याकोब4
1तुमामेहें राड़ी-भान्गड़ी का रोत आवतीही? तुमामेहें खाराब लालस सुलाअतीहीं तिहीं वाईं ना?2तुमू इश्शा कोअतेहे, पोन तुमुहूं नाहां जोड़तो; तियाहा काजे तुमू खुन कोअतेहे, तुमू आदराअतेहे, पोन किज नाहां जोड़ीत सेकतो; ताहां तुमू राड़ी-भान्गड़ी कोअतेहे, तुमू नाहां मागते कोत तुमुहूं नाहां जोड़तो.3तुमू मागतेहे पोन तुमुहूं नाहां जोड़तो, काहाके तुमू सोताआ मोज्याआ काजे मागतेहे.4ए धोकु देनारा माअहों! दुन्याअरी दोस्ती कोइलोअ देवोअरी दुस्मोनी होय, ओं तुमुहूं कायनाहां मुंदू के? जो कोडो दुन्याअरी दोस्ती कोइत रोअहूं होदेहे, तों देवोअ दुस्मोन बोणेहे.5“आपामेहें रोनारु पवित्र आत्मा जियाहा देवे आपामेहें मिक्युहू, तो एहलिही लालस कोअहे के जियाआ फल जलन होय,” एहें कोत वसन कोहे तों एहेलोज होय लागेहे के?6पोन तो जाअखी मेरवानी कोअहे तिहीं वाईं वसन कोहे, “देव वोडाय कोनाराआं विरोध कोअहे, आन तो हानालाहां मेरवानी आपेहे.”7तियाहा काजे देवोअ आथम होपात जावा; आन सैतानोहो रुका, ताहां तो तुमाआं जागे रोत नाहींत जाय.8देवोअ जागे आवा, ताहां तो बी तुमाआं जागे आवे. ए पाप्यों, तुमाआं आथ सोका कोआ, ए बेन मुंड्या माअहों, सोताआ मोन सोको कोआ.9दुखी ओवा, विखा कोआ आन रोड़ा, “तुमाआं ओंहींइलोअ रोड़ीइलाम बोदलात जाय आन तुमाआ खुसी दुखोम बोदलात जाय.”10प्रभुउ सामने हानाले बोणा, ताहां तो तुमुहूं उसे कोए.11माआं पाव्हीइला एकमेकाआ बेइजती मा कोअहा. जो पाव्हीइला बेइजती कोअहे आन आरोप लागाड़ेहे तो कायदाअ विरुद्द गोगेहे. जर तु कायदाहा गलत ठरवेहे, ताहां तु कायदाआ पालन कोअनारु नाहां, पोन न्यायाधिश बोण्यु.12कायदु आपनारु आन न्यायाधिश एकुज होय; तारनारु आन मांअनारु ताम देवुज होय; पोन जागेवालापोअ आरोप लागाड़नारु तु कोडु होय?13पाला, तुमू कोतेहे, “के आपू आज नेत हांदाअ एखा होयरोम जाहूं, तिहीं वोरिही पोइत रोहूं आन काम-धंदू कोइत पोशा मेलवुहूं.”14पोन हांदाआ की ओवनारो होय तों तुमुहूं नाहां मुंदू. तुमाआं जिंदगीज केतीही होय तों बी तेंव इतवा! उनाइत तेबी लेवा, तुमाअ जिवन होय तेबी कि? तुमू ते वाफेए होसऱ्येए होय, जे एक ताल देखाअहे आन आरतात जाहे.15याअ रोत उलटो तुमू एहें कोअहूं जोवे के, “देवोअ इश्शा ओय ताहां आमू जिवते रोहूं, आन ओं काम नेत तों काम कोअहूं.”16पोन तुमू ओमेएंज डांबराय कोइलामेहें वोडाय कोअतेहे; एहेली आखी वोडाय ने हाजी होय.वेपारी आन गिराख17तियाहा काजे जियाहा हाजो कोइलो समजेहे, तेबी तों तियाहा नाहां कोअतो, तियाहा पाप लागे.
The Word for the World International