मार्क7
1ताहराअ थोड़ाक कायदाअ मास्तरहों आन फरिसी जे येरुसालेमोमेहें रोत आयाते, ईसुउ जागे टोलू वोल्या,2आन ते तियाआ थोड़ाक सेलाहां एठो मोन्ज्ये विण तुवल्ये आथेज रोटू खात्ला देख्या.3काहाके कायदाअ मास्तरहों जे फरिसी आन आखा यहुदी, वेगाआ डायहांआं रिती पोअ सालताहा आन जाअहूं जाआं वारुहूं आथ ने तुवे ताअहूं जाआं ते रोटू ने खात्ला;4आन बाजारोम रोत आवित उंगल्या सिवाय कोड्लीज वस्तु ने खात्ला. आन एहेलिही वारुज गोठी ते पालनी कोइत सालत्ला, आन गिलास, डोसरे, तांबाअ बासने, आथरुउ साफसुफ कोइलोअ एहेलिही बाकी वारुज रिती ते पालत्ला.5तियाहा काजे फरिसी आन कायदाअ मास्तरहों ईसुहू फुशो, “ताआ सेला डायहांआं रितीइ परमाणे काहा ने सालत्ला? आन बिगर आथ तुवयेज रोटू काहा खात्ला?”6 ईसु तियांहां कोयो, यशया कोअयिही ते भविश्यवाणी तुमा ढोंगड़ा कोअनाराआ बाप्तिमेहें बोराबर ओती, तो कोत्लू,“एं माअहें ओठो वाअहीं तोम माआं मान सन्मान कोअतेहे:पोन यांआं मोन माआं रोत सेटे होय.7एं वायबार माआं भक्ती कोअतेहे,काहाके मोनव्योअ कायदाहाते देवोअ कायदु होय एहें कोत सिकाड़तेहे. ”8“काहाके तुमू देवोअ आदेश टालित कोइत माअहोंअ रितीही मानताहा.”9ईसु तियांहां कोयो, “तुमू तुमाआं रितीरिवाज कायम मिकीइला काजे देवोअ आदेशोहो टालीइलोअ सोपी वाट होदीत काड्यीही.10काहाके मोशे कोयोहो, ‘तुमाआं आयहीन आब्हाआ मानपान कोआ,’ आन ‘जों कोडो आब्हाहा नेत आयहीही हाराप आपे, माअतीज टाकी देअहूं जोवे.’11पोन तुमू सिकाड़ताहा के जर कोडो तियाआ आब्हाहा नेत आयहीही कोये, जो किबी ताहूं मावाअहीं लाभ ओत सेकतुतो, तो आंय देवोहो भेट कोइलोअ ठरव्योहो.12ताहां तुमू तियाहा तियाआ आयहीइ नेत आब्हाआ किज मदत नाहां कोअहूं देता.13एहें कोइत तुमू तुमाआं रितीरिवाजो वाअहीं, जियांहां तुमू ठरव्याहा, देवोअ वसन टाली देताहा आन एहलेहे वारुज कामे होय जे तुमू कोअताहा.”14ताहां ईसु माअहुंहूं तियाआ जागे हादीत तियांहां कोयो, “तुमू आखा माआं उनाआ, आन समजा.15एहलीही कोड्लीज वस्तु कायनाहां जे माअहूंमेहें बारथे रोत मांयते जात कोइत तियाहा एठो बोणावे; पोन जे गोठी माअहुंउं मांयते रोत निहींतिही, तेज गोठी तियाहा एठो बोणावेहे.16जिया कोडाहा कान ओय तो उनाइत लेवा.”17जेहेलाम तो गोरदी मेहें रोत कोअमेहें गोयू ताहां तियाआ सेला यी काईंइं बाप्तिमेहें तियाहा फुशो.18ईसु तियांहां कोयो, “केहें तुमू बी एहेलाहा नादान होय? केहें तुमू नाहां समजीइता के जे वस्तु बारथे रोत माहुंउं मांयते जाहे,” ते वस्तु तियाहा एठो नाहां बोणावीत सेकती?19काहाके तो तियाआ मोनोमेहें नाहां, पोन पोटामेहें जाहे, आन पोटाम रोत ओगीइली वाटे बारथे निहींत जाहे, ओं कोत कोइत तिये आखी खाअलोअ वस्तुहू सोकी ठरव्यी.20फाश्यो तिये कोयो, “जे गोठी माअहूं मेहें रोत बारथे निहींतिही, तेज माअहुंहूं एठी कोअतिही.21काहाके मांयते रोत, मोन्ज्ये माअहुंउं मोनोमेहें रोत, खाराब खाराब विसार, सोद्राय, सोरी, खुन,22सिनालो, लालसाय, खोद्राय, लबाड़ी, लुसड़ाय, खाराब नजर, रोवा, वोडाय, आन फोगाय निहेंहे.23ए आखी खाराब गोठी मांयतेज रोत निहींतिही आन माअहुंहूं एठो बोणावतिही.”24ताहरुउ ईसु तिहीं रोत ऊठीत कोइत सुर आन सैदाआ देसोमेहें आयू; आन एका कोअमेहें गोयू आन तियाआ विसार ओतू के कोडाहाज ने मुंदू जाअहूं जोवे; पोन तो निकाइत ने सेकू.25आन तेताज मेहें एक बोंईं जियीइ हानीइली पोर्यीमेहें खाराब आत्मा ओती, ईसुउ सर्सा उनाइत कोइत आयी, आन तियाआ गुडाआ जागे बोहीत पोड़्यी.26एक बिगर यहुदी जातीइ बाय आन तियीइ जल्म सुरुफिनीकी मेहें ओवोतो. तियी ईसुहू रावणी कोअयी के, “माआं पोर्यीमेहें रोत पुतोअ आत्मा काडी दे.”27तिहीं पोअ ईसु कोयो, “पेल पोर्याहा ताराअहूं दे, काहाके पोर्याआ रोटू हुंणाआं आगाड़ी टाकीइलू ओं कांय बोराबर कायनाहां.”28पोन तियी तियाहा उत्तर आप्यो, “मालिख, हुंणे बी तोम पोर्याआ आथोम रोत वेराअलू सुअवूउ खात्ले.”29ईसु तियी बायीही कोयो, “ताआ या उत्तरो वाअहीं जा, ताआ पोर्यीमेहें रोत पुतोअ आत्मा निहींत गोयीही.”30ताहरीइ ते कोअ आयी तेहेलाम तियीइ पोर्यी खाट्लापोअ लोटीत रोल्यी आन तियी मेहें रोत पुतोअ आत्मा निहींत गोयीही, एहेलिही तियी देख्यो.31ताहरुउ ईसु सुर आन सिदोन देसोम रोत निहीत कोइत दकापलीसोअहें फिरतुज ना गालीलोअ तालावोअ जागे पोत्यु.32ताहरेए माअहें एका बोयराहा जो तोत्र्यो बी ओतो, तियाआ जागे लेतावीत तियाहा रावणी कोअयी के ताआ आथ यापोअ मिके.33ईसु तियाहा गोरदी मेहें रोत आंगेज लेत जात कोइत तियाआ कानोमेहें तिये आंगुउ काल्यी आन थुपीत कोइत तियाआ जिबीही लागाड़्यो.34आन ईसु होरगाअहें पाल्यो आन काहींत कोइत तियाहा कोयो, “इप्फथ्था” मोन्ज्ये “मोकलू ओत जा!”35तियाआ कान उगड़ीत गोया आन जिबीइ गाठ सुटीत गोयी आन तो गोगु वोल्यू.36ताहरुउ ईसु माअहुंहूं कड़क शब्दाम कोयो के ओं कोडाहाज मा कोहा, पोन जेत्तो तिये तियांहां वारुहूं कोयो तेत्तो तें जाअखे परसार कोए वोल्ये.37तें जाअखेज बोगलात कोइत कोने वोल्ये, “तो जों किबी कोअहे तों हाजोज कोअहे; तो बोयराहा ऊनाइलाआ, आन मुकाहां गोगीइलाअ सेक्ती आपेहे.”
The Word for the World International