इब्री12
1तियाहा काजे साक्शीइ एती वोडी गर्दी आपुहूं केंडवारीत होये, ताहां आवा, हारेक रुकनारी वस्तू आन हेलमेहें गुसवीइनारा पापोहो सोड़ीत, आपुहूं ठरवीत आपल्या गुगदीइलोअ पोट्टापोअ बागे रोत गुगदुहूं.2जो विश्वासोअ थापनारु आन पुरो कोअनारु होय तिया ईसुउहें ध्यान लागाड़ीत रोहूं, जिये तियाआ आगल्यीइ खुसीइ काजे, लाज सोड़ीत क्रुस खांबोअ दुख वेठ्यो, आन ओमे तो देवोअ राजगादीइ हाजाड़ीइ वोलेहे जात कोइत बोठुहू.3तियाहा कोत तियापोअ मोन लागाड़ा, जिये सोताआ विरुद्दामेहें पापी माअहोंअ एतुहू वोडू विरोध वेठीत लेदू, काहाके तुमू नाराज ओत कोइत हिम्मत ने सोड़ी देअहूं जोवे.4तुमू पापोअरी सुलाअता सुलाअता रक्त वोहे एतुहू विरोध नाहां जी कोअयू.5आन तुमुहूं बेटाह्हाआ होस कोल्यी गोठी विहीरात गोयेहे के?“माआं पोर्यां, प्रभुउ शिक्शाहा ओल्की मा जाअहीं,आन तो ताहूं हेकाटे, ताहां नाराज मा ओवीही.6काहाके प्रभु जियापोअ मेर कोअहे,तियाहा तो शिक्शा बी कोअहे आन जियाहा तो तियाआ बेटुह्हू कोत मानेहें, तिया हारेक जोओंहों तो थापुड़ बी देहे.”7तुमू कठीण दुखोहो तियाआ हानेए काजे होय कोत मानित ल्या ताहां, काहाके देव बी तुमुहूं बेटेह्हे कोत मानेहे. कोडो एहेलोहो पोऱ्यो होय, जियाहा हानेए काजे थापुड़ ने पोड़तीय?8पोन जे शिक्शा आखाहाज जोड़ेहे, पोन तुमुहूं ने जोड़तीय, ताहां तुमू सिनालोअ पोर्ये होय खोरे पोर्ये कायनाहां.9जेहलाम दुन्यामेऱ्युउ आपाआ आब्हू जाआं हानेए कोअते थापुड़ देहे, तिहींइं बोदले आपू तियाआ आदर कोअतेहे, ताहरेए आपू आपाआ आत्मिक आब्हाआ ताबाम रोत कोइत काहा ने जिवुहूं जोवे?10दुन्यामेऱ्युउ आब्हू ताम जिवज्योअ होमोजोअ परमाणे थोड़ा दिहोअ कोअते शिक्शा कोअहे, पोन देव ताम आपाआ हाजाआ कोअते कोअहे, काहाके आपू बी तियाआ पवित्रतामेहें सामिल ओवुहूं जोवे एहलिही तियाआ इश्शा होय.11कोड्ली बी शिक्शा वाअहीं खुसी ताहरीइ नाहांज ओवती पोन दुख लागेहे, तेबी जियांहां तियी शिक्शाआ आनुभाव जोड़्युहू, तियांहां आगाड़ी जात धर्मी जिवन आन शांती जिवनोअ फल जोड़ेहे.12तियाहा काजे तुमाआं डिल्ला आथ उसे कोआ आन तुमाआ कापाऱ्या गुडा वातड़ा कोआ!13आन तुमाआ गुडाआ काजे सिदी वाट तियार कोआ लेंगड़ाआं गुडा मुड़ात ने जाअहूं जोवे, पोन हुदरीत जाअहूं जोवे.14आखा माअहोंअरी होकेहे रोवा आन पवित्रता होदीइलोअ कोशित कोआ. काहाके तिया सिवाय कोडाहाज प्रभुउ दर्शन नाहां जोड़नारो.15वारुहूं पालते रोवा, काहाके कोडोज देवोअ मेरवानी रोत सेटे ने रोअहूं जोवे, नेताहां जाअखिलेहे जोएं बिगड़ीत जाय एहलोहो एखू कड़वो मुल फुटीत कोइत तुमुहूं तारास ने देअहूं जोवे.16कोडो बी सिनाल ने रोअहूं जोवे, नेताहां एकी वेलेए रोटाआ कोअते तियाआ डाया पायहोअ आधिकार वेसनारा एसावोअ होसर्योअ दुन्यादारीइ विसारोवालो ने जोवे याअहें तुमू द्यान द्या.17तुमुहूं मुंदूज ओय के, सेलीसेलवाआ तो आशिर्वादोअ काजे रोड़ी रोड़ीइ थाकीत गोयू, पोन आशिर्वाद ने जोड़्यू तेबी तियाआ आब्हाआ मोन तो बोदलीत ने सेक्यु.18जिया डोगोहो आथ लागाड़ीत सेकतेहे; जो आगीइ हांगाड़ा वाअहीं पेटाअतुतो, आन काल्लो वाद्लो, आन आंदारो, आन वादुउ यां वाअहीं पोआलू ओतू तियाआ जागे तुमू नाहां आये. पोन एक नविल जागे आयेहे.19आन तुरीइ वोडू बी आवाज आन गोगनाराआ एतू वोडू आवाज के, तो आवाज उनाअनारे माहें विनंती कोए वोल्ये, “ओंमे रोत आमू जाअखी गोठी नाहां उनाअते.”20काहाके तें तियाआ तो आदेश सहन ने कोइत सेक्ये: “जर एखू जनवार बी डोगोहो टेके, ताहां डोणो वाअहीं देअहूं जोवे.”21आन तों दर्शन एतोहो बिवाड़े एहलोहो ओतो के मोशे कोत पोड़्यू, “माहूं जाअखीलिही बिक लागेहे आन कापाड़ेहे.”22पोन तुमू ताम सियोन डोगोअ जागे आन जिवता देवोअ होयर, होरगाआ येरुसालेमोअ जागे लाखेन लाख देवदुत23आन देवोअ डाया पोऱ्याआं सभा आन मंडड़ी जियांआं नावे होरगाम लेखाअयेहे, आन आखाआ न्यायनिवाड़ु कोअनारा देवोअ जागे, पाक्की कोअल्यी धर्मी माअहोंअ आत्मा,24आन नोवी शप्पतेए वोग्यु ईसु, आन हितड़ावल्या रक्ताआ जागे तुमू आयेहे, जो हाबेलोअ रक्ता रोत बी जाअखो हाजी गोठी कोअहे.25हेएजा, आन जों कोत आपनारो होय तियाअहें सोब मा मुंउड़ाहा, काहाके तें माअहें जाआं धरतीपोर्याआ सुसना आपनाराअहें रोत सोब मुंउड़ीत लेदी तें जाआं ने वासाअये, ताहरेए आपू होरगाम रोत सुसना आपनाराअहें रोत सोब मुउड़्यी ताहां केहें कोइत वासाअहूं?26तिया गालाहा ताम तिये शब्दाज वाअहीं धरती आलवीत टाक्यी, पोन ओंमे तिये एहें कोत आथवसन लेदोहो के, “आंय फाशुउ एकवारी जाआं निस्ती धरतीज नाहां, पोन जुग बी आलविहीं.”27आन “फाशुउ एकवारी जाआं” यी गोठीइ अर्थ होये के, जे वस्तु आलीत जातिही, ते वस्तु बोणावल्यी होय तिहींवाअहीं निहींत जानारी; काहाके जे वस्तु नाहां आलती ते टिकीत रोअहूं जोवे.28तियाहा काजे आपुहूं एहेलोहो टिकनारो राज जोड़ेहे जो आलीत नाहां सेकतो, आवा, आपू देवोअ धन्यवाद कोअहूं, आन आदरमान, भक्तिभावो वाअहीं तियाहा गोमे एहेलिही आराधना कोअहूं;29काहाके आपाआ देव खाँआन खाँआं वालीत टाकनारी आग होय.
The Word for the World International