लुक1
1मेराला थियुफिलुस:
वारुज माअहूं आपाआ विसमेहें जे गोठी ओवयीही, ते फोड़ कोइत लेखीइलो मेहें आथ लागाड़्युहू,2ते गोठी आमुहूं तियां माअहूं वाअहीं कोवाअयी, जियां ते गोठी पेल रोतुज ओवत्ली देख्यीते, आन जे हाजी बातमीइं परसार कोअनारा ओता.3तियाहा कोत माननीय थियुफिलुस, आंय सुरुवातिही रोत आखो वारुहूं आभ्यास कोअयुहू, तियाहा काजे माहूं ओं हाजो हासवाअयो के, आंय बी तुमाआं काजे याआ एकाआ फासाड़ी एक नंबरवारी फोड़ कोइत लेखो.4आंय याअ काजे एहेलोह कोअयो के, जे गोठी तुमू उनाअया, ते केतीही खोरी होय ते तुमुहूं मुंदू जाअहूं जोवे.5तियां दिहोमेहें जेहेलाम यहुदीया पोअ हेरोदोअ राज ओतो, तिहीं जखर्या नावोअ एक पुंजारु ओतू. जो सेवा कोअनारा अबियाआ पुंजाराआ टोलामेऱ्युउ ओतू. तियाआ लाडीइ नाव एलिशेबा ओतो. ते आरोनोअ पारवाडीमेर्यीइ ओती.6तें बेनू देवोअ नजरेम हाजो जिवन जिवनारे ओते, आन प्रभुउ आदेश आन नियमोहों हारोपुरो पालन कोअनारे ओते.7तियांहां कोड्लोज बालबासो ने ओतो, काहाके एलिशेबा वांज्यी ओती, आन ते आन जखर्यु बेनू खुब डाये ओते.8जाहां जखर्याअ टोलाआ मंदिरोमेहें पुंजाराआ कामोअ पाड़ी ओती. एक दिही जखर्यु तियाआ टोलाआ पाड़ीइ वेले मंदिरोमेहें देवोअ सामने पुंजाराआ काम कोअया कोअतुतो.9पुंजाराआ रितीइ पुरमाणे तियाआ नावोपोअ सिट्टी निहींयी के, प्रभुउ मंदिरोम तो जात कोइत देवान्यापोअ हाजी गुंदाअनारी वस्तु पेटाड़ीत सेके.10जाहां हाजी गुंदाअनारी वस्तु पेटाड़ीलोअ वेल आवयी, ताहां बारथे टोलू वोलल्ये माअहें प्रार्थना कोअया कोअतेते.11तियी वेले देवोअ एक प्रभुउ दुत देखाअयू, आन हाजी गुंदाअनारी वस्तु पेटाड़ीलोअ देवान्याअ हाजाड़ीइ वोलेहे उबू रोल्यू तियाहा देखाअयू.12जखर्यु तियाहा देखीत कापित रोयू आन तिया मेहें बिक फोहीत गोयी.13पोन देवदुते तियाहा कोयो, “ए जखर्या, बिही मा! काहाके ताआ प्रार्थना देवे उनाइत लेदीही, आन ताआ लाडी एलिशेबाअ डेडी ताआ एक सोऊ उब्जे, आन तु तियाआ नाव योहान मिकजी.14आन ताहूं खुसी आन मोज्या लागे: आन तियाआ जल्माआं वाखरी खुब माअहें खुसी कोए,15काहाके तो प्रभुउ नजरेम वोडु बोणे; तो केदिहींज कोड्लूज दाराक्शाआ रोह के होरु ने पिये; आन तो उब्जे तोयोंअज रोत पवित्र आत्मा वाअहीं पोआइत रोय;16आन तो इस्राएलोअ खुब माअहुंहूं तियांआं प्रभु देवोअहें फाश्येए वालित लेतावे.17तो सोताहाज एलियाअ आत्मा आन ताकतेवाअहीं प्रभुउ आगाड़ी आगाड़ी साले, तो आब्हाहां आन पोऱ्याहां फाशुउ एक कोए, तो आदेश ने माननारा एहेलाहां आदेश माने एहेलेहे कोए, जिया वाअहीं तें धर्मीइ होस विसार मिके. तो प्रभुउ माअहुंहूं प्रभुउ कोअते मेर कोअनारे बोणावे.”18ताहां जखर्ये देवदुतोहो कोयो, “आंय कि कोइत ओलखो के, ओं सत्य होय, आंय डायु माटी होय आन माआं कोओवाली बी डायी होय.”19ताहां देवदुते तियाहा उत्तर आप्यो, “आंय गाब्रीएल होय, जो तिया देवोअ सामने उबू रोहो; जिये माहूं ताअरी गोठी कोए तेहें आन ताहूं ए हाजी बातमी कोय तेहें मोकल्युहू.20पोन पाल, तुमे माआं खबर जे ठरवीइल्यी वेलेपोअ खरी पुरी ओवनारी होय, तियी पोअ विश्वास नाहां कोअयू, तियाहा काजे, तू मुकू ओत जाही, आन तू ताअहूं जाआं ने गोगीत सेकीही, जाअहूं जाआं ओं पुरो ने ओत जाय.”21तिहीं बारथे माअहें जखर्याअ वाट जोवतेते, आन बोगलाइत गोयेते के, एवडी वाआ तो मंदिरोमेहें कि कोअतुये?22जेहेलाम तो बारथे निहींयू, तेहेलाम गोगित ने सेक्यु: ताहां तें समजीत गोये के, तियाहा मंदिरोम काविंहीं दर्शन मिल्योहो; आन तो हान्काअतु रोयू आन गोगित ने सेक्यु.23जाहां मंदिरोमेहें तियाआ सेवा कोइलोअ वेल पुरी ओवी, ताहां तो तियाआ कोअ जातु रोयू.24थोड़ाक दिहोअ फासाड़ी तियाआ कोओवाली एलिशेबा पोटाअरी ओवी; आन पास मोयना जाआं ते कोअमेहेंज आखा रोत आंगेज रोयी,25आन सोताअरीज गोग्यी “ओमे आखरीमेहें जात एहें कोइत प्रभु माआं मदत कोअयिही, माअहुंउं विसमेहें माआं अपमान दुर कोइलाअ काजे तिये माआं ओर कोअयिही.”26एलिशेबा सोव मोयनाआं पोटाअरी ओती, तेहेलाम देवे गाब्रीएल देवदुतोहो गालील सेहरोअ नासरेथोम मोकल्यू,27एकी कुवांरी पोर्यीइ जागेहे तियाहा मोकल्यू, जे दाविदोअ कुटूंबामेर्याआ योसेफ नावोअ एका जुवानोअ काजे फुसाअली ओती: तियी कुवारीइ नाव मरिया ओतो.28देवदुते तियीइ जागे आवित कोयो, “देवोअ होक ताहूं जोड़े, प्रभु ताअरी होय, आन ताहूं खुब मेरवानी आप्यीही!”29देवदुतोअ खबर उनाइत कोइत मरिया जाअखीलिही बित गोयी, आन विसारोम पोड़ीत गोयी के, यां शब्दाआ अर्थ कि ओत सेकेहे?30ताहां, देवदुते तियीही कोयो, “ए मरिया, बिही मा, काहाके देव तावाअहीं खुस होय.31पाल, तु उंगलित रोही, आन ताहूं एक सोऊ ओवे, आन तु तियाआ नाव ईसु मिकजी.32तो आखाम रोत वोडु बोणे, आन आखाम रोत वोडा देवोअ बेटुह्हू कोवाय. आन प्रभु देव तियाहा तियाआ आब्हू राजा दाविद ओतू, तियाआ राजगादी आपे,33आन तो याकोबोअ पिड़ी पोअ हादाजोलम राज कोए; आन तियाआ राज केदिहींज ने सेलाय!”34मरिया देवदुतोहो कोयो, “ओं केहें कोइत ओत सेकेहे, काहाके आंय तोम कुवांरी होय?”35देवदुते उत्तर आप्यो, “पवित्र आत्मा तापोअ उतरे, आन आखाम रोत वोडा देवोअ सेक्ती तापोअ सावलू कोए, तिहींज वाअहीं जो पवित्र बायो उब्जे, तो देवोअ बेटुह्हू कोवाय.36आन ताआ कोर्याआ मेऱ्यीइ बोयोंअ एलिशेबा जियीही माअहें वांज्यी कोतेते, पोन ते सोताहा सोव मोयनाअ पोटाअरी होय, आन ते खुब डायी होय.37काहाके देव ने कोइत सेके एहेलोह कीज बी कायनाहां.”38मरिया कोयो, “आंय प्रभुउ सेविका होय, जेहें कोइत तुमू माआं कोअते कोयो, तेहेंज कोइत माअरी ओवे.” ताहां देवदुत तियीइ जागे रोत जातु रोयू.39ताअहांज मरिया तियार ओत कोइत ताबुड़ यहुदा देसोअ डोगोमेऱ्याआ एका गांवोंम जाती रोयी,40आन ते जखर्याअ कोअ पोती आन एलिशेबाहा सलामी लेदी.41जेहलाम एलिशेबा मरियाअ सलामी उनाअयी, तेहेलाम तियीइ पोटामेऱ्योअ पोऱ्य उसल्यो, आन एलिशेबा पवित्र आत्मा वाअहीं पोआत.42आन वोडा आवाजोमेहें आअड़ीत कोइत ते गोग्यी, “तू आखी बोईं मेहें आखाम रोत वादार आशिर्वादीत होय, आन जिया पोऱ्याहा तू जल्म आपीही, तो बी आशिर्वादीत होय!43एती वोडी गोठ माअरी काहा ओयी, के माआं प्रभुउ आयही माहूं मिली आवयी?44काहाके, जेहेलाम आंय ताआ सलामीइ शब्द उनाअयी, तेहेलामेहें माआं पेटोमेऱ्योअ पोऱ्यो खुसी वाअहीं उसलीत रोयो.45तू केतीही धन्य होय, जियी ओ विश्वास मेक्यु के प्रभु जो किबी कोयो तो पुरो ओवनारोज होय!”46ताहां मरिया कोयो,“माआं जिव प्रभुउ स्तुती कोअहे;47आन माआं आत्मा तारनारा देवोअ वाखरी खुसीम होय,48काहाके तिये तियाआ हानाली सेविकाहा ओर कोअयिही!तियाहा कोत पाला, ओमे रोत पिड़ीन-पिढ़ीइ माअहें माहूं धन्य कोय,49काहाके तिये ताकतवाले देवे माआं कोअते वोडे वोडे कामे कोअयेहे.तियाआ नाव सोको होय;50जे तियाहा बितेहे,तियांपोअ तियाआ दया पिढ़ीन पिढ़ी जाआं रोहे.51तिये तियाआ ताकत देखाड्यी,आन जे सोताआ मोनोम वोडाय कोअतेते, तियांहां एड़फेड़ कोअये.52तिये जोरावार राजहांहां तियांआं राजगादी पोअ रोत ओदारी देदा;आन तिये नम्र माहुंहूं उसे कोअये.53तिये फुकल्याहां हाजी वस्तु वाअहीं तारव्ये,आन मालदारोहों ठाल्ले आथेज मोकली देदा.54आपाअ डायहांहां आपल्या वायदाअ पुरमाणे दया कोइत,तो तियाआ सेवक इस्राएलोअ मदत कोउ आयू.55तियाहा अब्राहाम आनतियाआ आखी पिड़ी पोअ कायम दया देखाडीइलाअ ओर रोयी.”56मरिया तिनेक मोयना एलिशेबाअरी रोयी आन फाश्यीइ तियीइ कोअ जाती रोयी.57ताहरोअ एलिशेबाआ ठाल्ली पोडीइलाअ वेल आयी, आन तियीइ एक सोऊ ओवू.58तिहींइं जागेवाले आन कोर्येए माअहें प्रभु तियी पोअ केतीही वोडी दया कोअयिही ओं उनाइत कोइत तियीइरी मिलीत खुसी कोअयी.59आन फाशोअ एहेलोह ओवो के, आंठवा दिहो पोअ पोऱ्याअ खतना कोइलाअ काजे तें तिहीं आये आन तियाआ आब्हाआ नावो पोअ तियाआ नाव जखर्या मिके वोल्ये.60पोन तियाआ आयही उत्तर आप्यो, “नाहां! याआ नाव तोम योहान मिकुहूं जोवे.”61तियां तियाहा कोयो, “पोन ताआ कोऱ्याअ माहूंमेहें कोडाआज ओं नाव कायनाहां!”62ताहरेए तें तियाआ आब्हाहा इशारु कोइत फुशो के तु याआ नाव कि मिकुहूं कोअहे?63जखऱ्ये लेखीइलाअ पाटी मागीत कोइत लेखी देदो, “तियाआ नाव योहान होय,” आन तिहीं वाअहीं तें बादे बोगलात गोये.64तेताजमेहें ताबुड़ तियाआ सोब उगड़ीत गोयी आन तियाआ आवाज निहूं वोल्यू, तो गोगु वोल्यु आन देवोअ स्तुती कोउ वोल्यु.65इंहीं वाअहीं आखे आहने रोनारे बित गोये, आन यहुदीयाअ आखा डोगऱ्याआ मुलखोम माअहूं मेहें यीं आखी गोठीइ माग निहूं वोल्यू,66आन बादे उनाअनारे तियां तियांआं मोनोमेहें विसार कोइत कोयो, “ओं पोर्यो केहेलोह ओवे?” काहाके, प्रभुउ सेक्ती तियापोअ ओती.67योहानोअ आब्हू जखर्यु पवित्र आत्मा वाअहीं पोआइत गोयू, आन भविश्यवाणी कोउ वोल्यु:68“इस्राएलोअ प्रभु देवोअ स्तुती ओवे!काहाके तो तियाआ माअहुंहूं मदत कोइलाअ काजे आयू, आन तियांआं सुटका कोअयिही,69तिये आमाआं काजे तियाआ सेवक,दाविदोअ कुटूंबाम रोत एका तारनाराहा मोकल्युहू.70तिये खुब पेल रोतुज तियाआ पवित्र भविश्यवक्ता वाअहीं आथवसन आप्यतो.71तिये आपुहूं आपाअ दुस्मोनोप रोत,आन जें आपुहूं सीस कोअतेहे तियां आखाआ आथोम रोत, आपाआ सुटका कोअयिही.72आपाअ वेगाअ डायहांपोअ दया देखाडीत कोइततियाआ पवित्र शप्पतोअ ओर रोयी.73तिये ते शप्पत आपाअ वेगूउ डायु अब्राहाम याअरी खादीते.74के आपाअ दुस्मोनोअ आथोम रोत आमुहूं वासाड़े,आन कोड्लीज गोठीइ बिगर बियेज तियाआ सेवा कोइत सेके,75काहाके आपाअ जिवन दाड़ख्योअ,तियाआ सामने पवित्र आन धर्मी रोत सेके.76माआं पोर्या, ओमे तू वोडाम वोडा देवोअ भविश्यवक्तू कोवाअही,काहाके तु प्रभुउ वाट तियार कोइलोअ काजेहेतियाआ आगाड़ी-आगाड़ी सालही,77तो तियाआ माअहुंहूं तारणोअ हिकवोण आपे,जियांआं पापोअ माफी वाअहीं ओवेहे.78आपाअ देवोअ वोडी दया वाअहींएका नोवा दिहोअ उजवड़ आमापोअ होरगाम रोत उतरे,79आन ताहां जे मोतोअ सावलामेहें जिवतेहे, तियांपोअ उजालो सोमके तेहें काजे आनआपाअ गुडाहा होकेए वाट मिले तेहें काजे तो आपुहूं मिलू आवे.”80एहें कोइत तो पोर्यू वोडु ओनु वोल्यू आन शरीरोमेहें आन आत्मा मेहें वादतू, आन मजबुत ओवतु गोयू. इस्राएलवाला माहुंहूं प्रगट ओवीइलोअ दिहोअ दिही जाआं तो हुंद्ला जागामेहें रोयू.
वारुज माअहूं आपाआ विसमेहें जे गोठी ओवयीही, ते फोड़ कोइत लेखीइलो मेहें आथ लागाड़्युहू,2ते गोठी आमुहूं तियां माअहूं वाअहीं कोवाअयी, जियां ते गोठी पेल रोतुज ओवत्ली देख्यीते, आन जे हाजी बातमीइं परसार कोअनारा ओता.3तियाहा कोत माननीय थियुफिलुस, आंय सुरुवातिही रोत आखो वारुहूं आभ्यास कोअयुहू, तियाहा काजे माहूं ओं हाजो हासवाअयो के, आंय बी तुमाआं काजे याआ एकाआ फासाड़ी एक नंबरवारी फोड़ कोइत लेखो.4आंय याअ काजे एहेलोह कोअयो के, जे गोठी तुमू उनाअया, ते केतीही खोरी होय ते तुमुहूं मुंदू जाअहूं जोवे.5तियां दिहोमेहें जेहेलाम यहुदीया पोअ हेरोदोअ राज ओतो, तिहीं जखर्या नावोअ एक पुंजारु ओतू. जो सेवा कोअनारा अबियाआ पुंजाराआ टोलामेऱ्युउ ओतू. तियाआ लाडीइ नाव एलिशेबा ओतो. ते आरोनोअ पारवाडीमेर्यीइ ओती.6तें बेनू देवोअ नजरेम हाजो जिवन जिवनारे ओते, आन प्रभुउ आदेश आन नियमोहों हारोपुरो पालन कोअनारे ओते.7तियांहां कोड्लोज बालबासो ने ओतो, काहाके एलिशेबा वांज्यी ओती, आन ते आन जखर्यु बेनू खुब डाये ओते.8जाहां जखर्याअ टोलाआ मंदिरोमेहें पुंजाराआ कामोअ पाड़ी ओती. एक दिही जखर्यु तियाआ टोलाआ पाड़ीइ वेले मंदिरोमेहें देवोअ सामने पुंजाराआ काम कोअया कोअतुतो.9पुंजाराआ रितीइ पुरमाणे तियाआ नावोपोअ सिट्टी निहींयी के, प्रभुउ मंदिरोम तो जात कोइत देवान्यापोअ हाजी गुंदाअनारी वस्तु पेटाड़ीत सेके.10जाहां हाजी गुंदाअनारी वस्तु पेटाड़ीलोअ वेल आवयी, ताहां बारथे टोलू वोलल्ये माअहें प्रार्थना कोअया कोअतेते.11तियी वेले देवोअ एक प्रभुउ दुत देखाअयू, आन हाजी गुंदाअनारी वस्तु पेटाड़ीलोअ देवान्याअ हाजाड़ीइ वोलेहे उबू रोल्यू तियाहा देखाअयू.12जखर्यु तियाहा देखीत कापित रोयू आन तिया मेहें बिक फोहीत गोयी.13पोन देवदुते तियाहा कोयो, “ए जखर्या, बिही मा! काहाके ताआ प्रार्थना देवे उनाइत लेदीही, आन ताआ लाडी एलिशेबाअ डेडी ताआ एक सोऊ उब्जे, आन तु तियाआ नाव योहान मिकजी.14आन ताहूं खुसी आन मोज्या लागे: आन तियाआ जल्माआं वाखरी खुब माअहें खुसी कोए,15काहाके तो प्रभुउ नजरेम वोडु बोणे; तो केदिहींज कोड्लूज दाराक्शाआ रोह के होरु ने पिये; आन तो उब्जे तोयोंअज रोत पवित्र आत्मा वाअहीं पोआइत रोय;16आन तो इस्राएलोअ खुब माअहुंहूं तियांआं प्रभु देवोअहें फाश्येए वालित लेतावे.17तो सोताहाज एलियाअ आत्मा आन ताकतेवाअहीं प्रभुउ आगाड़ी आगाड़ी साले, तो आब्हाहां आन पोऱ्याहां फाशुउ एक कोए, तो आदेश ने माननारा एहेलाहां आदेश माने एहेलेहे कोए, जिया वाअहीं तें धर्मीइ होस विसार मिके. तो प्रभुउ माअहुंहूं प्रभुउ कोअते मेर कोअनारे बोणावे.”18ताहां जखर्ये देवदुतोहो कोयो, “आंय कि कोइत ओलखो के, ओं सत्य होय, आंय डायु माटी होय आन माआं कोओवाली बी डायी होय.”19ताहां देवदुते तियाहा उत्तर आप्यो, “आंय गाब्रीएल होय, जो तिया देवोअ सामने उबू रोहो; जिये माहूं ताअरी गोठी कोए तेहें आन ताहूं ए हाजी बातमी कोय तेहें मोकल्युहू.20पोन पाल, तुमे माआं खबर जे ठरवीइल्यी वेलेपोअ खरी पुरी ओवनारी होय, तियी पोअ विश्वास नाहां कोअयू, तियाहा काजे, तू मुकू ओत जाही, आन तू ताअहूं जाआं ने गोगीत सेकीही, जाअहूं जाआं ओं पुरो ने ओत जाय.”21तिहीं बारथे माअहें जखर्याअ वाट जोवतेते, आन बोगलाइत गोयेते के, एवडी वाआ तो मंदिरोमेहें कि कोअतुये?22जेहेलाम तो बारथे निहींयू, तेहेलाम गोगित ने सेक्यु: ताहां तें समजीत गोये के, तियाहा मंदिरोम काविंहीं दर्शन मिल्योहो; आन तो हान्काअतु रोयू आन गोगित ने सेक्यु.23जाहां मंदिरोमेहें तियाआ सेवा कोइलोअ वेल पुरी ओवी, ताहां तो तियाआ कोअ जातु रोयू.24थोड़ाक दिहोअ फासाड़ी तियाआ कोओवाली एलिशेबा पोटाअरी ओवी; आन पास मोयना जाआं ते कोअमेहेंज आखा रोत आंगेज रोयी,25आन सोताअरीज गोग्यी “ओमे आखरीमेहें जात एहें कोइत प्रभु माआं मदत कोअयिही, माअहुंउं विसमेहें माआं अपमान दुर कोइलाअ काजे तिये माआं ओर कोअयिही.”26एलिशेबा सोव मोयनाआं पोटाअरी ओती, तेहेलाम देवे गाब्रीएल देवदुतोहो गालील सेहरोअ नासरेथोम मोकल्यू,27एकी कुवांरी पोर्यीइ जागेहे तियाहा मोकल्यू, जे दाविदोअ कुटूंबामेर्याआ योसेफ नावोअ एका जुवानोअ काजे फुसाअली ओती: तियी कुवारीइ नाव मरिया ओतो.28देवदुते तियीइ जागे आवित कोयो, “देवोअ होक ताहूं जोड़े, प्रभु ताअरी होय, आन ताहूं खुब मेरवानी आप्यीही!”29देवदुतोअ खबर उनाइत कोइत मरिया जाअखीलिही बित गोयी, आन विसारोम पोड़ीत गोयी के, यां शब्दाआ अर्थ कि ओत सेकेहे?30ताहां, देवदुते तियीही कोयो, “ए मरिया, बिही मा, काहाके देव तावाअहीं खुस होय.31पाल, तु उंगलित रोही, आन ताहूं एक सोऊ ओवे, आन तु तियाआ नाव ईसु मिकजी.32तो आखाम रोत वोडु बोणे, आन आखाम रोत वोडा देवोअ बेटुह्हू कोवाय. आन प्रभु देव तियाहा तियाआ आब्हू राजा दाविद ओतू, तियाआ राजगादी आपे,33आन तो याकोबोअ पिड़ी पोअ हादाजोलम राज कोए; आन तियाआ राज केदिहींज ने सेलाय!”34मरिया देवदुतोहो कोयो, “ओं केहें कोइत ओत सेकेहे, काहाके आंय तोम कुवांरी होय?”35देवदुते उत्तर आप्यो, “पवित्र आत्मा तापोअ उतरे, आन आखाम रोत वोडा देवोअ सेक्ती तापोअ सावलू कोए, तिहींज वाअहीं जो पवित्र बायो उब्जे, तो देवोअ बेटुह्हू कोवाय.36आन ताआ कोर्याआ मेऱ्यीइ बोयोंअ एलिशेबा जियीही माअहें वांज्यी कोतेते, पोन ते सोताहा सोव मोयनाअ पोटाअरी होय, आन ते खुब डायी होय.37काहाके देव ने कोइत सेके एहेलोह कीज बी कायनाहां.”38मरिया कोयो, “आंय प्रभुउ सेविका होय, जेहें कोइत तुमू माआं कोअते कोयो, तेहेंज कोइत माअरी ओवे.” ताहां देवदुत तियीइ जागे रोत जातु रोयू.39ताअहांज मरिया तियार ओत कोइत ताबुड़ यहुदा देसोअ डोगोमेऱ्याआ एका गांवोंम जाती रोयी,40आन ते जखर्याअ कोअ पोती आन एलिशेबाहा सलामी लेदी.41जेहलाम एलिशेबा मरियाअ सलामी उनाअयी, तेहेलाम तियीइ पोटामेऱ्योअ पोऱ्य उसल्यो, आन एलिशेबा पवित्र आत्मा वाअहीं पोआत.42आन वोडा आवाजोमेहें आअड़ीत कोइत ते गोग्यी, “तू आखी बोईं मेहें आखाम रोत वादार आशिर्वादीत होय, आन जिया पोऱ्याहा तू जल्म आपीही, तो बी आशिर्वादीत होय!43एती वोडी गोठ माअरी काहा ओयी, के माआं प्रभुउ आयही माहूं मिली आवयी?44काहाके, जेहेलाम आंय ताआ सलामीइ शब्द उनाअयी, तेहेलामेहें माआं पेटोमेऱ्योअ पोऱ्यो खुसी वाअहीं उसलीत रोयो.45तू केतीही धन्य होय, जियी ओ विश्वास मेक्यु के प्रभु जो किबी कोयो तो पुरो ओवनारोज होय!”46ताहां मरिया कोयो,“माआं जिव प्रभुउ स्तुती कोअहे;47आन माआं आत्मा तारनारा देवोअ वाखरी खुसीम होय,48काहाके तिये तियाआ हानाली सेविकाहा ओर कोअयिही!तियाहा कोत पाला, ओमे रोत पिड़ीन-पिढ़ीइ माअहें माहूं धन्य कोय,49काहाके तिये ताकतवाले देवे माआं कोअते वोडे वोडे कामे कोअयेहे.तियाआ नाव सोको होय;50जे तियाहा बितेहे,तियांपोअ तियाआ दया पिढ़ीन पिढ़ी जाआं रोहे.51तिये तियाआ ताकत देखाड्यी,आन जे सोताआ मोनोम वोडाय कोअतेते, तियांहां एड़फेड़ कोअये.52तिये जोरावार राजहांहां तियांआं राजगादी पोअ रोत ओदारी देदा;आन तिये नम्र माहुंहूं उसे कोअये.53तिये फुकल्याहां हाजी वस्तु वाअहीं तारव्ये,आन मालदारोहों ठाल्ले आथेज मोकली देदा.54आपाअ डायहांहां आपल्या वायदाअ पुरमाणे दया कोइत,तो तियाआ सेवक इस्राएलोअ मदत कोउ आयू.55तियाहा अब्राहाम आनतियाआ आखी पिड़ी पोअ कायम दया देखाडीइलाअ ओर रोयी.”56मरिया तिनेक मोयना एलिशेबाअरी रोयी आन फाश्यीइ तियीइ कोअ जाती रोयी.57ताहरोअ एलिशेबाआ ठाल्ली पोडीइलाअ वेल आयी, आन तियीइ एक सोऊ ओवू.58तिहींइं जागेवाले आन कोर्येए माअहें प्रभु तियी पोअ केतीही वोडी दया कोअयिही ओं उनाइत कोइत तियीइरी मिलीत खुसी कोअयी.59आन फाशोअ एहेलोह ओवो के, आंठवा दिहो पोअ पोऱ्याअ खतना कोइलाअ काजे तें तिहीं आये आन तियाआ आब्हाआ नावो पोअ तियाआ नाव जखर्या मिके वोल्ये.60पोन तियाआ आयही उत्तर आप्यो, “नाहां! याआ नाव तोम योहान मिकुहूं जोवे.”61तियां तियाहा कोयो, “पोन ताआ कोऱ्याअ माहूंमेहें कोडाआज ओं नाव कायनाहां!”62ताहरेए तें तियाआ आब्हाहा इशारु कोइत फुशो के तु याआ नाव कि मिकुहूं कोअहे?63जखऱ्ये लेखीइलाअ पाटी मागीत कोइत लेखी देदो, “तियाआ नाव योहान होय,” आन तिहीं वाअहीं तें बादे बोगलात गोये.64तेताजमेहें ताबुड़ तियाआ सोब उगड़ीत गोयी आन तियाआ आवाज निहूं वोल्यू, तो गोगु वोल्यु आन देवोअ स्तुती कोउ वोल्यु.65इंहीं वाअहीं आखे आहने रोनारे बित गोये, आन यहुदीयाअ आखा डोगऱ्याआ मुलखोम माअहूं मेहें यीं आखी गोठीइ माग निहूं वोल्यू,66आन बादे उनाअनारे तियां तियांआं मोनोमेहें विसार कोइत कोयो, “ओं पोर्यो केहेलोह ओवे?” काहाके, प्रभुउ सेक्ती तियापोअ ओती.67योहानोअ आब्हू जखर्यु पवित्र आत्मा वाअहीं पोआइत गोयू, आन भविश्यवाणी कोउ वोल्यु:68“इस्राएलोअ प्रभु देवोअ स्तुती ओवे!काहाके तो तियाआ माअहुंहूं मदत कोइलाअ काजे आयू, आन तियांआं सुटका कोअयिही,69तिये आमाआं काजे तियाआ सेवक,दाविदोअ कुटूंबाम रोत एका तारनाराहा मोकल्युहू.70तिये खुब पेल रोतुज तियाआ पवित्र भविश्यवक्ता वाअहीं आथवसन आप्यतो.71तिये आपुहूं आपाअ दुस्मोनोप रोत,आन जें आपुहूं सीस कोअतेहे तियां आखाआ आथोम रोत, आपाआ सुटका कोअयिही.72आपाअ वेगाअ डायहांपोअ दया देखाडीत कोइततियाआ पवित्र शप्पतोअ ओर रोयी.73तिये ते शप्पत आपाअ वेगूउ डायु अब्राहाम याअरी खादीते.74के आपाअ दुस्मोनोअ आथोम रोत आमुहूं वासाड़े,आन कोड्लीज गोठीइ बिगर बियेज तियाआ सेवा कोइत सेके,75काहाके आपाअ जिवन दाड़ख्योअ,तियाआ सामने पवित्र आन धर्मी रोत सेके.76माआं पोर्या, ओमे तू वोडाम वोडा देवोअ भविश्यवक्तू कोवाअही,काहाके तु प्रभुउ वाट तियार कोइलोअ काजेहेतियाआ आगाड़ी-आगाड़ी सालही,77तो तियाआ माअहुंहूं तारणोअ हिकवोण आपे,जियांआं पापोअ माफी वाअहीं ओवेहे.78आपाअ देवोअ वोडी दया वाअहींएका नोवा दिहोअ उजवड़ आमापोअ होरगाम रोत उतरे,79आन ताहां जे मोतोअ सावलामेहें जिवतेहे, तियांपोअ उजालो सोमके तेहें काजे आनआपाअ गुडाहा होकेए वाट मिले तेहें काजे तो आपुहूं मिलू आवे.”80एहें कोइत तो पोर्यू वोडु ओनु वोल्यू आन शरीरोमेहें आन आत्मा मेहें वादतू, आन मजबुत ओवतु गोयू. इस्राएलवाला माहुंहूं प्रगट ओवीइलोअ दिहोअ दिही जाआं तो हुंद्ला जागामेहें रोयू.
The Word for the World International