उत्पत्ती32
1याकोब बी तियाआ वाट तोअयी आन देवोअ देवदूत वाटेम तियाहा मिल्या.2तियांहां देखतीज याकोब कोयो, “ए ते देवोअ सेना होय.” तियाहा काजे तिये तिया जागाअ नाव महनेम मिक्यो.3ताहरुउ याकोबे सेईर देसोम, मोन्ज्ये एदोम देसोमेहें, तियाआ पाही एसावोअ जागे तियाआ आगाड़ी खबर्या मोकल्या,4आन तिये तियांहां ओ आदेश आप्यू, “माआ मालिख एसावोहो एहें कोजा: ताआ पावर याकोब ताहूं एहें कोहे के आंय लाबानोअ जागे पारकू ओत कोइत ओमे जाआं रोयू;5आन मापोअ बोलोद, गोदड़े, मेडेन बोकड़े, आन पावर-पावरीइं होये: आन आंय माआ मालिखोअ जागे याअकाजे खोबर मोकल्यीही के ताआ मेरवानीइ नजर मापोअ ओवे.”6ते खबर्या याकोबोअ जागे वोलीत आवीत कोइत कोना वोल्या, “आमू ताआ पाही एसावोअ जागे गोयाते आन तो बी ताहूं मिलीइलाअ कोअते शार होव माटी आरी लेत कोइत आवेहे.”7ताहरुउ याकोब जाअखीलुहू बित गोयु, आन ओड़सनेम पोड़्यु; आन ओ विसार कोइत तियाआ हेंगात्योहोन, मेडे, डोगरेन बोकड़े, आन उटड़े बी आलाग आलाग बेन टोली कोइत लेदी,8काहाके एसाव आवीत कोइत एकी टोलीही देनू वोले, ताहां बिहीरी टोली नाहीत कोइत वासाइत सेके.9फाशुउ याकोब कोयो, “यहोवा, माआ वोडाब्हा अब्राहामोअ देव, माआ आब्हा इसाहाकोअ देव, तुमेज ते माहूं कोयोतो के ताआ देस आन ताआ गावोंम वोलीत जा, आन आंय ताआ हाजो कोअहीं:10तुमे जें जें कामे ताआ माया आन हाजलायी वाअहीं ताआ पावरोअरी कोअयेहे, के आंय जो माआं एक डेंगार एतीज लेत कोइत यी यारदेन नोयीही उनकावित आयू, आन ओमे माआ बेन टोली ओत गोयीही; ताआ एहेला एहेला कामोम रोत आंय एकाआ बी लायक कायनाहां.11माआ रावणी उनाइत कोइत माहूं माआ पाही एसावोअ आथोम रोत वासाड़: माहूं तियाआ बिक लागेहे, के एहेलोहो ने ओवुहूं जोवे के तो आवीत कोइत माहूं आन आयहीबेठाहां बी माइत टाके.12तुमे कोयोहो, के आंय हुदाअलीज ताआ हाजोज कोअहीं, आन ताआ पारवाड़ीही दोर्याआ रेटाआ होस जाअखीलीही कोअहीं, पोऱ्ये जाअखीलेहे रोय, तिहीं वाअहीं गोणीत बी ने सेकाय.”13याकोबे तेदिहीं रात तिहींज काड्यी; आन जो किबी तियापोअ ओतो तिहींम रोत तियाआ पाही एसावोअ भेटेए काजे निवड़ीत काड्यो;14मोन्ज्ये बेन होव बोकड़ी, आन विही बोकड़ा, आन बेन होव मेडी, आन विही मेडा,15आन बासेनेहें दुध आपनारी तीस उटड़ी, आन सालिही वासड़ी, आन दोह बोलोद, आन विही गोदड़े, आन तियींइं दोह वासड़ीइ बासे.16तियांहां तिये आलाग आलाग गोवारा कोइते, तियाआ पावरोहों होपीत कोइत तियांहां कोयो, “माआ आगाड़ी सालता ओवा; आन गोवाराअ विस-विसमेहें गालो मिका.”17ताहरेए तिये आगाड़ीइ गोवाराआ राखवालीही ओ आदेश आप्यू, “जेहेलाम माआ पाही एसाव ताहूं मिले आन फुसे, ‘तू कोडाआ पावर होय? आन का जाहे? आन एं ताआ आगाड़ी होय एं कोडाआ जनवारे होय?’18ताहां कोजी, ‘एं ताआ सेवक याकोबोअ होय. माआ मालिख एसाव, एं भेट आपिलोअ काजे ताआ जागे लेत मोकल्येहे, आन तो बी आमाआ फासाड़ी आवेहे’.”19आन तिये दुसरान तिसरा राखवालीही बी जे आखा गोवाराआ फाटी ओता, तियांहां ओज आदेश आप्यू, के “जाहां एसाव तुमुहूं मिले ताहां एहेंज कोइत तियाहा कोजा.20आन एहें बी कोजा, ताआ सेवक याकोब आमाआ फासाड़ी आवेहे.” काहाके तिये ओ विसार कोअयू, के ए भेट जे माआ आगाड़ी आगाड़ी जाहे, यी वाअहीं आंय तियाआ खोतेहे उलवीत कोइत तियाहा मिलीहीं; ओत सेकेहे के तो खुस ओत कोइत माहूं माफ कोइ देय.21तियाहा काजे ते गोवाराआ भेट याकोबोअ रोत पेल एकी वोल उतरीत पोड़्यी, आन तो सोताहा तियी राती पोड़ावाजपोअ रोयू.22याकोब राती उठ्यू आन तियाआ बेनू बोईंहीं, आन बेनू पावरीही आन इग्यार पोर्याहा आरी लेत कोइत यब्बोक खाडीही उन्कीत कोइत गोयु.23तिये तियांहां तियी खाडीइ एकी तोड़ मोकली देदे, जो किबी तियापोअ ओतो, तियाहा तिये खाडीइ एकी तोड़ लेत मोकली देदो.24आन याकोब एखलुज रोत गोयु; ताहरोअ एक माहुंउं आवीत कोइत हुज्यो ताअहूं जाआं तियाअरी सुलाअतो रोयो.25जाहां तियाहा लागो के आंय याकोबोहो नाहां हारवीत सेकतू, ताहां याकोबोअ जांगेए नोहोहों आथ लागाड़्यु; आन तियाअरी सुलाअता सुलाअताज याकोबोअ जांगेए नोहो सोड़ीत गोयी.26ताहां तिये माट्ये कोयो, “हुजो वोल्योहो, माहूं जाअहूं दे,”
याकोबे कोयो, “जाअहूं जाआं तू माहूं आशिर्वाद ने आपे, ताअहूं जाआं आंय ताहूं जाअहूं ने देंव.”27तिये याकोबोहो फुश्यो, “ताआ नाव की होय?”
तिये कोयो, “याकोब.”28तिये कोयो, “ताआ नाव ओमे याकोब नाहां, पोन इस्राएल ओवे, काहाके तू देवोअरी आन माअहुंउं आरी बी लड़ाय कोइत जिकुहू.”29याकोबे कोयो, “आंय ताहूं विनंती कोअहो, माहूं ताआ नाव को.”
तिये कोयो, “तू माआं नाव काहा फुसेहे?” ताहां तिये याकोबोहो तिहींज आशिर्वाद आप्यू.30ताहरुउ याकोबे तिया जागाअ नाव पनीएल मिक्यो; “देवोहो आमने सामने देखीत कोइत बी आंय जिवतू होय.”31पनीएलोअ जागे रोत जाता-जाता दिही उगित गोयु, आन तो जांगेए वोजेसे लेंगाअतुतो.32तिये माट्ये याकोबोअ जांगेए नोहोहों आथ लागाड़ल्यु कोत आज बी इस्राएलवाले माहें जनवारोअ जांगोमेएं माहां नाहां खाते.
याकोबे कोयो, “जाअहूं जाआं तू माहूं आशिर्वाद ने आपे, ताअहूं जाआं आंय ताहूं जाअहूं ने देंव.”27तिये याकोबोहो फुश्यो, “ताआ नाव की होय?”
तिये कोयो, “याकोब.”28तिये कोयो, “ताआ नाव ओमे याकोब नाहां, पोन इस्राएल ओवे, काहाके तू देवोअरी आन माअहुंउं आरी बी लड़ाय कोइत जिकुहू.”29याकोबे कोयो, “आंय ताहूं विनंती कोअहो, माहूं ताआ नाव को.”
तिये कोयो, “तू माआं नाव काहा फुसेहे?” ताहां तिये याकोबोहो तिहींज आशिर्वाद आप्यू.30ताहरुउ याकोबे तिया जागाअ नाव पनीएल मिक्यो; “देवोहो आमने सामने देखीत कोइत बी आंय जिवतू होय.”31पनीएलोअ जागे रोत जाता-जाता दिही उगित गोयु, आन तो जांगेए वोजेसे लेंगाअतुतो.32तिये माट्ये याकोबोअ जांगेए नोहोहों आथ लागाड़ल्यु कोत आज बी इस्राएलवाले माहें जनवारोअ जांगोमेएं माहां नाहां खाते.
The Word for the World International