उत्पत्ती46
1ताहरुउ याकोब तियाआ आखो लेत कोइत बेर्शेबाम गोयु, आन तिहीं तियाआ आब्हा इसाहाकोअ देवोहो गाराहा आप्यू.2ताहां देवे याकोबोहो राती दर्शनोमेहें कोयो, “याकोब, याकोब.”
तिये कोयो, “होव, आंय उनाअहो.” 3तिये कोयो, “आंय देव होय, ताआ आब्हाआ देव; तू मिसर देसोम जाअलाअ मा बिही; काहाके आंय तापरोत तिहीं एक वोडी जात बोणावीहीं.4आंय ताआ आरी आरी मिसरोम सालोहो, आन आंय ताहूं तिहीं रोत फाश्यु पाक्कू लेत आविहीं; आन योसेफ तियाआ आथोवाअहीं ताआ डोआ मिसाड़े.”5ताहरुउ याकोब बेर्शेबाम रोत वाट लागू; आन याकोबोअ पोर्या तियांआं आब्हू आन तियांआं बोईंन पोर्याहा तियां गाडामेहें, जे फारो तियांहां लेतावे तेहें मोकल्यीते, बोहाड़ीत कोइत वाट लागे.6ते तियांआं मेडेन बोकड़े, वासड़े, आन कनान देसोमेहें तियां मेलवीइल्यी आखी मालमिलकतेहे लेत कोइत मिसर देसोम आवये;7आन याकोब तियाआ पोर्यान पोर्यी, बेटाह्हाआं पोर्यान पोर्यीही, मोन्ज्ये तियाआ पुरा कुटुंबाहा तियाअरी मिसर देसोम लेत आवयू.8इस्राएलोअ मोन्ज्ये याकोबोअ बेटाह्हाअ नावे जे मिसर देसोमेहें आवयाते, एं होय: याकोबोअ डायु पोर्यू रूबेन ओतू;9आन रूबेनोअ पोर्या हानोक, पल्लू, हेस्रोन आन कर्म्मी ओता.10शिमोनोअ पोर्या यमूएल, यामीन, ओहोद, याकीन, सोहार, आन एक कनानी बोईंप रोत उब्जीइल्यू शाऊल बी ओतू.11लेवीइ पोर्या: गेर्शोन, कोहात, आन मरारी ओता.12यहुदाआ पोर्या: एर, ओनान, शेला, पेरेस, आन जेरह ए पोर्या उबज्याते पोन एर आन ओनान कनान देसोजमेहें मोइत गोयाते; आन पेरेसोअ पोर्या हेस्रोन आन हामूल ओता.13इस्साखारोअ पोर्या: तोला, पुब्बा, योब, आन शिम्रोन ओता.14जबुलूनोअ पोर्या: सेरेद, एलोन, आन यहलेल ओता.15लिआअ पोर्या जे पद्दन-अरामोमेहें उबज्याते, तियांआं पोर्या आन पोर्याआ पोर्या एज ओता, आन तियाआ पोर्यी दीना बी ओती. एं आखे इंहीं जाआं याकोबोअ पुरा कुटूंबाआ तेहेंतीस माअहें ओवे.16गादोअ पोर्या: सपोन, हाग्गी, शूनी, एसबोन, एरी, अरोदी, आन अरेली ओता.17आशेरोअ पोर्या: यिम्ना, यिश्बा, यिस्वी, आन बरीआ ओता, आन तियांआं बोअह्हीं सेरह ओती; बरीआअ पोर्या हेबेर आन मल्कीएल ओता.18जिल्पा, जियीही लाबाने तियाआ पोर्यी लिआहा आप्यीते, तियीइ पोर्या आन पोर्याअ पोर्या एज ओवा; आन तियीप रोत याकोबोअ आखेज सोड़ा माअहें उब्ज्ये.19याकोबोअ लाडी राहेलोअ पोर्या योसेफ आन बिन्यामीन ओता.20आन मिसर देसोमेएं ओन गावोंअ पुंजारु पोतीपारोअ पोर्यी आसनतेपरोत योसेफोअ ए पोर्या उबज्या, मोन्ज्ये मनश्शे आन एफ्राईम.21आन बिन्यामीनोअ पोर्या: बेला, बेकेर, अश्बेल, गेरा, नामान, एही, रोश, मुप्पीम, हुप्पीम, आन आर्द ओता.22राहेलोअ पोर्या जे याकोबोपरोत उबज्या, तियांआं एज पोर्या ओता; तियीइ एं आक्खे पोर्या आन पोर्याअ पोर्या सुहूद माअहें ओते23दानोअ पोर्यू हूशीम ओतू.24नफ्तालीइ पोर्या: यहसेल, गूनी, सेसेर, आन शिल्लेम ओता.25बिल्हा साकर्यी, जियीही लाबाने तियाआ पोर्यी राहेलोहो आप्यीते, तियीइ पोर्या आन पोर्याअ पोर्या एज होय; तियीप रोत याकोबोहो हांत माअहें उब्ज्ये.26याकोबोअ पारवाड़ीइ जे माअहें मिसर देसोम आवये,ते तियाआ वोवड़ीह्हीहीं सोड़ीत आखे मिलीत कोइत साहासाट माअहें ओते.27आन योसेफोअ मिसर देसोम उब्जीइल्या बेन पोर्या नेहें मिलीत कोइत आक्खेज याकोबोअ कुटूंबामेर्येए जे मिसर देसोम आवये, ते सत्तर माअहें ओवे.28याकोब तियाआ आगाड़ी यहुदाहा योसेफोअ जागे मोकल्यू के तो तियांहां मिलीइलाअ कोअते गोशेन मुलखोम आवे; तिहींइं फासाड़ी ते गोशेन मुलखोम फोहोया.29ताहरुउ योसेफ तियाआ कोड़ाआ गाडो जुपाड़्यो, आन तियाआ आब्हा याकोबोहो मिलीइलाअ काजे गोशेन मुलखोमेहें गोयु, आन तियाहा मिलीत कोइत तियाआ गोले लागू, आन हांहतुहू जाआं तियाआ गोले लागीत कोइत रोड़्यू.30ताहां याकोब योसेफोहो कोयो, “ओमे ते आंय खुसी वाअहीं मोअहीं, काहाके तु माहूं जिवतू सापड़्यु आन ताआ मुख मी पालीत लेदो.”31ताहरुउ योसेफ तियाआ पायहोंहों आन तियाआ आब्हाअ कुटुंबाहा कोयो, “ओमे आंय जात कोइत फारोहो कोहो, ‘माआ पाही आन माआ आब्हाअ कुटूंब जे कनान देसोमेहें रोतेते, ते माआ जागे आवीत लागेहे;32आन ते माअहें सारवाली होय, काहाके ते डोगरेन बोकड़े पालते आयेहे; तियाहा काजे ते तियांआं मेडेन बोकड़े, वासड़े, आन जो किबी तियांआं होय, आखोज लेत आयेहे.’33जाहां फारो तुमुहूं हादीत कोइत फुसे, ‘तुमाआ काम धंदू की होय?’34ताहां एहें कोजा, ‘ताआ पावर हाना ओता तोयोंअ रोत आज जाआं वासड़े बोकड़े पालता आयाहा, आन आमाआं वेगाआ डायहां बी ओंज कोअताते.’ यावाअहीं तुमू गोशेन मुलखोमेहें रोत सेकहा; काहाके आक्खा सारवाल्याहा मिसरी माअहें सीस कोअतेहे.”
तिये कोयो, “होव, आंय उनाअहो.” 3तिये कोयो, “आंय देव होय, ताआ आब्हाआ देव; तू मिसर देसोम जाअलाअ मा बिही; काहाके आंय तापरोत तिहीं एक वोडी जात बोणावीहीं.4आंय ताआ आरी आरी मिसरोम सालोहो, आन आंय ताहूं तिहीं रोत फाश्यु पाक्कू लेत आविहीं; आन योसेफ तियाआ आथोवाअहीं ताआ डोआ मिसाड़े.”5ताहरुउ याकोब बेर्शेबाम रोत वाट लागू; आन याकोबोअ पोर्या तियांआं आब्हू आन तियांआं बोईंन पोर्याहा तियां गाडामेहें, जे फारो तियांहां लेतावे तेहें मोकल्यीते, बोहाड़ीत कोइत वाट लागे.6ते तियांआं मेडेन बोकड़े, वासड़े, आन कनान देसोमेहें तियां मेलवीइल्यी आखी मालमिलकतेहे लेत कोइत मिसर देसोम आवये;7आन याकोब तियाआ पोर्यान पोर्यी, बेटाह्हाआं पोर्यान पोर्यीही, मोन्ज्ये तियाआ पुरा कुटुंबाहा तियाअरी मिसर देसोम लेत आवयू.8इस्राएलोअ मोन्ज्ये याकोबोअ बेटाह्हाअ नावे जे मिसर देसोमेहें आवयाते, एं होय: याकोबोअ डायु पोर्यू रूबेन ओतू;9आन रूबेनोअ पोर्या हानोक, पल्लू, हेस्रोन आन कर्म्मी ओता.10शिमोनोअ पोर्या यमूएल, यामीन, ओहोद, याकीन, सोहार, आन एक कनानी बोईंप रोत उब्जीइल्यू शाऊल बी ओतू.11लेवीइ पोर्या: गेर्शोन, कोहात, आन मरारी ओता.12यहुदाआ पोर्या: एर, ओनान, शेला, पेरेस, आन जेरह ए पोर्या उबज्याते पोन एर आन ओनान कनान देसोजमेहें मोइत गोयाते; आन पेरेसोअ पोर्या हेस्रोन आन हामूल ओता.13इस्साखारोअ पोर्या: तोला, पुब्बा, योब, आन शिम्रोन ओता.14जबुलूनोअ पोर्या: सेरेद, एलोन, आन यहलेल ओता.15लिआअ पोर्या जे पद्दन-अरामोमेहें उबज्याते, तियांआं पोर्या आन पोर्याआ पोर्या एज ओता, आन तियाआ पोर्यी दीना बी ओती. एं आखे इंहीं जाआं याकोबोअ पुरा कुटूंबाआ तेहेंतीस माअहें ओवे.16गादोअ पोर्या: सपोन, हाग्गी, शूनी, एसबोन, एरी, अरोदी, आन अरेली ओता.17आशेरोअ पोर्या: यिम्ना, यिश्बा, यिस्वी, आन बरीआ ओता, आन तियांआं बोअह्हीं सेरह ओती; बरीआअ पोर्या हेबेर आन मल्कीएल ओता.18जिल्पा, जियीही लाबाने तियाआ पोर्यी लिआहा आप्यीते, तियीइ पोर्या आन पोर्याअ पोर्या एज ओवा; आन तियीप रोत याकोबोअ आखेज सोड़ा माअहें उब्ज्ये.19याकोबोअ लाडी राहेलोअ पोर्या योसेफ आन बिन्यामीन ओता.20आन मिसर देसोमेएं ओन गावोंअ पुंजारु पोतीपारोअ पोर्यी आसनतेपरोत योसेफोअ ए पोर्या उबज्या, मोन्ज्ये मनश्शे आन एफ्राईम.21आन बिन्यामीनोअ पोर्या: बेला, बेकेर, अश्बेल, गेरा, नामान, एही, रोश, मुप्पीम, हुप्पीम, आन आर्द ओता.22राहेलोअ पोर्या जे याकोबोपरोत उबज्या, तियांआं एज पोर्या ओता; तियीइ एं आक्खे पोर्या आन पोर्याअ पोर्या सुहूद माअहें ओते23दानोअ पोर्यू हूशीम ओतू.24नफ्तालीइ पोर्या: यहसेल, गूनी, सेसेर, आन शिल्लेम ओता.25बिल्हा साकर्यी, जियीही लाबाने तियाआ पोर्यी राहेलोहो आप्यीते, तियीइ पोर्या आन पोर्याअ पोर्या एज होय; तियीप रोत याकोबोहो हांत माअहें उब्ज्ये.26याकोबोअ पारवाड़ीइ जे माअहें मिसर देसोम आवये,ते तियाआ वोवड़ीह्हीहीं सोड़ीत आखे मिलीत कोइत साहासाट माअहें ओते.27आन योसेफोअ मिसर देसोम उब्जीइल्या बेन पोर्या नेहें मिलीत कोइत आक्खेज याकोबोअ कुटूंबामेर्येए जे मिसर देसोम आवये, ते सत्तर माअहें ओवे.28याकोब तियाआ आगाड़ी यहुदाहा योसेफोअ जागे मोकल्यू के तो तियांहां मिलीइलाअ कोअते गोशेन मुलखोम आवे; तिहींइं फासाड़ी ते गोशेन मुलखोम फोहोया.29ताहरुउ योसेफ तियाआ कोड़ाआ गाडो जुपाड़्यो, आन तियाआ आब्हा याकोबोहो मिलीइलाअ काजे गोशेन मुलखोमेहें गोयु, आन तियाहा मिलीत कोइत तियाआ गोले लागू, आन हांहतुहू जाआं तियाआ गोले लागीत कोइत रोड़्यू.30ताहां याकोब योसेफोहो कोयो, “ओमे ते आंय खुसी वाअहीं मोअहीं, काहाके तु माहूं जिवतू सापड़्यु आन ताआ मुख मी पालीत लेदो.”31ताहरुउ योसेफ तियाआ पायहोंहों आन तियाआ आब्हाअ कुटुंबाहा कोयो, “ओमे आंय जात कोइत फारोहो कोहो, ‘माआ पाही आन माआ आब्हाअ कुटूंब जे कनान देसोमेहें रोतेते, ते माआ जागे आवीत लागेहे;32आन ते माअहें सारवाली होय, काहाके ते डोगरेन बोकड़े पालते आयेहे; तियाहा काजे ते तियांआं मेडेन बोकड़े, वासड़े, आन जो किबी तियांआं होय, आखोज लेत आयेहे.’33जाहां फारो तुमुहूं हादीत कोइत फुसे, ‘तुमाआ काम धंदू की होय?’34ताहां एहें कोजा, ‘ताआ पावर हाना ओता तोयोंअ रोत आज जाआं वासड़े बोकड़े पालता आयाहा, आन आमाआं वेगाआ डायहां बी ओंज कोअताते.’ यावाअहीं तुमू गोशेन मुलखोमेहें रोत सेकहा; काहाके आक्खा सारवाल्याहा मिसरी माअहें सीस कोअतेहे.”
The Word for the World International