाम ईसु कफर्णहुमोमेहें आयू, ताहां एक रोमी सिपायड़ाआ आधिकार्ये तियाआ जागे आवित कोइत तियाहा रावणी कोअयी,6“प्रभु, माआं पावर कोअमेहें लखवाअ बिमारी वाअहीं जाअखीलुहू मांदवाड़्यु होये.”7ईसु तियाहा कोयो, “आंय आवित कोइत तियाहा हुदारीहीं.”8सिपायड़ाआ आधिकार्ये कोयो, “प्रभु, तू माआं कोअ आवे एहेलिही मामेहें लायकी कायनाहां, पोन फक्त सोबीवाअहीं एतुज कोत देही, तेबी माआं पावर हुदरीत जाय.9काहाके आंय बी वोडा आधिकार्योंअ निसे रोहो, आन माआं आथोअ निसे बी सिपायडां होये. जेहेलाम तियाहा आंय कोत्लू, ‘जा!’ ताहां तो जात्लू; आन बिहीराहा कोत्लू, ‘आव!’ ताहां तो आवत्लू; आन जेहेलाम माआं पावरोहो कोत्लू, ‘ओं कोअ’ ताहां तो कोअत्लू.”10ए गोठ उनाइत कोइत ईसु पोंगलात गोयू, आन जें माहें तियाआ फासाड़ी आवतेते तियांहां कोयो, “आंय तुमुहूं खोरीज कोहो, इस्राएलोमेहें बी एहेलुहू विश्वास माहूं नाहां देखुहूं जोड़्यू.11फाशुउ आंय तुमुहूं कोहो के, दिही उगताआ वोगेहे आन दिही बुड्ताआ वोगेहे रोत जाअखीलेहे जोएं आवे, आन होरगाआ राजोमेहें अब्राहाम, इसाहाक, आन याकोबोअ पांगातीम बोहे.12पोन राज्याआ पोर्ये बाअथे आंदारामेहें टाकी देवाय, जिहीं रोड़ीइलो आन दात कोकरावीइलोअ रोय.”13ताहां ईसु तिया सिपायड़ाआं आधिकाऱ्योहो कोयो, “कोअ जा, जेहलुहू ताआ विश्वास होय, तेहलोज ताआ काजे ओत जाये.” आन तियाआ पावर तेतीज वेले हुदरीत गोयू.14ईसु पेत्राआ कोअ गोयू, आन तिहीं तिये पेत्राआ हावेह्हेहे आथरुपोअ जोराअरी लोटीत रोल्यी देख्यी.15ताहां तिये तियीइ आथोहो आथ लागाड़्यु, आन तियीइ जोरु उतरीत गोयू, आन ते उठीत तियाआ सेवा कोइ वोल्यी.16हांजेए वेले जाहां माअहें पुते लागला माअहोंहों ईसुउ जागे लेतावये, ताहां तिये पुतोहों तियाआ शब्दा वाअहींज काडीत टाक्ये, आन जें मांदवाड़्ये ओते तियांहां हुदार्ये.17ओं तिये याआ काजे कोअयो के, जो यशया भविश्यवक्ते कोयोतो तो पुरो ओवुहूं जोवे, “तिये आपाआ कमजोरी सोतापोअ लेदी आन आपाआ बिमारी वोहीत लेदी.”18माअहोंअ एक वोडी गर्दी पालीत ईसु तियाआ सेलाहां दोर्याआ तियी मेरे जाअलोअ आदेश आप्यू.19ताहां एके कायदाआ मास्तरे तियाआ जागे आवित कोइत कोयो, “मास्तर, तू जिहीं जाही तिहीं आंय ताआ फासाड़ी आवुहूं तियार होय.”20ईसु तियाहा कोयो, “कोल्याआं काजे दोरसे, आन जुगोमेऱ्याआ सिड़ाआं काजे पांजरा रोताहा, पोन माहुंउं बेटाह्हाअ काजे मुंड मेकीइलोअ बी जागू कायनाहां.”21फाशुउ एक जोऊं, जो सेलू बी ओतू, तिये कोयो, “प्रभु, पेल माहूं माआं आब्हाहा डाटीत आवुहूं दे ताअहूं.”22ईसु तियाहा कोयो, “तू माआं फासाड़ी आव, आन जें मोअल्ये होय तियांहां तियांआं मोल्या माअहुंहूं डाटुहूं दे.”23जाहां ईसु नावड़ामेहें सोढ़्यू, ताहां तियाआ सेला बी तियाअरी गोया.24ताहां पाला, दोर्यामेहें एतुहू वोडु वादुउ आवयू के तो नावड़ो उपाड़ा वाअहीं टापाओ वोल्यो, पोन ईसु हुवतूतो.25ताहां सेला तियाआ जागे आवित तियाहा उठाड़्यु आन कोयो, “प्रभु आमुहूं वासाड़, आमू बुडुहूं कोअताहा.”26ईसु तियांहां कोयो, “तुमू काहा बिताहा? तुमाआं विश्वास केतुहू कमी होय!” ताहां तिये उठीत वादुहू आन पाअयोंहों बावराअयू आन उपाड़ा बोंद ओत गोया, आन आखो ठावकोज ओत गोयो.27ताहां तें माहें जुदे बोगलाअये आन कोने वोल्ये, “ओं कोड्ली जातीइ माहुंउं होये, के वादुउ आन दोर्या बी याआ आदेश मानतेहे.”28जाहां ईसु तियी तोड़े गदरेकर देसोमेहें पोतू, ताहां बेन माअहें जियांमेहें पुते ओते, तें माहणोमेहें रोत निहींत आवत्लेज तियाहा मिल्ये. तें जुदे जोराखे उठतेते, तिहीं वाअहीं कोडोज तियी वाटे जाआं ने सरकीत सेकतोतो.29तियां आअड़ीत कोयो के, “ए देवोअ बेटाह्हा, आमाआं ताअरी कि काम? केहें तू वेलेए पेल आमुहूं दुख देनू इंहीं आयुहू?”30तियांआं जागे रोत थोड़ीक सेटे एक वोडू भुंडड़ाआ गोवारु सोरतुतो.31ताहां तियां पुतों ईसुहू रावणी कोइत कोयो, “जर तू आमुहूं काडतुये, ताहां फोला भुंडड़ाआ टोलामेहें आमुहूं मोकली दे.”32ईसु तियांहां कोयो, “जावा!” ताहां तें निहींये आन भुंडड़ाआ टोलामेहें जात फोहीत गोये. आन आखा भुंडड़ाआ गोवारु तुदडू मिकीत टेकोपोअ रोत दोर्यामेहें जात पोड़्यू आन बुडीत मोयु.33भुंडड़ाआ सारवाली होयरोमेहें गुगदा वोल्या आन तियां तिया पुते लागला माहुंउंरी जो किबी ओवो तो आखो जात कोइत परसार कोइ देदो.34ताहां होयरोमेर्येए आखे माअहें ईसुहू मिले आये; आन जाहां तियां तियाहा देख्यू, ताहां तियां ईसुहू रावणी कोइत तियांआं मुलखो मेहें रोत निहींत जाय तेहें कोयो.
The Word for the World International