लुक22
1बिगर खमीर रोटाअ तिवार जियाहा वल्हांडण बी कोतेहे तो आहने ओतू.2ताहां मुख्य पुंजारा आन कायदाअ मास्तरहों ईसुहू मोनेज माईंलाआ काजे तीताअताते, पोन ते माहुंहूं बिताते.3तेहेलाम सैतान यहुदामेहें फोटू, जियाहा इस्कार्योत कोत बी ओलखीइतेते आन तो बारा सेला मेऱ्युउ एक ओतू.4तिये जात कोइत मुख्य पुंजाराहां आन जागल्याआं मुख्यांअरी ईसुहू केहें कोइत तियांआं आथम तोइत आपिइलोअ ते गोठी कोअयी.5ते खुस ओवा, आन तियाहा पोशा आपीइलोअ बोली आप्यी.6यहूदे मानित लेदो आन गर्दी ने रोय तेहेली गाले तोइत आपिइलोअ काजे वेल पालु वाल्यू.7ताहां बिगर खमीरोअ रोटाअ तिवारोअ दिही आयू, तिया दिहोपोअ वल्हांडणोअ काजे गाराहा मेडाअ गिद्लू आपिइलोअ गरज ओती.8ताहां ईसु पेत्राहा आन योहानोहो एहें कोत कोइत आगाड़ी मोकल्या: “जात कोइत रोटू खाहूं तेहें वल्हांडणोअ रोटाआ तियारी कोआ.”9तियां फुशो, “आमू तियाआ तियारी का कोइलोअ, ताआ इश्शा कि होय?”10तिये तियांहां कोयो, “पाला, तुमू जेहेलाम होयरोमेहें पोतहा, ताहां पांअयोंअ देगड़ो लेत जानारो एक माहुंउं तुमुहूं मिले; तो जिया कोअमेहें जाय तियाआ फासाड़ी जाजा.11आन तिया कोओअ मालख्योहो कोजा: ‘गुरु कोहे के ते खुली का होये जिहीं माआं सेलांअरी आंय वल्हांडण तिवारोअ रोटू खाहीं?’12ताहां तो माटी तुमुहूं होबाड़ल्यी वोडी खुली देखाड़े; तिहीं तुमू वल्हांडण रोटाअ तियारी कोअजा.”13तियां जात कोइत, जेहलोहो तिये कोयोतो, तेहलोज देख्यो आन वल्हांडणोअ रोटाआ तियारी कोअयी.14जेहेलाम ते वेल आयी ताहां, ईसु तियाआ सेलांअरी रोटू खानू बोठू.15तिये तियांहां कोयो, “दुख वेठीइलोअ पेल वल्हांडणोअ तिवारोम माआं तुमाअरी रोटू खाअलाअ जाअखीलिही इश्शा ओती.16काहाके आंय तुमुहूं कोहो के, जाअहूं जाआं देवोअ राज्याम ओं पुरो ने ओवे, ताअहूं जाआं आंय तियाहा केदिहीं ने खांव.”17ताहां तिये वाटकू आथोम लेत देवोअ आभार मानित कोयो, “ओं लेवा आन तुमामेहें वाटीत ल्या.18काहाके आंय तुमुहूं कोहो के, जाअहूं जाआं देवोअ राज्य ने आवे, ताअहूं जाआं आंय दाराक्शाआ रोह केदिहींज ने पिंव.”19तिहीं रोत तिये रोटू आथोम लेदू आन आभार मानित मुड़्यू, आन एहें कोत कोइत आप्यू के, “ओं माआं डिल होय जो तुमाआं काजे आपाअहे: माआं ईतवुउ काजे ओं कोअया कोआ.”20तेहेंज कोइत तिये वाटकू बी एहें कोत कोइत आप्यू, “ओ वाटकू माआं रक्तामेहें नोवी शप्पत होये, जों तुमाआं काजे वोहाड़ाअहे.21“पोन पाला! माहूं तोइत आपनाराआ आथ माआं जागे टेबलोपोअ होये.22काहाके माहुंउं बेटुह्हू तोम जेहें कोइत ठऱ्योहो तियाआ पुरमाणे तो माआंय, पोन तिया माअहूं पोअ केतीही विते जियाअ आथे तो तोआअहे!”23ताहां ते तियां तियांआंज एकान एकाहा प्रश्ने फुसा वोल्या, “एहेलोह काम कोअनारु आपामेहें कोडू ओये?”24वोडाम वोडू कोडू बोणे याअ बाप्तिम सेला तियां तियांआं सुलाआ वोल्या.25ताहां ईसु तियांहां कोयो, “बिगर यहुदी राजां तियां पोअ राज सालाड़ताहा; आन जे तियां पोअ आधिकार सालाड़ताहा तियांहां ‘माअहोंओं दोस्ती होय’ एहें कोतेहे.26पोन तियांआं होस तुमू मा बोणहा, जर तुमामेहें वोडाम वोडू ओय, तो हानू बोणुहूं जोवे, आन जो डायु ओय, तो नोवकरोअ होस बोणुहूं जोवे.27ताहां वोडाम वोडू कोडू होय, जो टेबलोपोअ बोठुहू तो के साकरी कोअहे तो? हुदाअलीज जो टेबलोपोअ खानू बोठू तोज ना? पोन आंय तुमाआं विसमेहें साकरी कोअनाराअ होस होये.”28पोन माआं परिक्शामेहें माअरी उबा रोनारा फक्त तुमू एताज होय.29आन जेहलोहो माआं आब्हे माआं काजे एक राज्य ठरवीत मिक्योहो, तेहलोहो आंय बी तुमाआं काजे ठरवीत मेकोहो.30मोन्ज्ये तुमू माआं राजोम माआं टेबलोपोअ खाहान-पिहा आन राजगादीपोअ बोहीत इस्राएलोअ बारा कुलोपोअ राज कोअहा.31“शिमोन, ए शिमोन! पाल, सैताने तुमुहूं गोंवोंअ होस सारीइलोअ काजे मागित लेदाहा.32पोन ए शिमोन, आंय ताआ काजे प्रार्थना कोअयिही के ताआ विश्वास ने आलुहूं जोवे; आन जाहां तू फाशुउ वोलीत आवही, ताहां ताआ पायहोंहों बी पाक्का कोअजी.”33पोन शिमोने कोयो, “प्रभु, आंय ताअरी जेलेम आवुहूं बी आन मोअहूं बी तियार होय.”34पोन ईसु कोयो, “पेत्रा, आंय ताहूं कोहो, जाअहूं जाआं तू माहूं तीन वारी ने नाकारीही के तु माहूं ने ओलखीइत्लू, ताअहूं जाआं आज कुकड़ू ने वाहें.”35फाशुउ ईसु तियाआ सेलाहां कोयो, “जाहां आंय तुमुहूं बिगर डोप्टा, बिगर खोत्ला, बिगर खाहाड़ाआ मोकलीइल्या, ताहां तुमुहूं काविंहीं कमी पोड़्यो के?”
तियां कोयो, “किन्नाहां कमी पोड़्यो.”36ईसु तियांहां कोयो, “पोन ओमे जिया पोअ डोप्टू ओय तो लेत लेअहूं जोवे, आन खोत्लू ओय ताहां तो बी लेत लेअहूं जोवे, जिया पोअ तारवाआ ने ओय ताहां कोट वेसीत एक वेसाती लेत लेअहूं जोवे.37काहाके आंय तुमुहूं कोत देहो के, एहें कोत वसनोमेहें लेखाअयोहो तों लेख्यो पुरो ओवुहूं जोवे के ‘तो पाप्योमेहें गणाअयु,’ काहाके माआं बाप्तिमेर्योअ लेख्यो पुरो ओवेहे.”38सेला तियाहा कोयो, “प्रभु, पाल, इंहीं बेन तारवाआ होय.”
तिये कोयो, “बास एतीज.”39ताहां तो बाअथे निहींत हमेशा जाहे तेहेंज कोइत जेयतुन डोगोपोअ गोयू, आन सेला बी तियाअरी गोया.40तिहीं पोतीत कोइत तिये तियांहां कोयो, “तुमू परिक्शाम ने पोड़ुहूं जोवे कोत प्रार्थना कोआ.”41फाशुउ तो तियांआं जागे रोत एक डोण टाकतेहे एतीही सेटे गोयू, आन ताहरुउ मांड्या पोड़ीत एहेलिही प्रार्थना कोअयी,42“बा, जर ताआ इश्शा ओय ताहां, या कटिवराहा माआं जागे रोत सेटे कोइ दे, तेबी माआं नाहां पोन ताआ इश्शा पुरी ओवुहूं दे.”43ताहां होरगाम रोत एक देवदुत देखाअयू जो तियाहा ताकत आपतुतो.44तो जाअखु दुखोम ओत गोयू आन वादार जिव लागाड़ीत प्रार्थना कोउ वोल्यू; आन तियाआ गोजर वोडा-वोडा रक्ताआ टिपका जेहें पुंयींपोअ गलतुतो.45आन ताहरुहू तो प्रार्थना कोइत उठ्यू आन तियाआ सेलाआं जागे आवित दुखो वाअहीं हुवित रोल्या देख्या.46ताहां तिये कोयो, “तुमू काहा हुवताहा? उठा आन परिक्शाम ने पोड़ुहूं जोवे कोत प्रार्थना कोआ.”47ईसु गोग्याज कोअतुतोन माअहोंअ गर्दी आवयी, आन बारा सेलामेऱ्युउ यहुदा नावोअ एक जोउं तियी गर्दीइ आगाड़ी सालतुतो. ईसुहू गुउं देअलो काजे तो तियाआ जागे आयू.48पोन ईसु तियाहा कोयो, “यहुदा, तू गुउं देत कोइत माहुंउं बेटाह्हाहा ठोगित तोइत आपत्लू के?”49तिहीं ईसुउ जागे जे ओता तेए हाती कि ओवनारो होय तो ओलखीत तियाहा कोयो, “प्रभु आमू तारवाआ सालाड़ो के?”50आन तियांमेर्येए एके जोएं मुख्य पुंजाराआ पावरो पोअ तारवाआ वापरीत हाजाड़्यू कान साटकीत उडाड़्यू.51पोन ईसु कोयो, “ओमे बास कोआमें!” आन तियाआ कानोह आथ लागाड़ीत हुदारी देदू.52ताहां ईसु मुख्य पुंजाराहां, मंदिरोअ राखवाल्योंअ आधिकाऱ्योहों आन डायहांहां जे तियाहा तोइत आना आवयाते तियांहां कोयो, “केहें तुमू माहूं डाखू जाईंत तारवाआ आन डेंगारा लेताज निहींयाहा?53आंय तोम दाड़ख्युउ तुमाअरी देवोअ मंदिरोम रोतुतो आन तुमू मापोअ आथ नाहां टाक्यु. पोन ए तुमाआं वेल होये आन आंदाराआ राज होये.”54तियां ईसुहू ओटक कोअयी आन ते तियाहा मुख्य पुंजाराआ कोओ लेत गोया. पेत्र सेटेज रोत तियांआं फासाड़ी जातुतो.55आन जाहां तें खोलीमेहें आग पेटाड़ीत बोठे, ताहां पेत्र बी तियांआं विसमेहें जात कोइत बोहीत गोयू.56ताहां तिहीं एक साकऱ्यी पेत्राहा आगीइ उजेड़ बोहीत रोल्यू देखीत तियाअहें सिणी नजरे वाअहीं पाल्यो आन कोनी वोल्यी, “ओं माहुंउं बी तोम तियाअरी ओतो.”57पोन पेत्रे एहें कोत नाकार कोअयू, “बाय, आंय तियाहा ने ओलखीइत्लू.”58एक तालेन फाशोअ एके जोएं तियाहा देखीत कोयो, “तु बी तोम तियांज मेर्युउ होये.”
पोन पेत्रे कोयो, “नाहां रा, आंय कायनाहां!”59एखा तासोम एहेलोह एक माहुंउं साती ठोकीत कोनो वोल्यो, “हुदाअलीज ओ बी तोम तियाअरीज ओतू, काहाके ओ बी गालील वालू होय.”60पोन पेत्रे कोयो, “नाहां रा, तु कि कोहे तोज माहूं नाहां समजाअतो!”
तो एहें कोयाज कोअतुतो आन एक्काइज कुकड़े वाहीं देदो.61ताहां प्रभु फासाड़ी फिरीत पेत्राअहें पाल्यो, आन पेत्राहा प्रभु कोल्यी ते गोठ ओर आवयी, “आज कुकड़ू वाहींइलाअ पेल तु माआं तीन वारी नाकार कोअही.”62ताहरुउ पेत्र बारथे निहींत कोइत काहीं काहींइं रोड़ू वोल्यू.63जे माटी ईसुहू तोइत रोयाते ते तियाहा डांणवीइताज आन देअलोअ सुरवात कोइ देदी.64ते तियाआ डोआ पोअ पाटा बांदीत तियाहा फुशो, “भविश्यवाणी कोइत ओलखेए! ताहूं कोडे देदो?”65आन तियां तियाआ अपमान कोइलो काजे फाश्याआ बी कांय-कांय कोयो.66दिही उगु तेहेलाम माअहोंअ डाया आन मुख्य पुंजारु आन कायदाअ मास्तरहों टोलू वोल्या, आन ते ईसुहू पोन्सामेहें लेत आवया.67तियां कोयो, “जर तु ख्रिस्त ओय, ताहां आमुहूं कोत दे!” तिये कोयो,
“जर आंय कोत देहीं तेबी तुमू विश्वास ने कोअहा;68आन आंय तुमुहूं फुसो, तेबी तुमू उत्तर ने आपहा.69पोन ओमें रोत माहुंउं बेटुह्हू आखाम रोत वोडा ताकतवाला देवोअ हाजाड़ीइ वोलेहे बोठ्लू रोये.”70ताहां तियां आखाज कोयो, ताहरुउ कांय तू देवोअ बेटुह्हू होये?
तिये तियांहां कोयो, “तुमू सोताहा कोताहा, आंय होंव.”71ताहां तियां कोयो, “ओमे पुरावाआ फाशीइ कि गरज होय? आपू सोताहा तियाआ सोबीज वाअहीं उनाइत लेदोहो.”
तियां कोयो, “किन्नाहां कमी पोड़्यो.”36ईसु तियांहां कोयो, “पोन ओमे जिया पोअ डोप्टू ओय तो लेत लेअहूं जोवे, आन खोत्लू ओय ताहां तो बी लेत लेअहूं जोवे, जिया पोअ तारवाआ ने ओय ताहां कोट वेसीत एक वेसाती लेत लेअहूं जोवे.37काहाके आंय तुमुहूं कोत देहो के, एहें कोत वसनोमेहें लेखाअयोहो तों लेख्यो पुरो ओवुहूं जोवे के ‘तो पाप्योमेहें गणाअयु,’ काहाके माआं बाप्तिमेर्योअ लेख्यो पुरो ओवेहे.”38सेला तियाहा कोयो, “प्रभु, पाल, इंहीं बेन तारवाआ होय.”
तिये कोयो, “बास एतीज.”39ताहां तो बाअथे निहींत हमेशा जाहे तेहेंज कोइत जेयतुन डोगोपोअ गोयू, आन सेला बी तियाअरी गोया.40तिहीं पोतीत कोइत तिये तियांहां कोयो, “तुमू परिक्शाम ने पोड़ुहूं जोवे कोत प्रार्थना कोआ.”41फाशुउ तो तियांआं जागे रोत एक डोण टाकतेहे एतीही सेटे गोयू, आन ताहरुउ मांड्या पोड़ीत एहेलिही प्रार्थना कोअयी,42“बा, जर ताआ इश्शा ओय ताहां, या कटिवराहा माआं जागे रोत सेटे कोइ दे, तेबी माआं नाहां पोन ताआ इश्शा पुरी ओवुहूं दे.”43ताहां होरगाम रोत एक देवदुत देखाअयू जो तियाहा ताकत आपतुतो.44तो जाअखु दुखोम ओत गोयू आन वादार जिव लागाड़ीत प्रार्थना कोउ वोल्यू; आन तियाआ गोजर वोडा-वोडा रक्ताआ टिपका जेहें पुंयींपोअ गलतुतो.45आन ताहरुहू तो प्रार्थना कोइत उठ्यू आन तियाआ सेलाआं जागे आवित दुखो वाअहीं हुवित रोल्या देख्या.46ताहां तिये कोयो, “तुमू काहा हुवताहा? उठा आन परिक्शाम ने पोड़ुहूं जोवे कोत प्रार्थना कोआ.”47ईसु गोग्याज कोअतुतोन माअहोंअ गर्दी आवयी, आन बारा सेलामेऱ्युउ यहुदा नावोअ एक जोउं तियी गर्दीइ आगाड़ी सालतुतो. ईसुहू गुउं देअलो काजे तो तियाआ जागे आयू.48पोन ईसु तियाहा कोयो, “यहुदा, तू गुउं देत कोइत माहुंउं बेटाह्हाहा ठोगित तोइत आपत्लू के?”49तिहीं ईसुउ जागे जे ओता तेए हाती कि ओवनारो होय तो ओलखीत तियाहा कोयो, “प्रभु आमू तारवाआ सालाड़ो के?”50आन तियांमेर्येए एके जोएं मुख्य पुंजाराआ पावरो पोअ तारवाआ वापरीत हाजाड़्यू कान साटकीत उडाड़्यू.51पोन ईसु कोयो, “ओमे बास कोआमें!” आन तियाआ कानोह आथ लागाड़ीत हुदारी देदू.52ताहां ईसु मुख्य पुंजाराहां, मंदिरोअ राखवाल्योंअ आधिकाऱ्योहों आन डायहांहां जे तियाहा तोइत आना आवयाते तियांहां कोयो, “केहें तुमू माहूं डाखू जाईंत तारवाआ आन डेंगारा लेताज निहींयाहा?53आंय तोम दाड़ख्युउ तुमाअरी देवोअ मंदिरोम रोतुतो आन तुमू मापोअ आथ नाहां टाक्यु. पोन ए तुमाआं वेल होये आन आंदाराआ राज होये.”54तियां ईसुहू ओटक कोअयी आन ते तियाहा मुख्य पुंजाराआ कोओ लेत गोया. पेत्र सेटेज रोत तियांआं फासाड़ी जातुतो.55आन जाहां तें खोलीमेहें आग पेटाड़ीत बोठे, ताहां पेत्र बी तियांआं विसमेहें जात कोइत बोहीत गोयू.56ताहां तिहीं एक साकऱ्यी पेत्राहा आगीइ उजेड़ बोहीत रोल्यू देखीत तियाअहें सिणी नजरे वाअहीं पाल्यो आन कोनी वोल्यी, “ओं माहुंउं बी तोम तियाअरी ओतो.”57पोन पेत्रे एहें कोत नाकार कोअयू, “बाय, आंय तियाहा ने ओलखीइत्लू.”58एक तालेन फाशोअ एके जोएं तियाहा देखीत कोयो, “तु बी तोम तियांज मेर्युउ होये.”
पोन पेत्रे कोयो, “नाहां रा, आंय कायनाहां!”59एखा तासोम एहेलोह एक माहुंउं साती ठोकीत कोनो वोल्यो, “हुदाअलीज ओ बी तोम तियाअरीज ओतू, काहाके ओ बी गालील वालू होय.”60पोन पेत्रे कोयो, “नाहां रा, तु कि कोहे तोज माहूं नाहां समजाअतो!”
तो एहें कोयाज कोअतुतो आन एक्काइज कुकड़े वाहीं देदो.61ताहां प्रभु फासाड़ी फिरीत पेत्राअहें पाल्यो, आन पेत्राहा प्रभु कोल्यी ते गोठ ओर आवयी, “आज कुकड़ू वाहींइलाअ पेल तु माआं तीन वारी नाकार कोअही.”62ताहरुउ पेत्र बारथे निहींत कोइत काहीं काहींइं रोड़ू वोल्यू.63जे माटी ईसुहू तोइत रोयाते ते तियाहा डांणवीइताज आन देअलोअ सुरवात कोइ देदी.64ते तियाआ डोआ पोअ पाटा बांदीत तियाहा फुशो, “भविश्यवाणी कोइत ओलखेए! ताहूं कोडे देदो?”65आन तियां तियाआ अपमान कोइलो काजे फाश्याआ बी कांय-कांय कोयो.66दिही उगु तेहेलाम माअहोंअ डाया आन मुख्य पुंजारु आन कायदाअ मास्तरहों टोलू वोल्या, आन ते ईसुहू पोन्सामेहें लेत आवया.67तियां कोयो, “जर तु ख्रिस्त ओय, ताहां आमुहूं कोत दे!” तिये कोयो,
“जर आंय कोत देहीं तेबी तुमू विश्वास ने कोअहा;68आन आंय तुमुहूं फुसो, तेबी तुमू उत्तर ने आपहा.69पोन ओमें रोत माहुंउं बेटुह्हू आखाम रोत वोडा ताकतवाला देवोअ हाजाड़ीइ वोलेहे बोठ्लू रोये.”70ताहां तियां आखाज कोयो, ताहरुउ कांय तू देवोअ बेटुह्हू होये?
तिये तियांहां कोयो, “तुमू सोताहा कोताहा, आंय होंव.”71ताहां तियां कोयो, “ओमे पुरावाआ फाशीइ कि गरज होय? आपू सोताहा तियाआ सोबीज वाअहीं उनाइत लेदोहो.”
The Word for the World International