योहान13
1वल्हांडण तिवारोअ पेलेए तो दिही ओतू, जेहेलाम ईसुहू जाआंत गोयो के दुन्याहा सोड़ीत आब्हाअ जागे जाअलोअ माआं ते वेल आवित लागीही, ताहां तियाआ माअहें जें दुन्यामेहें ओते जियांपोअ तो कायम मेर कोअतुतो, तियां पोअ आखरी जाआं तेहेलीहीज मेर कोअतू रोयू.2ताहां रोटू खाअलाअ वेले जाहां सैतान शिमोन इस्कार्योतोअ पोर्यू यहुदाआ मोनोमेहें ओं टाकीत सुकूतो के तियाहा तोआडो,3ईसु, ओं जाइंत कोइत के आब्हे आखो बादो तियाआ आथोम कोइ देदोहो आन तो देवोअ जागे रोत आयुहू आन देवोअ जागे जाहे,4तियाहा काजे तो रोटू खाअलोअ सोड़ी देत उठीत कोइते तियाआ उपर्येए आंगड़े काडी देदे, आन पोतड़ू लेत कोइत तियाआ कंबरेएरी वेटालित लेदू.5ताहरुउ बासनोमेहें पाईं पोइत कोइत सेलाअ गुडा तुवीइलोन हिद्लाआ कंबरेएरी बांदल्या पोतड़ा वाअहीं नुसीइलोअ सालू कोअयो.6जाहां तो शिमोन पेत्राअ जागे आयू, तेहेलाम पेत्रे तियाहा कोयो, “प्रभु, केहें तू माआं गुडा तुवेहे?”7ईसु तियाहा उत्तर आप्यो, “जो आंय कोअहो, तों ताहूं ओमे ने समजाये, पोन याअ फासाड़ी समजीही.”8पेत्रे तियाहा कोयो, “तू माआं गुडा केदिहींज ने तुवुहूं जोवे!”
ओं उनाइत कोइत ईसु तियाहा कोयो, “जर आंय ताआ गुडा ने तुवो, ताहां माअरी ताआ किज वाटू ने रोनारु.”9शिमोन पेत्रे तियाहा कोयो, “प्रभु, ताहां माआं गुडा एताज नाहां, पोन आथ आन मुन्को बी तुवीदे.”10ईसु तियाहा कोयो, “जो उंगल्योहो तो सोको होय, तियाहा गुडाअ सिवाय बिहीरो किज तुवीइलाअ गरज नाहां; आन तुमू सोका होये, पोन आखाज नाहां.”11ईसु तियाहा ओलखीइतुतो जो तियाहा धोकू देत तोइत आपनारु ओतू, तिहींज वाअहीं तिये कोयो, “तुमू आखाज सोका कायनाहां.”12जेहेलाम ईसु तियांआं गुडा तुवी देदा, आन तियाआ आंगड़े पेवीत कोइत फाशुउ बोहीत गोयू, ताहां तियांहां कोनु वोल्यू, “केहें तुमुहूं समजाअयो के आंय तुमाअरी कि कोअयोहो?13तुमू माहूं गुरु आन प्रभु कोताहा, आन तुमू बोराबरुज कोताहा, काहाके आंय तोज होंव.14जर आंय गुरु आन प्रभु ओत कोइत तुमाआं गुडा तुवया, ताहां तुमू बी एकान एकाअ गुडा तुवुहूं जोवे.15काहाके आंय तुमुहूं नमुनू देखाड़ी देदुहू, ताहां जेहें कोइत आंय तुमाअरी कोअयोहो, तेहेंज कोइत तुमू बी कोअया कोआ.16आंय तुमुहूं खोरीज कोहो, एक सेवक तियाआ मालख्यो रोत वोडू कायनाहां, आन नाहां खबर्यु तियाआ मोकलीइनारा रोत वोडू.17ओमे तुमुहूं ओं सत्य मुंदू होये, आन ओं जर तुमू सोताआ जिवनोम लेत सालहा ताहां तुमाआं केतोह बाहरी ओवे!18“आंय तुमाआं आखाआ बाप्तिम नाहां कोतू; जियांहां मी निवड़ीत लेदेहे, तियांहां आंय ओलखोहो; पोन ओं याअकाजे होये के पवित्र शास्राआ ओं वसन पुरो ओवे, ‘जिवेज रोटू आप्यू आन जिवोहोज देनो उठ्यो.’19ओमे तो ओवीइलोअ पेल आंय तुमुहूं कोत मेकोहो, के जेहेलाम ओं ओवे तेहेलाम तुमू विश्वास कोआ के ‘आंय जो होय तोज होंव.’20आंय तुमुहूं खोरीज कोहो के जो मी मोकल्योहो तियाहा स्विकार कोअहे, तो माहूं स्विकार कोअहे; आन जो माहूं स्विकार कोअहे, तो माहूं मोकलीइनाराआ स्विकार कोअहे.”21ए गोठी कोत कोइत ईसु आत्मामेहें दुखी ओवू आन ए साक्शी आप्यी, “आंय तुमुहूं खोरीज कोहो, के तुमामेर्युउ एक जोउं माहूं धोकू देत तोआडे.”22ताहां तियाआ सेला एकान बिहीराअहें पाला वोल्या आन विसारोमेहें पोड़्या, के तो कोडाअ बाप्तिमेहें कोहे.23सेलामेर्युउ एक जोऊँ जियापोअ ईसु मेर कोअतुतो, ईसुउ एकी वोगेहे ओंणाइत बोठुतो.24ताहां शिमोन पेत्रे तियाहा इशारु कोअयून फुशो, “कोडाअ बाप्तिमेहें कोत्लू तों आमुहूं को एहें कोत फुसेए?”25ताहां तिये तेहेंज कोइत ईसुउ सातीइहें ओंणाइत तियाहा फुशो, “प्रभु, तो कोडू होये?”26ईसु उत्तर आप्यो, “ओ रोटाअ कुटकू आंय वाटकामेहें जियाहा पिगवीत कोइत आपीहीं तोज होये.” आन तिये कुटकू पिगवीत कोइत शिमोन इस्कार्योतोअ बेटाह्हा यहुदाहा आप्यू.27जेहेंज रोटाअ कुटकू आथम लेदू तेहेंज सैतान तियामेहें फोहीत गोयू, ताहरुउ ईसु तियाहा कोयो, “तू जों कोअहे, तों तु ताबुड़ कोअ.”28पोन आरीवाला बोहनाराहां कोडाहाज ने समजाअयो के ईसु ए गोठ तियाहा किहाअ काजे कोयी.29यहुदा पोअ खोत्ली रोतीते, तियाहा काजे थोड़ाक सेलाहां ओं समजाअयो के ईसु तियाहा कोहे के जों किबी आपुहूं तिवारोअ काजे जोवनारोहो तों वेसातो लेत्ले, नेते एहेलोह के गोरब्योहों वाजिहीं आपी दे.30तियाहा काजे यहुदे रोटाअ कुटकू लेत कोइत ताबुड़ बारथे जातु रोयू; आन ते रातीइ वेल ओती.31जेहेलाम यहुदा बारथे जातु रोयू, तेहेलाम ईसु कोयो, “ओमे माहुंउं बेटाह्हाअ महिमा ओवीही, आन देवोअ महिमा तियामेहें प्रगट ओवीही.32जर तियामेहें देवोअ महिमा प्रगट ओवीही, ताहां देव बी सोतामेहें तियाआ महिमा प्रगट कोए आन ताबुड़ कोए.33माआं पोर्यां,आंय फाशुउ थोड़ीक वाआ जाआं तुमाअरी होंव: ताहराअ तुमू माहूं होदहा, आन जेहेंकोइत आंय यहुदी आधिकार्योहों कोयो, ‘जिहीं आंय जाहो तिहीं तुमू नाहां आवित सेकता,’ तेहेंज कोइत आंय ओमे तुमुहूं बी कोहो.34आंय तुमुहूं एक नोवू आदेश आपोहो के एकान एकापोअ मेर कोआ; जेहलीही आंय तुमापोअ मेर कोअयिही, तेहेंज कोइत तुमू बी एकान एकापोअ मेर कोआ.35जर एकान एकापोअ मेर कोअहा, ताहां याज वाअहीं आखे ओलखे के तुमू माआं सेला होये.”36शिमोन पेत्रे तियाहा फुशो, “प्रभु, तू का जाहे?”
ईसु उत्तर आप्यो, “जिहीं आंय जाहो तिहीं तू ओमे माआं फासाड़ी नाहां आवित सेकतु; पोन याआ फाटी माआं फासाड़ी आविही.”37पेत्रे तियाहा कोयो, “प्रभु, ओमे आंय ताआ फासाड़ी काहा नाहां आवित सेकतु? आंय ते ताआ काजे माआं जिव जाआं आपुहूं तियार होये.”38ईसु उत्तर आप्यो, “केहें तू खोरीज माआं काजे ताआ जिव आपुहूं तियार होये? आंय ताहूं खोरीज कोहो के जाअहूं जाआं तू माहूं तिन वारी ने नाकारीही, ताअहूं जाआं कुकड़ू ने वाहें.
ओं उनाइत कोइत ईसु तियाहा कोयो, “जर आंय ताआ गुडा ने तुवो, ताहां माअरी ताआ किज वाटू ने रोनारु.”9शिमोन पेत्रे तियाहा कोयो, “प्रभु, ताहां माआं गुडा एताज नाहां, पोन आथ आन मुन्को बी तुवीदे.”10ईसु तियाहा कोयो, “जो उंगल्योहो तो सोको होय, तियाहा गुडाअ सिवाय बिहीरो किज तुवीइलाअ गरज नाहां; आन तुमू सोका होये, पोन आखाज नाहां.”11ईसु तियाहा ओलखीइतुतो जो तियाहा धोकू देत तोइत आपनारु ओतू, तिहींज वाअहीं तिये कोयो, “तुमू आखाज सोका कायनाहां.”12जेहेलाम ईसु तियांआं गुडा तुवी देदा, आन तियाआ आंगड़े पेवीत कोइत फाशुउ बोहीत गोयू, ताहां तियांहां कोनु वोल्यू, “केहें तुमुहूं समजाअयो के आंय तुमाअरी कि कोअयोहो?13तुमू माहूं गुरु आन प्रभु कोताहा, आन तुमू बोराबरुज कोताहा, काहाके आंय तोज होंव.14जर आंय गुरु आन प्रभु ओत कोइत तुमाआं गुडा तुवया, ताहां तुमू बी एकान एकाअ गुडा तुवुहूं जोवे.15काहाके आंय तुमुहूं नमुनू देखाड़ी देदुहू, ताहां जेहें कोइत आंय तुमाअरी कोअयोहो, तेहेंज कोइत तुमू बी कोअया कोआ.16आंय तुमुहूं खोरीज कोहो, एक सेवक तियाआ मालख्यो रोत वोडू कायनाहां, आन नाहां खबर्यु तियाआ मोकलीइनारा रोत वोडू.17ओमे तुमुहूं ओं सत्य मुंदू होये, आन ओं जर तुमू सोताआ जिवनोम लेत सालहा ताहां तुमाआं केतोह बाहरी ओवे!18“आंय तुमाआं आखाआ बाप्तिम नाहां कोतू; जियांहां मी निवड़ीत लेदेहे, तियांहां आंय ओलखोहो; पोन ओं याअकाजे होये के पवित्र शास्राआ ओं वसन पुरो ओवे, ‘जिवेज रोटू आप्यू आन जिवोहोज देनो उठ्यो.’19ओमे तो ओवीइलोअ पेल आंय तुमुहूं कोत मेकोहो, के जेहेलाम ओं ओवे तेहेलाम तुमू विश्वास कोआ के ‘आंय जो होय तोज होंव.’20आंय तुमुहूं खोरीज कोहो के जो मी मोकल्योहो तियाहा स्विकार कोअहे, तो माहूं स्विकार कोअहे; आन जो माहूं स्विकार कोअहे, तो माहूं मोकलीइनाराआ स्विकार कोअहे.”21ए गोठी कोत कोइत ईसु आत्मामेहें दुखी ओवू आन ए साक्शी आप्यी, “आंय तुमुहूं खोरीज कोहो, के तुमामेर्युउ एक जोउं माहूं धोकू देत तोआडे.”22ताहां तियाआ सेला एकान बिहीराअहें पाला वोल्या आन विसारोमेहें पोड़्या, के तो कोडाअ बाप्तिमेहें कोहे.23सेलामेर्युउ एक जोऊँ जियापोअ ईसु मेर कोअतुतो, ईसुउ एकी वोगेहे ओंणाइत बोठुतो.24ताहां शिमोन पेत्रे तियाहा इशारु कोअयून फुशो, “कोडाअ बाप्तिमेहें कोत्लू तों आमुहूं को एहें कोत फुसेए?”25ताहां तिये तेहेंज कोइत ईसुउ सातीइहें ओंणाइत तियाहा फुशो, “प्रभु, तो कोडू होये?”26ईसु उत्तर आप्यो, “ओ रोटाअ कुटकू आंय वाटकामेहें जियाहा पिगवीत कोइत आपीहीं तोज होये.” आन तिये कुटकू पिगवीत कोइत शिमोन इस्कार्योतोअ बेटाह्हा यहुदाहा आप्यू.27जेहेंज रोटाअ कुटकू आथम लेदू तेहेंज सैतान तियामेहें फोहीत गोयू, ताहरुउ ईसु तियाहा कोयो, “तू जों कोअहे, तों तु ताबुड़ कोअ.”28पोन आरीवाला बोहनाराहां कोडाहाज ने समजाअयो के ईसु ए गोठ तियाहा किहाअ काजे कोयी.29यहुदा पोअ खोत्ली रोतीते, तियाहा काजे थोड़ाक सेलाहां ओं समजाअयो के ईसु तियाहा कोहे के जों किबी आपुहूं तिवारोअ काजे जोवनारोहो तों वेसातो लेत्ले, नेते एहेलोह के गोरब्योहों वाजिहीं आपी दे.30तियाहा काजे यहुदे रोटाअ कुटकू लेत कोइत ताबुड़ बारथे जातु रोयू; आन ते रातीइ वेल ओती.31जेहेलाम यहुदा बारथे जातु रोयू, तेहेलाम ईसु कोयो, “ओमे माहुंउं बेटाह्हाअ महिमा ओवीही, आन देवोअ महिमा तियामेहें प्रगट ओवीही.32जर तियामेहें देवोअ महिमा प्रगट ओवीही, ताहां देव बी सोतामेहें तियाआ महिमा प्रगट कोए आन ताबुड़ कोए.33माआं पोर्यां,आंय फाशुउ थोड़ीक वाआ जाआं तुमाअरी होंव: ताहराअ तुमू माहूं होदहा, आन जेहेंकोइत आंय यहुदी आधिकार्योहों कोयो, ‘जिहीं आंय जाहो तिहीं तुमू नाहां आवित सेकता,’ तेहेंज कोइत आंय ओमे तुमुहूं बी कोहो.34आंय तुमुहूं एक नोवू आदेश आपोहो के एकान एकापोअ मेर कोआ; जेहलीही आंय तुमापोअ मेर कोअयिही, तेहेंज कोइत तुमू बी एकान एकापोअ मेर कोआ.35जर एकान एकापोअ मेर कोअहा, ताहां याज वाअहीं आखे ओलखे के तुमू माआं सेला होये.”36शिमोन पेत्रे तियाहा फुशो, “प्रभु, तू का जाहे?”
ईसु उत्तर आप्यो, “जिहीं आंय जाहो तिहीं तू ओमे माआं फासाड़ी नाहां आवित सेकतु; पोन याआ फाटी माआं फासाड़ी आविही.”37पेत्रे तियाहा कोयो, “प्रभु, ओमे आंय ताआ फासाड़ी काहा नाहां आवित सेकतु? आंय ते ताआ काजे माआं जिव जाआं आपुहूं तियार होये.”38ईसु उत्तर आप्यो, “केहें तू खोरीज माआं काजे ताआ जिव आपुहूं तियार होये? आंय ताहूं खोरीज कोहो के जाअहूं जाआं तू माहूं तिन वारी ने नाकारीही, ताअहूं जाआं कुकड़ू ने वाहें.
The Word for the World International