मत्तय10
1ताहां ईसु तियाआ बारा सेलाहां आहने हाद्या, आन तियांहां खाराब आत्मा काडीइलोअ आन आखी जातीइ बिमारी आन कमजोरी हुदारीलोअ आधिकार आप्यू.2तियां बारा सेलाआं नावे एं होय: पेहलु, पेत्र कोतेहे तो शिमोन, आन तियाआ पाही आंद्रिया; जब्दीइ पोर्यू याकोब आन तियाआ पाही योहान,3फिलीप, बार्थलमय, थोमा आन नाकापोअ फालू लेनारु मत्तय, आल्फेयोअ पोर्यू याकोब आन तद्दय.4शिमोन कनानी, आन ईसुहू तोइत आपनारु यहुदा इस्कार्योत.5यां बारा सेलाहां ईसु ओ आदेश आपीत मोकल्या: “बिगर यहुदीइ जागे मा जाहा, आन शोमरोनोअ कोड्लाज होयरोमेहें मा जाहा.6पोन इस्राएलोअ टाकाअला मेडाआं जागे जाजा.7आन जाता जाता ओं परसार कोअताज जाजा के, ‘होरगाआ राज आहने आयोहो!’8मांदवाड़्याहां हुदारा, मोल्याहां जिवाड़ा, वोडा दुखोवालाहां सोके कोआ, पुते काडा. तुमुहूं फुकोट जोड़्योहो, फुकोट आपा.9तुमाआं सेवड़े होनो, सांदी नेत तांबाअ आनो मा लेहा;10वाटेए काजे सोलाल खोत्लू, नेत उगार आंगड़ो, खाहड़े नेते डेंगार मा लेहा. काहाके मोजर्याहां तियांआं मोजरी जोड़ुहूं जोवे.”11“जिया कोड्ला बी होयरोमेहें नेत गांवोंमेहें जाहा, ताहां मुंदू पाड़ीत ल्या, के तिहीं कोडो हाजो कोआड़े, आन जाहां तिहीं रोत निहींत जाहा ताअहूं जाआं तियाअहींज रोवा.12कोअमेहें फोहती वेले आशिर्वाद आपा.13जर तिया कोअमेर्येए माअहें हाजे ओये, ताहां तुमाआं आशिर्वाद तियांहां जोड़े; पोन जर तें हाजे ने ओय, ताहां तुमाआं आशिर्वाद तुमाआं जागेहे वोलीत आवे.14आन जर एखो तुमाआं स्विकार ने कोए, नेताहां तुमाआं गोठी ने उनाये, ताहां तियाआ कोअमेहें रोते नेत होयरोम रोत बारथे निहींइली वेले तुमाआं गुडाअ थुड़ीइ तुलो बी फोकड़ीत टाकी द्या.15आंय तुमुहूं नक्की कोहो, के न्याय निवाड़ाआ दिही तिया होयरो रोत देव सदोम आन गोमोराहा जाअखी दया देखाड़े!16“उनाआ! आंय तुमुहूं कोलवाआं विसमेहें मेडाहां मोकलीइलाआ होस मोकलोहो; तियाहा काजे तुमू हापोअ होस हुशार आन पेरवाअ होस भोले बोणा.17पोन एहेला माहूं रोत जाबालीत रोवा, जें तुमुहूं पोन्साहा तोइत आपी देय, आन तें तियांआं आराधनालयोमेहें सापका वाअहीं देये.18माआं वाखरी तुमुहूं आधिकाऱ्योओं आन राजहांआं सामने साक्शी देअलो काजे लेत जाय, आन तुमू माआं बातमी बिगर यहुदी माअहुंहूं कोत देखाड़हा.19जाहां तें तुमुहूं ओटक कोए, ताहां तुमू ए फिकर मा कोअहा के, आमू की गोगहूं नेते केहें कोइत कोहूं, काहाके जो किबी तुमुहूं कोअलोअ रोय, तो तियीज वेले तुमुहूं कोत देवाय.20काहाके गोगनारा तुमू नाहां, पोन तुमाआं आब्हाआ आत्मा तुमामेहें रोहे तो गोगे.”21“पाही पायहोहो आन आब्हू पोर्याहा माईंलोअ काजे तोइत आपे, आन पोर्यें आयहीन आब्हाआ विरुद्दामेहें उठे आन तियांहां माआड़ी देये.22हारेक जोओं माआं नावोअ वाखरी तुमाआं विरोध कोए. पोन जो कोडो आखरी जाआं टिकीत रोय तोज वासाय.23जाहां तें तुमुहूं एका गांवोंमेहें तारास देय, ताहां बिहीरा गांवोंमेहें गुगदे वोलजा. आंय तुमुहूं नक्की कोहो के, माहुंउं बेटुह्हू आवे ताअहूं जाआं इस्राएलोमेहें आखा होयरों फिरीइलाआ तुमाआं ने सेलाय.24“सेलू तियाआ गुरु रोत वोडू नाहां; आन पावर तियाआ मालख्योप रोत वोडू नाहां रोतू.25सेलू तियाआ गुराआ एतुहू, आन पावर तियाआ मालख्योअ एतुहू बोणे तेतोज बास होये. जर तियां कोअ धण्योहोंज बालजाबुल कोयो ताहां तियाआ कोर्यांहां केतेहे वादार कांय कांय कोये!”26“तियाहा कोत माअहोंहों मा बिहा; काहाके एहलोहो किज टापाअलो कायनाहां जो ने उगड़े, आन एहलोहो किज निकाअलो कायनाहां जो ने जाआंय, आन आखो खुल्लो होय.27जों आंय तुमुहूं आंदारामेहें कोहो, तों तुमू उजालामेहें कोवा; आन जों तुमू कानोमेहें उनाअयेहे तों कोओपोअ सोढ़ीत परसार कोआ.28जें शरीरोहो माईंत सेकतेहे, पोन आत्माहां माईंत नाहां सेकते तियांहां मा बिहा; पोन जो आत्मा आन शरीर यां बेनुहूं नरकामेहें टाकीत सेकेहे तियाहा बिवा.29केहें एका आनामेहें बेन गिनसिड़ी नाहां वेसाअती के? तेबी तुमाआं आब्हाआ इश्शा सिवाय तियांमेहें रोत एक बी पुंयी पोअ ने पोड़ीत सेके.30तुमाआं मुन्काआ सिंग्ये बी आखे गणल्ये होये.31तियाहा काजे मा बिहा; तुमू तियां सिड़ां रोत केतेहे वादार किमती होये!” इस्राएलोमेऱ्याआ कोओपोऱ्युउ भाग32“जो कोडो माअहोंअ सामने माआं स्विकार कोए, तियाहा आंय बी माआं होरगाआ आब्हाआ सामने स्विकार कोअहीं.33पोन जर कोडो माअहोंअ सामने माहूं नाकारे, तियाहा आंय बी माआं होरगामेऱ्याआ आब्हाआ सामने नाकारीहीं.”34“ओं मा समजाहा के, आंय धरती पोअ होक आपिइलोअ काजे आयुहू. नाहां, आंय होक आपू नाहां, पोन तारवाआ सालाड़ू आयुहू.35आंय आंगे कोउ आयुहू, पोर्याहा तियाआ आब्हाआ विरुद्ध आन पोऱ्यीही तियीइ आयहीइ विरुद्ध, आन वोवड़ीह्हीही तियीइ हावेह्हेए विरुद्धामेहें फाटाफुट कोइलोअ काजे आयुहू.36आन तुमाआं कोर्येए माहेंज तुमाआं दुस्मोन बोणे.”37“जो कोडू तियाआ आयहीन आब्हापोअ मापरोत जाअखु मेर कोअहे, तो माआं लायकीइ सेलू नाहां; जो कोडू तियाआ पोऱ्यापोअ नेत पोऱ्यीपोअ मापरोत जाअखु मेर कोअहे, तो माआं लायकीइ सेलू नाहां.38आन जो कोडू तियाआ क्रुस लेत माआं फाटी ने साले तो माआं लायकीइ सेलू नाहां.39जो कोडो तियाआ जिव वासाड़े तो तियाहा जावाड़े; पोन जो कोडो माआं वाखरी तियाआ जिव जावाड़े: तो तियाहा मेलवे.”40“जो कोडो तुमुहूं स्विकार कोअहे, तो माहूं स्विकार कोअहे; आन जो माहूं स्विकार कोअहे, तो माहूं मोकलीइनाराहा स्विकार कोअहे.41जो कोडो बी भविश्यवक्ताहा भविश्यवक्तू जाईंत स्विकार कोअहे, तो भविश्यवक्ताआ बक्शीस लेय, आन जो धर्मीहीं धर्मी जाईंत स्विकार कोअहे, तो धर्मीइ बक्शीस लेये.42जो कोडो या हानामेहें रोत एकाहा बी माआं सेलू जाईंत निस्तु एकुज गिलास बी पाईं पिवाडे, तेबी आंय तुमुहूं नक्की कोहो के, तियाहा बक्शीस जोड़्या सिवाय ने रोय.”
The Word for the World International